| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
4. рааж̇аваг̇г̇о
4. Rājavaggo
1. гхадигаарасуд̇д̇ам̣
1. Ghaṭikārasuttaṃ
282. звам̣ мз суд̇ам̣ – згам̣ самаяам̣ бхаг̇аваа госалзсу жааригам̣ жарад̇и махад̇аа бхигкусан̇гхзна сад̣̇д̇хим̣. ат̇а ко бхаг̇аваа маг̇г̇аа оггамма ан̃н̃ад̇арасмим̣ бад̣̇зсз сид̇ам̣ баад̇ваагааси. ат̇а ко ааяасмад̇о аананд̣̇асса зд̇ад̣̇ахоси – ‘‘го ну ко хзд̇у, го бажжаяо бхаг̇авад̇о сид̇асса баад̇угаммааяа? на агааран̣зна 1 д̇ат̇ааг̇ад̇аа сид̇ам̣ баад̇угаронд̇ий’’д̇и. ат̇а ко ааяасмаа аананд̣̇о згам̣сам̣ жийварам̣ 2 гад̇ваа язна бхаг̇аваа д̇знан̃ж̇алим̣ бан̣аамзд̇ваа бхаг̇аванд̇ам̣ зд̇ад̣̇авожа – ‘‘го ну ко, бханд̇з, хзд̇у, го бажжаяо бхаг̇авад̇о сид̇асса баад̇угаммааяа? на агааран̣зна д̇ат̇ааг̇ад̇аа сид̇ам̣ баад̇угаронд̇ий’’д̇и. ‘‘бхууд̇абуб̣б̣ам̣, аананд̣̇а, имасмим̣ бад̣̇зсз взг̇ал̣ин̇г̇ам̣ 3 наама г̇ааманиг̇амо ахоси ид̣̇д̇хо жзва пийд̇о жа б̣ахуж̇ано аагин̣н̣амануссо. взг̇ал̣ин̇г̇ам̣ ко, аананд̣̇а, г̇ааманиг̇амам̣ гассабо бхаг̇аваа арахам̣ саммаасамб̣уд̣̇д̇хо убаниссааяа вихааси. ид̇ха суд̣̇ам̣, аананд̣̇а, гассабасса бхаг̇авад̇о арахад̇о саммаасамб̣уд̣̇д̇хасса аараамо ахоси. ид̇ха суд̣̇ам̣, аананд̣̇а, гассабо бхаг̇аваа арахам̣ саммаасамб̣уд̣̇д̇хо нисиннаго бхигкусан̇гхам̣ овад̣̇ад̇ий’’д̇и. ат̇а ко ааяасмаа аананд̣̇о жад̇уг̇г̇ун̣ам̣ сан̇гхаадим̣ бан̃н̃абзд̇ваа бхаг̇аванд̇ам̣ зд̇ад̣̇авожа – ‘‘д̇зна хи, бханд̇з, бхаг̇аваа нисийд̣̇ад̇у зд̇т̇а. аяам̣ бхуумибад̣̇зсо д̣̇вийхи араханд̇зхи саммаасамб̣уд̣̇д̇хзхи барибхуд̇д̇о бхависсад̇ий’’д̇и. нисийд̣̇и бхаг̇аваа бан̃н̃ад̇д̇з аасанз. нисаж̇ж̇а ко бхаг̇аваа ааяасманд̇ам̣ аананд̣̇ам̣ ааманд̇зси –
282. Evaṃ me sutaṃ – ekaṃ samayaṃ bhagavā kosalesu cārikaṃ carati mahatā bhikkhusaṅghena saddhiṃ. Atha kho bhagavā maggā okkamma aññatarasmiṃ padese sitaṃ pātvākāsi. Atha kho āyasmato ānandassa etadahosi – ‘‘ko nu kho hetu, ko paccayo bhagavato sitassa pātukammāya? Na akāraṇena 4 tathāgatā sitaṃ pātukarontī’’ti. Atha kho āyasmā ānando ekaṃsaṃ cīvaraṃ 5 katvā yena bhagavā tenañjaliṃ paṇāmetvā bhagavantaṃ etadavoca – ‘‘ko nu kho, bhante, hetu, ko paccayo bhagavato sitassa pātukammāya? Na akāraṇena tathāgatā sitaṃ pātukarontī’’ti. ‘‘Bhūtapubbaṃ, ānanda, imasmiṃ padese vegaḷiṅgaṃ 6 nāma gāmanigamo ahosi iddho ceva phīto ca bahujano ākiṇṇamanusso. Vegaḷiṅgaṃ kho, ānanda, gāmanigamaṃ kassapo bhagavā arahaṃ sammāsambuddho upanissāya vihāsi. Idha sudaṃ, ānanda, kassapassa bhagavato arahato sammāsambuddhassa ārāmo ahosi. Idha sudaṃ, ānanda, kassapo bhagavā arahaṃ sammāsambuddho nisinnako bhikkhusaṅghaṃ ovadatī’’ti. Atha kho āyasmā ānando catugguṇaṃ saṅghāṭiṃ paññapetvā bhagavantaṃ etadavoca – ‘‘tena hi, bhante, bhagavā nisīdatu ettha. Ayaṃ bhūmipadeso dvīhi arahantehi sammāsambuddhehi paribhutto bhavissatī’’ti. Nisīdi bhagavā paññatte āsane. Nisajja kho bhagavā āyasmantaṃ ānandaṃ āmantesi –
‘‘бхууд̇абуб̣б̣ам̣, аананд̣̇а, имасмим̣ бад̣̇зсз взг̇ал̣ин̇г̇ам̣ наама г̇ааманиг̇амо ахоси ид̣̇д̇хо жзва пийд̇о жа б̣ахуж̇ано аагин̣н̣амануссо. взг̇ал̣ин̇г̇ам̣ ко, аананд̣̇а, г̇ааманиг̇амам̣ гассабо бхаг̇аваа арахам̣ саммаасамб̣уд̣̇д̇хо убаниссааяа вихааси. ид̇ха суд̣̇ам̣, аананд̣̇а, гассабасса бхаг̇авад̇о арахад̇о саммаасамб̣уд̣̇д̇хасса аараамо ахоси. ид̇ха суд̣̇ам̣, аананд̣̇а, гассабо бхаг̇аваа арахам̣ саммаасамб̣уд̣̇д̇хо нисиннаго бхигкусан̇гхам̣ овад̣̇ад̇и.
‘‘Bhūtapubbaṃ, ānanda, imasmiṃ padese vegaḷiṅgaṃ nāma gāmanigamo ahosi iddho ceva phīto ca bahujano ākiṇṇamanusso. Vegaḷiṅgaṃ kho, ānanda, gāmanigamaṃ kassapo bhagavā arahaṃ sammāsambuddho upanissāya vihāsi. Idha sudaṃ, ānanda, kassapassa bhagavato arahato sammāsambuddhassa ārāmo ahosi. Idha sudaṃ, ānanda, kassapo bhagavā arahaṃ sammāsambuddho nisinnako bhikkhusaṅghaṃ ovadati.
