| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
4. рааж̇аваг̇г̇о
4. Rājavaggo
1. гхадигаарасуд̇д̇аван̣н̣анаа
1. Ghaṭikārasuttavaṇṇanā
282. звам̣ мз суд̇анд̇и гхадигаарасуд̇д̇ам̣. д̇ад̇т̇а сид̇ам̣ баад̇ваагаасийд̇и махаамаг̇г̇зна г̇ажчанд̇о ан̃н̃ад̇арам̣ бхуумиббад̣̇зсам̣ ологзд̇ваа – ‘‘ад̇т̇и ну ко маяаа жарияам̣ жарамаанзна имасмим̣ таанз нивуд̇т̇абуб̣б̣а’’нд̇и ааваж̇ж̇анд̇о ад̣̇д̣̇аса – ‘‘гассабаб̣уд̣̇д̇хагаалз имасмим̣ таанз взг̇ал̣ин̇г̇ам̣ наама г̇ааманиг̇амо ахоси, ахам̣ д̇ад̣̇аа ж̇од̇ибаало наама маан̣аво ахосим̣, маяхам̣ сахааяо гхадигааро наама гумбхагааро ахоси, д̇зна сад̣̇д̇хим̣ маяаа ид̇ха згам̣ сугааран̣ам̣ гад̇ам̣, д̇ам̣ бхигкусан̇гхасса абаагадам̣ бадижчаннам̣, ханд̣̇а нам̣ бхигкусан̇гхасса баагадам̣ гаромий’’д̇и маг̇г̇аа оггамма ан̃н̃ад̇арасмим̣ бад̣̇зсз тид̇агова сид̇абаад̇угаммамагааси, аг̇г̇аг̇г̇ад̣̇анд̇з д̣̇ассзд̇ваа манд̣̇ахасид̇ам̣ хаси. яат̇аа хи логияамануссаа урам̣ бахаранд̇аа – ‘‘гухам̣ гуха’’нд̇и хасанд̇и, на звам̣ б̣уд̣̇д̇хаа, б̣уд̣̇д̇хаанам̣ бана хасид̇ам̣ хадтабахадтаагаарамад̇д̇амзва ход̇и.
282.Evaṃme sutanti ghaṭikārasuttaṃ. Tattha sitaṃ pātvākāsīti mahāmaggena gacchanto aññataraṃ bhūmippadesaṃ oloketvā – ‘‘atthi nu kho mayā cariyaṃ caramānena imasmiṃ ṭhāne nivutthapubba’’nti āvajjanto addasa – ‘‘kassapabuddhakāle imasmiṃ ṭhāne vegaḷiṅgaṃ nāma gāmanigamo ahosi, ahaṃ tadā jotipālo nāma māṇavo ahosiṃ, mayhaṃ sahāyo ghaṭikāro nāma kumbhakāro ahosi, tena saddhiṃ mayā idha ekaṃ sukāraṇaṃ kataṃ, taṃ bhikkhusaṅghassa apākaṭaṃ paṭicchannaṃ, handa naṃ bhikkhusaṅghassa pākaṭaṃ karomī’’ti maggā okkamma aññatarasmiṃ padese ṭhitakova sitapātukammamakāsi, aggaggadante dassetvā mandahasitaṃ hasi. Yathā hi lokiyamanussā uraṃ paharantā – ‘‘kuhaṃ kuha’’nti hasanti, na evaṃ buddhā, buddhānaṃ pana hasitaṃ haṭṭhapahaṭṭhākāramattameva hoti.
хасид̇ан̃жа наамзд̇ам̣ д̇зрасахи соманассасахаг̇ад̇ажид̇д̇зхи ход̇и. д̇ад̇т̇а логияамахааж̇ано агусалад̇о жад̇уухи, гаамааважарагусалад̇о жад̇уухийд̇и адтахи жид̇д̇зхи хасад̇и, сзгкаа агусалад̇о д̣̇идтисамбаяуд̇д̇аани д̣̇вз абанзд̇ваа чахи жид̇д̇зхи хасанд̇и, кийн̣аасаваа жад̇уухи сахзд̇угагирияажид̇д̇зхи згзна ахзд̇угагирияажид̇д̇знаад̇и бан̃жахи жид̇д̇зхи хасанд̇и. д̇зсуби б̣алаваарамман̣з аабаат̇аг̇ад̇з д̣̇вийхи н̃аан̣асамбаяуд̇д̇ажид̇д̇зхи хасанд̇и, д̣̇уб̣б̣алаарамман̣з д̣̇ухзд̇угажид̇д̇ад̣̇ваязна жа ахзд̇угажид̇д̇зна жаад̇и д̇ийхи жид̇д̇зхи хасанд̇и. имасмим̣ бана таанз гирияаахзд̇угамановин̃н̃аан̣ад̇хаад̇усоманассасахаг̇ад̇ажид̇д̇ам̣ бхаг̇авад̇о хадтабахадтаагаарамад̇д̇ам̣ хасид̇ам̣ уббаад̣̇зси.