283. ‘‘взг̇ал̣ин̇г̇з ко, аананд̣̇а, г̇ааманиг̇амз гхадигааро 7 наама гумбхагааро гассабасса бхаг̇авад̇о арахад̇о саммаасамб̣уд̣̇д̇хасса убадтааго ахоси аг̇г̇убадтааго. гхадигаарасса ко, аананд̣̇а, гумбхагаарасса ж̇од̇ибаало наама маан̣аво сахааяо ахоси бияасахааяо. ат̇а ко, аананд̣̇а, гхадигааро гумбхагааро ж̇од̇ибаалам̣ маан̣авам̣ ааманд̇зси – ‘ааяаама, самма ж̇од̇ибаала, гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ д̣̇ассанааяа убасан̇гамиссаама. саад̇хусаммад̇ан̃хи мз д̇асса бхаг̇авад̇о д̣̇ассанам̣ арахад̇о саммаасамб̣уд̣̇д̇хассаа’д̇и. звам̣ вуд̇д̇з, аананд̣̇а, ж̇од̇ибаало маан̣аво гхадигаарам̣ гумбхагаарам̣ зд̇ад̣̇авожа – ‘алам̣, самма гхадигаара. гим̣ бана д̇зна мун̣д̣агзна саман̣агзна д̣̇идтзнаа’д̇и? д̣̇уд̇ияамби ко, аананд̣̇а…бз… д̇ад̇ияамби ко, аананд̣̇а, гхадигааро гумбхагааро ж̇од̇ибаалам̣ маан̣авам̣ зд̇ад̣̇авожа – ‘ааяаама, самма ж̇од̇ибаала, гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ д̣̇ассанааяа убасан̇гамиссаама. саад̇хусаммад̇ан̃хи мз д̇асса бхаг̇авад̇о д̣̇ассанам̣ арахад̇о саммаасамб̣уд̣̇д̇хассаа’д̇и. д̇ад̇ияамби ко, аананд̣̇а, ж̇од̇ибаало маан̣аво гхадигаарам̣ гумбхагаарам̣ зд̇ад̣̇авожа – ‘алам̣, самма гхадигаара. гим̣ бана д̇зна мун̣д̣агзна саман̣агзна д̣̇идтзнаа’д̇и? ‘д̇зна хи, самма ж̇од̇ибаала, сод̇д̇исинааним̣ 8 аад̣̇ааяа 9 над̣̇им̣ г̇амиссаама синааяид̇у’нд̇и. ‘звам̣ саммаа’д̇и ко, аананд̣̇а, ж̇од̇ибаало маан̣аво гхадигаарасса гумбхагаарасса бажжассоси. ат̇а ко, аананд̣̇а, гхадигааро жа гумбхагааро ж̇од̇ибаало жа маан̣аво сод̇д̇исинааним̣ аад̣̇ааяа над̣̇им̣ аг̇амам̣су синааяид̇ум̣’.
283. ‘‘Vegaḷiṅge kho, ānanda, gāmanigame ghaṭikāro 10 nāma kumbhakāro kassapassa bhagavato arahato sammāsambuddhassa upaṭṭhāko ahosi aggupaṭṭhāko. Ghaṭikārassa kho, ānanda, kumbhakārassa jotipālo nāma māṇavo sahāyo ahosi piyasahāyo. Atha kho, ānanda, ghaṭikāro kumbhakāro jotipālaṃ māṇavaṃ āmantesi – ‘āyāma, samma jotipāla, kassapaṃ bhagavantaṃ arahantaṃ sammāsambuddhaṃ dassanāya upasaṅkamissāma. Sādhusammatañhi me tassa bhagavato dassanaṃ arahato sammāsambuddhassā’ti. Evaṃ vutte, ānanda, jotipālo māṇavo ghaṭikāraṃ kumbhakāraṃ etadavoca – ‘alaṃ, samma ghaṭikāra. Kiṃ pana tena muṇḍakena samaṇakena diṭṭhenā’ti? Dutiyampi kho, ānanda…pe… tatiyampi kho, ānanda, ghaṭikāro kumbhakāro jotipālaṃ māṇavaṃ etadavoca – ‘āyāma, samma jotipāla, kassapaṃ bhagavantaṃ arahantaṃ sammāsambuddhaṃ dassanāya upasaṅkamissāma. Sādhusammatañhi me tassa bhagavato dassanaṃ arahato sammāsambuddhassā’ti. Tatiyampi kho, ānanda, jotipālo māṇavo ghaṭikāraṃ kumbhakāraṃ etadavoca – ‘alaṃ, samma ghaṭikāra. Kiṃ pana tena muṇḍakena samaṇakena diṭṭhenā’ti? ‘Tena hi, samma jotipāla, sottisināniṃ 11 ādāya 12 nadiṃ gamissāma sināyitu’nti. ‘Evaṃ sammā’ti kho, ānanda, jotipālo māṇavo ghaṭikārassa kumbhakārassa paccassosi. Atha kho, ānanda, ghaṭikāro ca kumbhakāro jotipālo ca māṇavo sottisināniṃ ādāya nadiṃ agamaṃsu sināyituṃ’.
284. ‘‘ат̇а ко, аананд̣̇а, гхадигааро гумбхагааро ж̇од̇ибаалам̣ маан̣авам̣ ааманд̇зси – ‘аяам̣, самма ж̇од̇ибаала, гассабасса бхаг̇авад̇о арахад̇о саммаасамб̣уд̣̇д̇хасса авид̣̇уурз аараамо. ааяаама, самма ж̇од̇ибаала, гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ д̣̇ассанааяа убасан̇гамиссаама. саад̇хусаммад̇ан̃хи мз д̇асса бхаг̇авад̇о д̣̇ассанам̣ арахад̇о саммаасамб̣уд̣̇д̇хассаа’д̇и. звам̣ вуд̇д̇з, аананд̣̇а, ж̇од̇ибаало маан̣аво гхадигаарам̣ гумбхагаарам̣ зд̇ад̣̇авожа – ‘алам̣, самма гхадигаара. гим̣ бана д̇зна мун̣д̣агзна саман̣агзна д̣̇идтзнаа’д̇и? д̣̇уд̇ияамби ко, аананд̣̇а…бз… д̇ад̇ияамби ко, аананд̣̇а, гхадигааро гумбхагааро ж̇од̇ибаалам̣ маан̣авам̣ зд̇ад̣̇авожа – ‘аяам̣, самма ж̇од̇ибаала, гассабасса бхаг̇авад̇о арахад̇о саммаасамб̣уд̣̇д̇хасса авид̣̇уурз аараамо. ааяаама, самма ж̇од̇ибаала, гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ д̣̇ассанааяа убасан̇гамиссаама. саад̇хусаммад̇ан̃хи мз д̇асса бхаг̇авад̇о д̣̇ассанам̣ арахад̇о саммаасамб̣уд̣̇д̇хассаа’д̇и. д̇ад̇ияамби ко, аананд̣̇а, ж̇од̇ибаало маан̣аво гхадигаарам̣ гумбхагаарам̣ зд̇ад̣̇авожа – ‘алам̣, самма гхадигаара. гим̣ бана д̇зна мун̣д̣агзна саман̣агзна д̣̇идтзнаа’д̇и? ат̇а ко, аананд̣̇а, гхадигааро гумбхагааро ж̇од̇ибаалам̣ маан̣авам̣ оваддигааяам̣ бараамасид̇ваа зд̇ад̣̇авожа – ‘аяам̣, самма ж̇од̇ибаала, гассабасса бхаг̇авад̇о арахад̇о саммаасамб̣уд̣̇д̇хасса авид̣̇уурз аараамо. ааяаама, самма ж̇од̇ибаала, гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ д̣̇ассанааяа убасан̇гамиссаама. саад̇хусаммад̇ан̃хи мз д̇асса бхаг̇авад̇о д̣̇ассанам̣ арахад̇о саммаасамб̣уд̣̇д̇хассаа’д̇и. ат̇а ко, аананд̣̇а, ж̇од̇ибаало маан̣аво оваддигам̣ виниваддзд̇ваа 13 гхадигаарам̣ гумбхагаарам̣ зд̇ад̣̇авожа – ‘алам̣, самма гхадигаара. гим̣ бана д̇зна мун̣д̣агзна саман̣агзна д̣̇идтзнаа’д̇и? ат̇а ко, аананд̣̇а, гхадигааро гумбхагааро ж̇од̇ибаалам̣ маан̣авам̣ сийсам̣нхаад̇ам̣ 14 гзсзсу бараамасид̇ваа зд̇ад̣̇авожа – ‘аяам̣, самма ж̇од̇ибаала, гассабасса бхаг̇авад̇о арахад̇о саммаасамб̣уд̣̇д̇хасса авид̣̇уурз аараамо. ааяаама, самма ж̇од̇ибаала, гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ д̣̇ассанааяа убасан̇гамиссаама . саад̇хусаммад̇ан̃хи мз д̇асса бхаг̇авад̇о д̣̇ассанам̣ арахад̇о саммаасамб̣уд̣̇д̇хассаа’д̇и. ат̇а ко, аананд̣̇а, ж̇од̇ибааласса маан̣авасса зд̇ад̣̇ахоси – ‘ажчарияам̣ вад̇а, бхо, аб̣бхуд̇ам̣ вад̇а, бхо! яад̇ра хи наамааяам̣ гхадигааро гумбхагааро ид̇д̇араж̇ажжо самаано амхаагам̣ сийсам̣нхаад̇аанам̣ гзсзсу бараамасид̇аб̣б̣ам̣ ман̃н̃иссад̇и; на вад̇ид̣̇ам̣ гира орагам̣ ман̃н̃з бхависсад̇ий’д̇и; гхадигаарам̣ гумбхагаарам̣ зд̇ад̣̇авожа – ‘яаавад̇аад̣̇охиби 15, самма гхадигаараа’д̇и? ‘яаавад̇аад̣̇охиби, самма ж̇од̇ибаала. д̇ат̇аа хи бана мз саад̇хусаммад̇ам̣ д̇асса бхаг̇авад̇о д̣̇ассанам̣ арахад̇о саммаасамб̣уд̣̇д̇хассаа’д̇и. ‘д̇зна хи, самма гхадигаара, мун̃жа; г̇амиссаамаа’д̇и.
284. ‘‘Atha kho, ānanda, ghaṭikāro kumbhakāro jotipālaṃ māṇavaṃ āmantesi – ‘ayaṃ, samma jotipāla, kassapassa bhagavato arahato sammāsambuddhassa avidūre ārāmo. Āyāma, samma jotipāla, kassapaṃ bhagavantaṃ arahantaṃ sammāsambuddhaṃ dassanāya upasaṅkamissāma. Sādhusammatañhi me tassa bhagavato dassanaṃ arahato sammāsambuddhassā’ti. Evaṃ vutte, ānanda, jotipālo māṇavo ghaṭikāraṃ kumbhakāraṃ etadavoca – ‘alaṃ, samma ghaṭikāra. Kiṃ pana tena muṇḍakena samaṇakena diṭṭhenā’ti? Dutiyampi kho, ānanda…pe… tatiyampi kho, ānanda, ghaṭikāro kumbhakāro jotipālaṃ māṇavaṃ etadavoca – ‘ayaṃ, samma jotipāla, kassapassa bhagavato arahato sammāsambuddhassa avidūre ārāmo. Āyāma, samma jotipāla, kassapaṃ bhagavantaṃ arahantaṃ sammāsambuddhaṃ dassanāya upasaṅkamissāma. Sādhusammatañhi me tassa bhagavato dassanaṃ arahato sammāsambuddhassā’ti. Tatiyampi kho, ānanda, jotipālo māṇavo ghaṭikāraṃ kumbhakāraṃ etadavoca – ‘alaṃ, samma ghaṭikāra. Kiṃ pana tena muṇḍakena samaṇakena diṭṭhenā’ti? Atha kho, ānanda, ghaṭikāro kumbhakāro jotipālaṃ māṇavaṃ ovaṭṭikāyaṃ parāmasitvā etadavoca – ‘ayaṃ, samma jotipāla, kassapassa bhagavato arahato sammāsambuddhassa avidūre ārāmo. Āyāma, samma jotipāla, kassapaṃ bhagavantaṃ arahantaṃ sammāsambuddhaṃ dassanāya upasaṅkamissāma. Sādhusammatañhi me tassa bhagavato dassanaṃ arahato sammāsambuddhassā’ti. Atha kho, ānanda, jotipālo māṇavo ovaṭṭikaṃ vinivaṭṭetvā 16 ghaṭikāraṃ kumbhakāraṃ etadavoca – ‘alaṃ, samma ghaṭikāra. Kiṃ pana tena muṇḍakena samaṇakena diṭṭhenā’ti? Atha kho, ānanda, ghaṭikāro kumbhakāro jotipālaṃ māṇavaṃ sīsaṃnhātaṃ 17 kesesu parāmasitvā etadavoca – ‘ayaṃ, samma jotipāla, kassapassa bhagavato arahato sammāsambuddhassa avidūre ārāmo. Āyāma, samma jotipāla, kassapaṃ bhagavantaṃ arahantaṃ sammāsambuddhaṃ dassanāya upasaṅkamissāma . Sādhusammatañhi me tassa bhagavato dassanaṃ arahato sammāsambuddhassā’ti. Atha kho, ānanda, jotipālassa māṇavassa etadahosi – ‘acchariyaṃ vata, bho, abbhutaṃ vata, bho! Yatra hi nāmāyaṃ ghaṭikāro kumbhakāro ittarajacco samāno amhākaṃ sīsaṃnhātānaṃ kesesu parāmasitabbaṃ maññissati; na vatidaṃ kira orakaṃ maññe bhavissatī’ti; ghaṭikāraṃ kumbhakāraṃ etadavoca – ‘yāvatādohipi 18, samma ghaṭikārā’ti? ‘Yāvatādohipi, samma jotipāla. Tathā hi pana me sādhusammataṃ tassa bhagavato dassanaṃ arahato sammāsambuddhassā’ti. ‘Tena hi, samma ghaṭikāra, muñca; gamissāmā’ti.
285. ‘‘ат̇а ко, аананд̣̇а, гхадигааро жа гумбхагааро ж̇од̇ибаало жа маан̣аво язна гассабо бхаг̇аваа арахам̣ саммаасамб̣уд̣̇д̇хо д̇знубасан̇гамим̣су; убасан̇гамид̇ваа гхадигааро гумбхагааро гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ абхиваад̣̇зд̇ваа згаманд̇ам̣ нисийд̣̇и. ж̇од̇ибаало бана маан̣аво гассабзна бхаг̇авад̇аа арахад̇аа саммаасамб̣уд̣̇д̇хзна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко, аананд̣̇а, гхадигааро гумбхагааро гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ зд̇ад̣̇авожа – ‘аяам̣ мз, бханд̇з, ж̇од̇ибаало маан̣аво сахааяо бияасахааяо. имасса бхаг̇аваа д̇хаммам̣ д̣̇зсзд̇уу’д̇и. ат̇а ко, аананд̣̇а, гассабо бхаг̇аваа арахам̣ саммаасамб̣уд̣̇д̇хо гхадигааран̃жа гумбхагаарам̣ ж̇од̇ибаалан̃жа маан̣авам̣ д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко, аананд̣̇а, гхадигааро жа гумбхагааро ж̇од̇ибаало жа маан̣аво гассабзна бхаг̇авад̇аа арахад̇аа саммаасамб̣уд̣̇д̇хзна д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа гассабасса бхаг̇авад̇о арахад̇о саммаасамб̣уд̣̇д̇хасса бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ абхиваад̣̇зд̇ваа бад̣̇агкин̣ам̣ гад̇ваа баггамим̣су.
285. ‘‘Atha kho, ānanda, ghaṭikāro ca kumbhakāro jotipālo ca māṇavo yena kassapo bhagavā arahaṃ sammāsambuddho tenupasaṅkamiṃsu; upasaṅkamitvā ghaṭikāro kumbhakāro kassapaṃ bhagavantaṃ arahantaṃ sammāsambuddhaṃ abhivādetvā ekamantaṃ nisīdi. Jotipālo pana māṇavo kassapena bhagavatā arahatā sammāsambuddhena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho, ānanda, ghaṭikāro kumbhakāro kassapaṃ bhagavantaṃ arahantaṃ sammāsambuddhaṃ etadavoca – ‘ayaṃ me, bhante, jotipālo māṇavo sahāyo piyasahāyo. Imassa bhagavā dhammaṃ desetū’ti. Atha kho, ānanda, kassapo bhagavā arahaṃ sammāsambuddho ghaṭikārañca kumbhakāraṃ jotipālañca māṇavaṃ dhammiyā kathāya sandassesi samādapesi samuttejesi sampahaṃsesi. Atha kho, ānanda, ghaṭikāro ca kumbhakāro jotipālo ca māṇavo kassapena bhagavatā arahatā sammāsambuddhena dhammiyā kathāya sandassitā samādapitā samuttejitā sampahaṃsitā kassapassa bhagavato arahato sammāsambuddhassa bhāsitaṃ abhinanditvā anumoditvā uṭṭhāyāsanā kassapaṃ bhagavantaṃ arahantaṃ sammāsambuddhaṃ abhivādetvā padakkhiṇaṃ katvā pakkamiṃsu.
286. ‘‘ат̇а ко, аананд̣̇а, ж̇од̇ибаало маан̣аво гхадигаарам̣ гумбхагаарам̣ зд̇ад̣̇авожа – ‘имам̣ ну д̇вам̣, самма гхадигаара, д̇хаммам̣ сун̣анд̇о ат̇а жа бана аг̇аарасмаа анаг̇аарияам̣ на баб̣б̣аж̇иссасий’д̇и? ‘нану мам̣, самма ж̇од̇ибаала, ж̇аанааси, анд̇хз ж̇ин̣н̣з маад̇аабид̇аро босзмий’д̇и? ‘д̇зна хи, самма гхадигаара, ахам̣ аг̇аарасмаа анаг̇аарияам̣ баб̣б̣аж̇иссаамий’д̇и. ат̇а ко, аананд̣̇а, гхадигааро жа гумбхагааро ж̇од̇ибаало жа маан̣аво язна гассабо бхаг̇аваа арахам̣ саммаасамб̣уд̣̇д̇хо д̇знубасан̇гамим̣су ; убасан̇гамид̇ваа гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисинно ко, аананд̣̇а, гхадигааро гумбхагааро гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ зд̇ад̣̇авожа – ‘аяам̣ мз, бханд̇з, ж̇од̇ибаало маан̣аво сахааяо бияасахааяо. имам̣ бхаг̇аваа баб̣б̣ааж̇зд̇уу’д̇и. алад̇т̇а ко, аананд̣̇а, ж̇од̇ибаало маан̣аво гассабасса бхаг̇авад̇о арахад̇о саммаасамб̣уд̣̇д̇хасса санд̇игз баб̣б̣аж̇ж̇ам̣, алад̇т̇а убасамбад̣̇ам̣.
286. ‘‘Atha kho, ānanda, jotipālo māṇavo ghaṭikāraṃ kumbhakāraṃ etadavoca – ‘imaṃ nu tvaṃ, samma ghaṭikāra, dhammaṃ suṇanto atha ca pana agārasmā anagāriyaṃ na pabbajissasī’ti? ‘Nanu maṃ, samma jotipāla, jānāsi, andhe jiṇṇe mātāpitaro posemī’ti? ‘Tena hi, samma ghaṭikāra, ahaṃ agārasmā anagāriyaṃ pabbajissāmī’ti. Atha kho, ānanda, ghaṭikāro ca kumbhakāro jotipālo ca māṇavo yena kassapo bhagavā arahaṃ sammāsambuddho tenupasaṅkamiṃsu ; upasaṅkamitvā kassapaṃ bhagavantaṃ arahantaṃ sammāsambuddhaṃ abhivādetvā ekamantaṃ nisīdiṃsu. Ekamantaṃ nisinno kho, ānanda, ghaṭikāro kumbhakāro kassapaṃ bhagavantaṃ arahantaṃ sammāsambuddhaṃ etadavoca – ‘ayaṃ me, bhante, jotipālo māṇavo sahāyo piyasahāyo. Imaṃ bhagavā pabbājetū’ti. Alattha kho, ānanda, jotipālo māṇavo kassapassa bhagavato arahato sammāsambuddhassa santike pabbajjaṃ, alattha upasampadaṃ.
287. ‘‘ат̇а ко, аананд̣̇а, гассабо бхаг̇аваа арахам̣ саммаасамб̣уд̣̇д̇хо ажируубасамбаннз ж̇од̇ибаалз маан̣авз ад̣дхамаасубасамбаннз взг̇ал̣ин̇г̇з яат̇аабхиранд̇ам̣ вихарид̇ваа язна б̣аараан̣асий д̇зна жааригам̣ баггаами. анубуб̣б̣зна жааригам̣ жарамаано язна б̣аараан̣асий д̇ад̣̇авасари. д̇ад̇ра суд̣̇ам̣, аананд̣̇а, гассабо бхаг̇аваа арахам̣ саммаасамб̣уд̣̇д̇хо б̣аараан̣асияам̣ вихарад̇и исибад̇анз миг̇ад̣̇ааяз . ассоси ко, аананд̣̇а, гигий гаасирааж̇аа – ‘гассабо гира бхаг̇аваа арахам̣ саммаасамб̣уд̣̇д̇хо б̣аараан̣асим̣ ануббад̇д̇о б̣аараан̣асияам̣ вихарад̇и исибад̇анз миг̇ад̣̇ааяз’д̇и. ат̇а ко, аананд̣̇а, гигий гаасирааж̇аа бхад̣̇раани бхад̣̇раани яаанаани яож̇аабзд̇ваа бхад̣̇рам̣ 19 яаанам̣ абхирухид̇ваа бхад̣̇рзхи бхад̣̇рзхи яаанзхи б̣аараан̣асияаа нияяааси махажжарааж̇аанубхаавзна 20 гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ д̣̇ассанааяа. яаавад̇игаа яаанасса бхууми яаанзна г̇анд̇ваа яаанаа бажжорохид̇ваа бад̇д̇игова язна гассабо бхаг̇аваа арахам̣ саммаасамб̣уд̣̇д̇хо д̇знубасан̇гами; убасан̇гамид̇ваа гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко, аананд̣̇а, гигим̣ гаасирааж̇аанам̣ гассабо бхаг̇аваа арахам̣ саммаасамб̣уд̣̇д̇хо д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко, аананд̣̇а, гигий гаасирааж̇аа гассабзна бхаг̇авад̇аа арахад̇аа саммаасамб̣уд̣̇д̇хзна д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ зд̇ад̣̇авожа – ‘ад̇хиваасзд̇у мз, бханд̇з, бхаг̇аваа сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’д̇и. ад̇хиваасзси ко, аананд̣̇а, гассабо бхаг̇аваа арахам̣ саммаасамб̣уд̣̇д̇хо д̇ун̣хийбхаавзна. ат̇а ко, аананд̣̇а, гигий гаасирааж̇аа гассабасса бхаг̇авад̇о саммаасамб̣уд̣̇д̇хасса ад̇хиваасанам̣ вид̣̇ид̇ваа удтааяаасанаа гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко, аананд̣̇а, гигий гаасирааж̇аа д̇ассаа рад̇д̇ияаа ажжаязна сагз нивзсанз бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бан̣д̣убудагасса 21 саалино виг̇ад̇агаал̣агам̣ анзгасуубам̣ анзгаб̣яан̃ж̇анам̣, гассабасса бхаг̇авад̇о арахад̇о саммаасамб̣уд̣̇д̇хасса гаалам̣ аарожаабзси – ‘гаало, бханд̇з, нидтид̇ам̣ бхад̇д̇а’нд̇и.
287. ‘‘Atha kho, ānanda, kassapo bhagavā arahaṃ sammāsambuddho acirūpasampanne jotipāle māṇave aḍḍhamāsupasampanne vegaḷiṅge yathābhirantaṃ viharitvā yena bārāṇasī tena cārikaṃ pakkāmi. Anupubbena cārikaṃ caramāno yena bārāṇasī tadavasari. Tatra sudaṃ, ānanda, kassapo bhagavā arahaṃ sammāsambuddho bārāṇasiyaṃ viharati isipatane migadāye . Assosi kho, ānanda, kikī kāsirājā – ‘kassapo kira bhagavā arahaṃ sammāsambuddho bārāṇasiṃ anuppatto bārāṇasiyaṃ viharati isipatane migadāye’ti. Atha kho, ānanda, kikī kāsirājā bhadrāni bhadrāni yānāni yojāpetvā bhadraṃ 22 yānaṃ abhiruhitvā bhadrehi bhadrehi yānehi bārāṇasiyā niyyāsi mahaccarājānubhāvena 23 kassapaṃ bhagavantaṃ arahantaṃ sammāsambuddhaṃ dassanāya. Yāvatikā yānassa bhūmi yānena gantvā yānā paccorohitvā pattikova yena kassapo bhagavā arahaṃ sammāsambuddho tenupasaṅkami; upasaṅkamitvā kassapaṃ bhagavantaṃ arahantaṃ sammāsambuddhaṃ abhivādetvā ekamantaṃ nisīdi. Ekamantaṃ nisinnaṃ kho, ānanda, kikiṃ kāsirājānaṃ kassapo bhagavā arahaṃ sammāsambuddho dhammiyā kathāya sandassesi samādapesi samuttejesi sampahaṃsesi. Atha kho, ānanda, kikī kāsirājā kassapena bhagavatā arahatā sammāsambuddhena dhammiyā kathāya sandassito samādapito samuttejito sampahaṃsito kassapaṃ bhagavantaṃ arahantaṃ sammāsambuddhaṃ etadavoca – ‘adhivāsetu me, bhante, bhagavā svātanāya bhattaṃ saddhiṃ bhikkhusaṅghenā’ti. Adhivāsesi kho, ānanda, kassapo bhagavā arahaṃ sammāsambuddho tuṇhībhāvena. Atha kho, ānanda, kikī kāsirājā kassapassa bhagavato sammāsambuddhassa adhivāsanaṃ viditvā uṭṭhāyāsanā kassapaṃ bhagavantaṃ arahantaṃ sammāsambuddhaṃ abhivādetvā padakkhiṇaṃ katvā pakkāmi. Atha kho, ānanda, kikī kāsirājā tassā rattiyā accayena sake nivesane paṇītaṃ khādanīyaṃ bhojanīyaṃ paṭiyādāpetvā paṇḍupuṭakassa 24 sālino vigatakāḷakaṃ anekasūpaṃ anekabyañjanaṃ, kassapassa bhagavato arahato sammāsambuddhassa kālaṃ ārocāpesi – ‘kālo, bhante, niṭṭhitaṃ bhatta’nti.
288. ‘‘ат̇а ко, аананд̣̇а, гассабо бхаг̇аваа арахам̣ саммаасамб̣уд̣̇д̇хо буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна гигисса гаасиран̃н̃о нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и сад̣̇д̇хим̣ бхигкусан̇гхзна. ат̇а ко, аананд̣̇а, гигий гаасирааж̇аа б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси. ат̇а ко, аананд̣̇а, гигий гаасирааж̇аа гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ бхуд̇д̇аавим̣ онийд̇абад̇д̇абаан̣им̣ ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисинно ко, аананд̣̇а, гигий гаасирааж̇аа гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ зд̇ад̣̇авожа – ‘ад̇хиваасзд̇у мз, бханд̇з, бхаг̇аваа б̣аараан̣асияам̣ вассааваасам̣; зваруубам̣ сан̇гхасса убадтаанам̣ бхависсад̇ий’д̇и. ‘алам̣, махаарааж̇а. ад̇хивуд̇т̇о мз вассааваасо’д̇и. д̣̇уд̇ияамби ко, аананд̣̇а… д̇ад̇ияамби ко, аананд̣̇а, гигий гаасирааж̇аа гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ зд̇ад̣̇авожа – ‘ад̇хиваасзд̇у мз, бханд̇з, бхаг̇аваа б̣аараан̣асияам̣ вассааваасам̣; зваруубам̣ сан̇гхасса убадтаанам̣ бхависсад̇ий’д̇и. ‘алам̣, махаарааж̇а. ад̇хивуд̇т̇о мз вассааваасо’д̇и. ат̇а ко, аананд̣̇а, гигисса гаасиран̃н̃о ‘на мз гассабо бхаг̇аваа арахам̣ саммаасамб̣уд̣̇д̇хо ад̇хиваасзд̇и б̣аараан̣асияам̣ вассаавааса’нд̇и ахуд̣̇зва ан̃н̃ат̇ад̇д̇ам̣ , аху д̣̇оманассам̣. ат̇а ко, аананд̣̇а, гигий гаасирааж̇аа гассабам̣ бхаг̇аванд̇ам̣ араханд̇ам̣ саммаасамб̣уд̣̇д̇хам̣ зд̇ад̣̇авожа – ‘ад̇т̇и ну ко, бханд̇з, ан̃н̃о гожи маяаа убадтаагад̇аро’д̇и?
288. ‘‘Atha kho, ānanda, kassapo bhagavā arahaṃ sammāsambuddho pubbaṇhasamayaṃ nivāsetvā pattacīvaramādāya yena kikissa kāsirañño nivesanaṃ tenupasaṅkami; upasaṅkamitvā paññatte āsane nisīdi saddhiṃ bhikkhusaṅghena. Atha kho, ānanda, kikī kāsirājā buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappesi sampavāresi. Atha kho, ānanda, kikī kāsirājā kassapaṃ bhagavantaṃ arahantaṃ sammāsambuddhaṃ bhuttāviṃ onītapattapāṇiṃ aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinno kho, ānanda, kikī kāsirājā kassapaṃ bhagavantaṃ arahantaṃ sammāsambuddhaṃ etadavoca – ‘adhivāsetu me, bhante, bhagavā bārāṇasiyaṃ vassāvāsaṃ; evarūpaṃ saṅghassa upaṭṭhānaṃ bhavissatī’ti. ‘Alaṃ, mahārāja. Adhivuttho me vassāvāso’ti. Dutiyampi kho, ānanda… tatiyampi kho, ānanda, kikī kāsirājā kassapaṃ bhagavantaṃ arahantaṃ sammāsambuddhaṃ etadavoca – ‘adhivāsetu me, bhante, bhagavā bārāṇasiyaṃ vassāvāsaṃ; evarūpaṃ saṅghassa upaṭṭhānaṃ bhavissatī’ti. ‘Alaṃ, mahārāja. Adhivuttho me vassāvāso’ti. Atha kho, ānanda, kikissa kāsirañño ‘na me kassapo bhagavā arahaṃ sammāsambuddho adhivāseti bārāṇasiyaṃ vassāvāsa’nti ahudeva aññathattaṃ , ahu domanassaṃ. Atha kho, ānanda, kikī kāsirājā kassapaṃ bhagavantaṃ arahantaṃ sammāsambuddhaṃ etadavoca – ‘atthi nu kho, bhante, añño koci mayā upaṭṭhākataro’ti?
‘‘‘ад̇т̇и, махаарааж̇а, взг̇ал̣ин̇г̇ам̣ наама г̇ааманиг̇амо. д̇ад̇т̇а гхадигааро наама гумбхагааро; со мз убадтааго аг̇г̇убадтааго. д̇уяхам̣ ко бана, махаарааж̇а, на мз гассабо бхаг̇аваа арахам̣ саммаасамб̣уд̣̇д̇хо ад̇хиваасзд̇и б̣аараан̣асияам̣ вассааваасанд̇и ад̇т̇зва 25 ан̃н̃ат̇ад̇д̇ам̣, ад̇т̇и д̣̇оманассам̣. д̇аяид̣̇ам̣ гхадигаарасса гумбхагаарасса 26 над̇т̇и жа на жа бхависсад̇и. гхадигааро ко, махаарааж̇а, гумбхагааро б̣уд̣̇д̇хам̣ саран̣ам̣ г̇ад̇о, д̇хаммам̣ саран̣ам̣ г̇ад̇о, сан̇гхам̣ саран̣ам̣ г̇ад̇о. гхадигааро ко, махаарааж̇а, гумбхагааро баан̣аад̇ибаад̇аа бадивирад̇о, ад̣̇иннаад̣̇аанаа бадивирад̇о, гаамзсумижчаажаараа бадивирад̇о, мусааваад̣̇аа бадивирад̇о, сураамзраяамаж̇ж̇абамаад̣̇адтаанаа бадивирад̇о. гхадигааро ко, махаарааж̇а, гумбхагааро б̣уд̣̇д̇хз авзжжаббасаад̣̇зна саманнааг̇ад̇о, д̇хаммз авзжжаббасаад̣̇зна саманнааг̇ад̇о, сан̇гхз авзжжаббасаад̣̇зна саманнааг̇ад̇о, арияаганд̇зхи сийлзхи саманнааг̇ад̇о. гхадигааро ко, махаарааж̇а, гумбхагааро д̣̇угкз нигган̇ко, д̣̇угкасамуд̣̇аяз нигган̇ко, д̣̇угканирод̇хз нигган̇ко, д̣̇угканирод̇хаг̇ааминияаа бадибад̣̇ааяа нигган̇ко. гхадигааро ко, махаарааж̇а, гумбхагааро згабхад̇д̇иго б̣рахмажаарий сийлаваа галяаан̣ад̇хаммо. гхадигааро ко, махаарааж̇а, гумбхагааро нигкид̇д̇аман̣исуван̣н̣о абзд̇аж̇аад̇аруубараж̇ад̇о . гхадигааро ко, махаарааж̇а, гумбхагааро баннамусало на сахад̇т̇аа бат̇авим̣ кан̣ад̇и 27. яам̣ ход̇и гуулабалуг̇г̇ам̣ ваа муусигуггаро 28 ваа д̇ам̣ гааж̇зна аахарид̇ваа бхааж̇анам̣ гарид̇ваа звамааха – ‘‘зд̇т̇а яо ижчад̇и д̇ан̣д̣улабадибхасд̇аани 29 ваа муг̇г̇абадибхасд̇аани ваа гал̣ааяабадибхасд̇аани ваа нигкибид̇ваа яам̣ ижчад̇и д̇ам̣ харад̇уу’’д̇и. гхадигааро ко, махаарааж̇а, гумбхагааро анд̇хз ж̇ин̣н̣з маад̇аабид̇аро босзд̇и. гхадигааро ко, махаарааж̇а, гумбхагааро бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа.
‘‘‘Atthi, mahārāja, vegaḷiṅgaṃ nāma gāmanigamo. Tattha ghaṭikāro nāma kumbhakāro; so me upaṭṭhāko aggupaṭṭhāko. Tuyhaṃ kho pana, mahārāja, na me kassapo bhagavā arahaṃ sammāsambuddho adhivāseti bārāṇasiyaṃ vassāvāsanti attheva 30 aññathattaṃ, atthi domanassaṃ. Tayidaṃ ghaṭikārassa kumbhakārassa 31 natthi ca na ca bhavissati. Ghaṭikāro kho, mahārāja, kumbhakāro buddhaṃ saraṇaṃ gato, dhammaṃ saraṇaṃ gato, saṅghaṃ saraṇaṃ gato. Ghaṭikāro kho, mahārāja, kumbhakāro pāṇātipātā paṭivirato, adinnādānā paṭivirato, kāmesumicchācārā paṭivirato, musāvādā paṭivirato, surāmerayamajjapamādaṭṭhānā paṭivirato. Ghaṭikāro kho, mahārāja, kumbhakāro buddhe aveccappasādena samannāgato, dhamme aveccappasādena samannāgato, saṅghe aveccappasādena samannāgato, ariyakantehi sīlehi samannāgato. Ghaṭikāro kho, mahārāja, kumbhakāro dukkhe nikkaṅkho, dukkhasamudaye nikkaṅkho, dukkhanirodhe nikkaṅkho, dukkhanirodhagāminiyā paṭipadāya nikkaṅkho. Ghaṭikāro kho, mahārāja, kumbhakāro ekabhattiko brahmacārī sīlavā kalyāṇadhammo. Ghaṭikāro kho, mahārāja, kumbhakāro nikkhittamaṇisuvaṇṇo apetajātarūparajato . Ghaṭikāro kho, mahārāja, kumbhakāro pannamusalo na sahatthā pathaviṃ khaṇati 32. Yaṃ hoti kūlapaluggaṃ vā mūsikukkaro 33 vā taṃ kājena āharitvā bhājanaṃ karitvā evamāha – ‘‘ettha yo icchati taṇḍulapaṭibhastāni 34 vā muggapaṭibhastāni vā kaḷāyapaṭibhastāni vā nikkhipitvā yaṃ icchati taṃ haratū’’ti. Ghaṭikāro kho, mahārāja, kumbhakāro andhe jiṇṇe mātāpitaro poseti. Ghaṭikāro kho, mahārāja, kumbhakāro pañcannaṃ orambhāgiyānaṃ saṃyojanānaṃ parikkhayā opapātiko tattha parinibbāyī anāvattidhammo tasmā lokā.
289. ‘‘‘згамид̣̇аахам̣ , махаарааж̇а, самаяам̣ взг̇ал̣ин̇г̇з наама г̇ааманиг̇амз вихараами. ат̇а кваахам̣, махаарааж̇а, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна гхадигаарасса гумбхагаарасса маад̇аабид̇аро д̇знубасан̇гамим̣; убасан̇гамид̇ваа гхадигаарасса гумбхагаарасса маад̇аабид̇аро зд̇ад̣̇авожам̣ – ‘‘ханд̣̇а, го ну ко аяам̣ бхаг̇г̇аво г̇ад̇о’’д̇и? ‘‘нигканд̇о ко д̇з, бханд̇з, убадтааго анд̇огумбхияаа од̣̇анам̣ г̇ахзд̇ваа барияог̇аа суубам̣ г̇ахзд̇ваа барибхун̃ж̇аа’’д̇и. ат̇а кваахам̣, махаарааж̇а, гумбхияаа од̣̇анам̣ г̇ахзд̇ваа барияог̇аа суубам̣ г̇ахзд̇ваа барибхун̃ж̇ид̇ваа удтааяаасанаа баггамим̣ 35. ат̇а ко, махаарааж̇а, гхадигааро гумбхагааро язна маад̇аабид̇аро д̇знубасан̇гами; убасан̇гамид̇ваа маад̇аабид̇аро зд̇ад̣̇авожа – ‘‘го гумбхияаа од̣̇анам̣ г̇ахзд̇ваа барияог̇аа суубам̣ г̇ахзд̇ваа барибхун̃ж̇ид̇ваа удтааяаасанаа багганд̇о’’д̇и? ‘‘гассабо, д̇аад̇а, бхаг̇аваа арахам̣ саммаасамб̣уд̣̇д̇хо гумбхияаа од̣̇анам̣ г̇ахзд̇ваа барияог̇аа суубам̣ г̇ахзд̇ваа барибхун̃ж̇ид̇ваа удтааяаасанаа багганд̇о’’д̇и? ат̇а ко, махаарааж̇а, гхадигаарасса гумбхагаарасса зд̇ад̣̇ахоси – ‘‘лаабхаа вад̇а мз, сулад̣̇д̇хам̣ вад̇а мз, яасса мз гассабо бхаг̇аваа арахам̣ саммаасамб̣уд̣̇д̇хо звам̣ абхивиссад̇т̇о’’д̇и. ат̇а ко, махаарааж̇а, гхадигаарам̣ гумбхагаарам̣ ад̣дхамаасам̣ бийд̇исукам̣ на виж̇ахад̇и 36, сад̇д̇аахам̣ маад̇аабид̇уунам̣.
289. ‘‘‘Ekamidāhaṃ , mahārāja, samayaṃ vegaḷiṅge nāma gāmanigame viharāmi. Atha khvāhaṃ, mahārāja, pubbaṇhasamayaṃ nivāsetvā pattacīvaramādāya yena ghaṭikārassa kumbhakārassa mātāpitaro tenupasaṅkamiṃ; upasaṅkamitvā ghaṭikārassa kumbhakārassa mātāpitaro etadavocaṃ – ‘‘handa, ko nu kho ayaṃ bhaggavo gato’’ti? ‘‘Nikkhanto kho te, bhante, upaṭṭhāko antokumbhiyā odanaṃ gahetvā pariyogā sūpaṃ gahetvā paribhuñjā’’ti. Atha khvāhaṃ, mahārāja, kumbhiyā odanaṃ gahetvā pariyogā sūpaṃ gahetvā paribhuñjitvā uṭṭhāyāsanā pakkamiṃ 37. Atha kho, mahārāja, ghaṭikāro kumbhakāro yena mātāpitaro tenupasaṅkami; upasaṅkamitvā mātāpitaro etadavoca – ‘‘ko kumbhiyā odanaṃ gahetvā pariyogā sūpaṃ gahetvā paribhuñjitvā uṭṭhāyāsanā pakkanto’’ti? ‘‘Kassapo, tāta, bhagavā arahaṃ sammāsambuddho kumbhiyā odanaṃ gahetvā pariyogā sūpaṃ gahetvā paribhuñjitvā uṭṭhāyāsanā pakkanto’’ti? Atha kho, mahārāja, ghaṭikārassa kumbhakārassa etadahosi – ‘‘lābhā vata me, suladdhaṃ vata me, yassa me kassapo bhagavā arahaṃ sammāsambuddho evaṃ abhivissattho’’ti. Atha kho, mahārāja, ghaṭikāraṃ kumbhakāraṃ aḍḍhamāsaṃ pītisukhaṃ na vijahati 38, sattāhaṃ mātāpitūnaṃ.
290. ‘‘‘згамид̣̇аахам̣, махаарааж̇а, самаяам̣ д̇ад̇т̇зва взг̇ал̣ин̇г̇з наама г̇ааманиг̇амз вихараами. ат̇а кваахам̣, махаарааж̇а, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна гхадигаарасса гумбхагаарасса маад̇аабид̇аро д̇знубасан̇гамим̣; убасан̇гамид̇ваа гхадигаарасса гумбхагаарасса маад̇аабид̇аро зд̇ад̣̇авожам̣ – ‘‘ханд̣̇а, го ну ко аяам̣ бхаг̇г̇аво г̇ад̇о’’д̇и? ‘‘нигканд̇о ко д̇з, бханд̇з, убадтааго анд̇о гал̣обияаа гуммаасам̣ г̇ахзд̇ваа барияог̇аа суубам̣ г̇ахзд̇ваа барибхун̃ж̇аа’’д̇и. ат̇а кваахам̣, махаарааж̇а, гал̣обияаа гуммаасам̣ г̇ахзд̇ваа барияог̇аа суубам̣ г̇ахзд̇ваа барибхун̃ж̇ид̇ваа удтааяаасанаа баггамим̣. ат̇а ко, махаарааж̇а, гхадигааро гумбхагааро язна маад̇аабид̇аро д̇знубасан̇гами; убасан̇гамид̇ваа маад̇аабид̇аро зд̇ад̣̇авожа – ‘‘го гал̣обияаа гуммаасам̣ г̇ахзд̇ваа барияог̇аа суубам̣ г̇ахзд̇ваа барибхун̃ж̇ид̇ваа удтааяаасанаа багганд̇о’’д̇и? ‘‘гассабо, д̇аад̇а, бхаг̇аваа арахам̣ саммаасамб̣уд̣̇д̇хо гал̣обияаа гуммаасам̣ г̇ахзд̇ваа барияог̇аа суубам̣ г̇ахзд̇ваа барибхун̃ж̇ид̇ваа удтааяаасанаа багганд̇о’’д̇и. ат̇а ко, махаарааж̇а, гхадигаарасса гумбхагаарасса зд̇ад̣̇ахоси – ‘‘лаабхаа вад̇а мз, сулад̣̇д̇хам̣ вад̇а мз, яасса мз гассабо бхаг̇аваа арахам̣ саммаасамб̣уд̣̇д̇хо звам̣ абхивиссад̇т̇о’’д̇и. ат̇а ко, махаарааж̇а, гхадигаарам̣ гумбхагаарам̣ ад̣дхамаасам̣ бийд̇исукам̣ на виж̇ахад̇и, сад̇д̇аахам̣ маад̇аабид̇уунам̣.
290. ‘‘‘Ekamidāhaṃ, mahārāja, samayaṃ tattheva vegaḷiṅge nāma gāmanigame viharāmi. Atha khvāhaṃ, mahārāja, pubbaṇhasamayaṃ nivāsetvā pattacīvaramādāya yena ghaṭikārassa kumbhakārassa mātāpitaro tenupasaṅkamiṃ; upasaṅkamitvā ghaṭikārassa kumbhakārassa mātāpitaro etadavocaṃ – ‘‘handa, ko nu kho ayaṃ bhaggavo gato’’ti? ‘‘Nikkhanto kho te, bhante, upaṭṭhāko anto kaḷopiyā kummāsaṃ gahetvā pariyogā sūpaṃ gahetvā paribhuñjā’’ti. Atha khvāhaṃ, mahārāja, kaḷopiyā kummāsaṃ gahetvā pariyogā sūpaṃ gahetvā paribhuñjitvā uṭṭhāyāsanā pakkamiṃ. Atha kho, mahārāja, ghaṭikāro kumbhakāro yena mātāpitaro tenupasaṅkami; upasaṅkamitvā mātāpitaro etadavoca – ‘‘ko kaḷopiyā kummāsaṃ gahetvā pariyogā sūpaṃ gahetvā paribhuñjitvā uṭṭhāyāsanā pakkanto’’ti? ‘‘Kassapo, tāta, bhagavā arahaṃ sammāsambuddho kaḷopiyā kummāsaṃ gahetvā pariyogā sūpaṃ gahetvā paribhuñjitvā uṭṭhāyāsanā pakkanto’’ti. Atha kho, mahārāja, ghaṭikārassa kumbhakārassa etadahosi – ‘‘lābhā vata me, suladdhaṃ vata me, yassa me kassapo bhagavā arahaṃ sammāsambuddho evaṃ abhivissattho’’ti. Atha kho, mahārāja, ghaṭikāraṃ kumbhakāraṃ aḍḍhamāsaṃ pītisukhaṃ na vijahati, sattāhaṃ mātāpitūnaṃ.
291. ‘‘‘згамид̣̇аахам̣, махаарааж̇а, самаяам̣ д̇ад̇т̇зва взг̇ал̣ин̇г̇з наама г̇ааманиг̇амз вихараами. д̇зна ко бана самаязна гуди 39 овассад̇и. ат̇а кваахам̣, махаарааж̇а, бхигкуу ааманд̇зсим̣ – ‘‘г̇ажчат̇а, бхигкавз, гхадигаарасса гумбхагаарасса нивзсанз д̇ин̣ам̣ ж̇аанаат̇аа’’д̇и. звам̣ вуд̇д̇з, махаарааж̇а, д̇з бхигкуу мам̣ зд̇ад̣̇авожум̣ – ‘‘над̇т̇и ко, бханд̇з, гхадигаарасса гумбхагаарасса нивзсанз д̇ин̣ам̣, ад̇т̇и жа кваасса аавзсанз 40 д̇ин̣ажчад̣̇ана’’ 41 нд̇и. ‘‘г̇ажчат̇а, бхигкавз, гхадигаарасса гумбхагаарасса аавзсанам̣ уд̇д̇ин̣ам̣ гарот̇аа’’д̇и. ат̇а ко д̇з, махаарааж̇а, бхигкуу гхадигаарасса гумбхагаарасса аавзсанам̣ уд̇д̇ин̣амагам̣су. ат̇а ко, махаарааж̇а, гхадигаарасса гумбхагаарасса маад̇аабид̇аро д̇з бхигкуу зд̇ад̣̇авожум̣ – ‘‘гз аавзсанам̣ уд̇д̇ин̣ам̣ гаронд̇ий’’д̇и? ‘‘бхигкуу, бхаг̇ини, гассабасса бхаг̇авад̇о арахад̇о саммаасамб̣уд̣̇д̇хасса гуди овассад̇ий’’д̇и. ‘‘харат̇а, бханд̇з, харат̇а, бхад̣̇рамукаа’’д̇и. ат̇а ко, махаарааж̇а, гхадигааро гумбхагааро язна маад̇аабид̇аро д̇знубасан̇гами; убасан̇гамид̇ваа маад̇аабид̇аро зд̇ад̣̇авожа – ‘‘гз аавзсанам̣ уд̇д̇ин̣амагам̣суу’’д̇и? ‘‘бхигкуу, д̇аад̇а, гассабасса гира бхаг̇авад̇о арахад̇о саммаасамб̣уд̣̇д̇хасса гуди овассад̇ий’’д̇и. ат̇а ко, махаарааж̇а, гхадигаарасса гумбхагаарасса зд̇ад̣̇ахоси – ‘‘лаабхаа вад̇а мз, сулад̣̇д̇хам̣ вад̇а мз, яасса мз гассабо бхаг̇аваа арахам̣ саммаасамб̣уд̣̇д̇хо звам̣ абхивиссад̇т̇о’’д̇и. ат̇а ко, махаарааж̇а гхадигаарам̣ гумбхагаарам̣ ад̣дхамаасам̣ бийд̇исукам̣ на виж̇ахад̇и, сад̇д̇аахам̣ маад̇аабид̇уунам̣. ат̇а ко, махаарааж̇а, аавзсанам̣ саб̣б̣анд̇ам̣ д̇змаасам̣ аагаасажчад̣̇анам̣ адтааси, на д̣̇звод̇ивасси 42. зваруубо жа, махаарааж̇а, гхадигааро гумбхагааро’д̇и. ‘лаабхаа, бханд̇з, гхадигаарасса гумбхагаарасса, сулад̣̇д̇хаа, бханд̇з, гхадигаарасса гумбхагаарасса яасса бхаг̇аваа звам̣ абхивиссад̇т̇о’’’д̇и.
291. ‘‘‘Ekamidāhaṃ, mahārāja, samayaṃ tattheva vegaḷiṅge nāma gāmanigame viharāmi. Tena kho pana samayena kuṭi 43 ovassati. Atha khvāhaṃ, mahārāja, bhikkhū āmantesiṃ – ‘‘gacchatha, bhikkhave, ghaṭikārassa kumbhakārassa nivesane tiṇaṃ jānāthā’’ti. Evaṃ vutte, mahārāja, te bhikkhū maṃ etadavocuṃ – ‘‘natthi kho, bhante, ghaṭikārassa kumbhakārassa nivesane tiṇaṃ, atthi ca khvāssa āvesane 44 tiṇacchadana’’ 45 nti. ‘‘Gacchatha, bhikkhave, ghaṭikārassa kumbhakārassa āvesanaṃ uttiṇaṃ karothā’’ti. Atha kho te, mahārāja, bhikkhū ghaṭikārassa kumbhakārassa āvesanaṃ uttiṇamakaṃsu. Atha kho, mahārāja, ghaṭikārassa kumbhakārassa mātāpitaro te bhikkhū etadavocuṃ – ‘‘ke āvesanaṃ uttiṇaṃ karontī’’ti? ‘‘Bhikkhū, bhagini, kassapassa bhagavato arahato sammāsambuddhassa kuṭi ovassatī’’ti. ‘‘Haratha, bhante, haratha, bhadramukhā’’ti. Atha kho, mahārāja, ghaṭikāro kumbhakāro yena mātāpitaro tenupasaṅkami; upasaṅkamitvā mātāpitaro etadavoca – ‘‘ke āvesanaṃ uttiṇamakaṃsū’’ti? ‘‘Bhikkhū, tāta, kassapassa kira bhagavato arahato sammāsambuddhassa kuṭi ovassatī’’ti. Atha kho, mahārāja, ghaṭikārassa kumbhakārassa etadahosi – ‘‘lābhā vata me, suladdhaṃ vata me, yassa me kassapo bhagavā arahaṃ sammāsambuddho evaṃ abhivissattho’’ti. Atha kho, mahārāja ghaṭikāraṃ kumbhakāraṃ aḍḍhamāsaṃ pītisukhaṃ na vijahati, sattāhaṃ mātāpitūnaṃ. Atha kho, mahārāja, āvesanaṃ sabbantaṃ temāsaṃ ākāsacchadanaṃ aṭṭhāsi, na devotivassi 46. Evarūpo ca, mahārāja, ghaṭikāro kumbhakāro’ti. ‘Lābhā, bhante, ghaṭikārassa kumbhakārassa, suladdhā, bhante, ghaṭikārassa kumbhakārassa yassa bhagavā evaṃ abhivissattho’’’ti.
292. ‘‘ат̇а ко, аананд̣̇а, гигий гаасирааж̇аа гхадигаарасса гумбхагаарасса бан̃жамад̇д̇аани д̇ан̣д̣улаваахасад̇аани баахзси бан̣д̣убудагасса саалино д̇ад̣̇убияан̃жа суубзяяам̣. ат̇а ко д̇з, аананд̣̇а, рааж̇абурисаа гхадигаарам̣ гумбхагаарам̣ убасан̇гамид̇ваа зд̇ад̣̇авожум̣ – ‘имаани ко, бханд̇з, бан̃жамад̇д̇аани д̇ан̣д̣улаваахасад̇аани гигинаа гаасирааж̇зна бахид̇аани бан̣д̣убудагасса саалино д̇ад̣̇убияан̃жа суубзяяам̣. д̇аани, бханд̇з, бадиг̇г̇ан̣хат̇аа’д̇и 47. ‘рааж̇аа ко б̣ахугижжо б̣ахугаран̣ийяо. алам̣ мз! ран̃н̃ова ход̇уу’д̇и. сияаа ко бана д̇з, аананд̣̇а, звамасса – ‘ан̃н̃о нууна д̇зна самаязна ж̇од̇ибаало маан̣аво ахосий’д̇и. на ко банзд̇ам̣, аананд̣̇а, звам̣ д̣̇адтаб̣б̣ам̣. ахам̣ д̇зна самаязна ж̇од̇ибаало маан̣аво ахоси’’нд̇и.
292. ‘‘Atha kho, ānanda, kikī kāsirājā ghaṭikārassa kumbhakārassa pañcamattāni taṇḍulavāhasatāni pāhesi paṇḍupuṭakassa sālino tadupiyañca sūpeyyaṃ. Atha kho te, ānanda, rājapurisā ghaṭikāraṃ kumbhakāraṃ upasaṅkamitvā etadavocuṃ – ‘imāni kho, bhante, pañcamattāni taṇḍulavāhasatāni kikinā kāsirājena pahitāni paṇḍupuṭakassa sālino tadupiyañca sūpeyyaṃ. Tāni, bhante, paṭiggaṇhathā’ti 48. ‘Rājā kho bahukicco bahukaraṇīyo. Alaṃ me! Raññova hotū’ti. Siyā kho pana te, ānanda, evamassa – ‘añño nūna tena samayena jotipālo māṇavo ahosī’ti. Na kho panetaṃ, ānanda, evaṃ daṭṭhabbaṃ. Ahaṃ tena samayena jotipālo māṇavo ahosi’’nti.
ид̣̇амавожа бхаг̇аваа. ад̇д̇амано ааяасмаа аананд̣̇о бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā ānando bhagavato bhāsitaṃ abhinandīti.
гхадигаарасуд̇д̇ам̣ нидтид̇ам̣ батамам̣.
Ghaṭikārasuttaṃ niṭṭhitaṃ paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. гхадигаарасуд̇д̇аван̣н̣анаа • 1. Ghaṭikārasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. гхадигаарасуд̇д̇аван̣н̣анаа • 1. Ghaṭikārasuttavaṇṇanā