Hasitañca nāmetaṃ terasahi somanassasahagatacittehi hoti. Tattha lokiyamahājano akusalato catūhi, kāmāvacarakusalato catūhīti aṭṭhahi cittehi hasati, sekkhā akusalato diṭṭhisampayuttāni dve apanetvā chahi cittehi hasanti, khīṇāsavā catūhi sahetukakiriyacittehi ekena ahetukakiriyacittenāti pañcahi cittehi hasanti. Tesupi balavārammaṇe āpāthagate dvīhi ñāṇasampayuttacittehi hasanti, dubbalārammaṇe duhetukacittadvayena ca ahetukacittena cāti tīhi cittehi hasanti. Imasmiṃ pana ṭhāne kiriyāhetukamanoviññāṇadhātusomanassasahagatacittaṃ bhagavato haṭṭhapahaṭṭhākāramattaṃ hasitaṃ uppādesi.
д̇ам̣ банзд̇ам̣ хасид̇ам̣ звам̣ аббамад̇д̇агамби т̇зрасса баагадам̣ ахоси. гат̇ам̣? д̇ат̇ааруубз хи гаалз д̇ат̇ааг̇ад̇асса жад̇уухи д̣̇аатаахи жад̇уд̣̇д̣̇ийбигамахаамзгхамукад̇о сад̇зрад̇аавиж̇ж̇улад̇аа вияа вирожамаанаа махаад̇аалагканд̇хабамаан̣аа расмиваддияо удтахид̇ваа д̇игкад̇д̇ум̣ сийсаварам̣ бад̣̇агкин̣ам̣ гад̇ваа д̣̇аатаг̇г̇зсуязва анд̇арад̇хааяанд̇и. д̇зна сан̃н̃аан̣зна ааяасмаа аананд̣̇о бхаг̇авад̇о бажчад̇о г̇ажчамааноби сид̇абаад̇убхаавам̣ ж̇аанаад̇и.
Taṃ panetaṃ hasitaṃ evaṃ appamattakampi therassa pākaṭaṃ ahosi. Kathaṃ? Tathārūpe hi kāle tathāgatassa catūhi dāṭhāhi catuddīpikamahāmeghamukhato sateratāvijjulatā viya virocamānā mahātālakkhandhapamāṇā rasmivaṭṭiyo uṭṭhahitvā tikkhattuṃ sīsavaraṃ padakkhiṇaṃ katvā dāṭhaggesuyeva antaradhāyanti. Tena saññāṇena āyasmā ānando bhagavato pacchato gacchamānopi sitapātubhāvaṃ jānāti.
бхаг̇аванд̇ам̣ зд̇ад̣̇авожаад̇и – ‘‘зд̇т̇а гира гассабо бхаг̇аваа бхигкусан̇гхам̣ овад̣̇и, жад̇усажжаббагаасанам̣ агааси, бхаг̇авад̇оби зд̇т̇а нисийд̣̇ид̇ум̣ ружим̣ уббаад̣̇зссаами, звамаяам̣ бхуумибхааг̇о д̣̇вийхи б̣уд̣̇д̇хзхи барибхуд̇д̇о бхависсад̇и, махааж̇ано г̇анд̇хамаалаад̣̇ийхи бууж̇зд̇ваа жзд̇ияадтаанам̣ гад̇ваа барижаранд̇о саг̇г̇амаг̇г̇абарааяан̣о бхависсад̇ий’’д̇и жинд̇зд̇ваа зд̇ам̣ ‘‘д̇зна хи, бханд̇з,’’д̇иаад̣̇иважанам̣ авожа.
Bhagavantaṃ etadavocāti – ‘‘ettha kira kassapo bhagavā bhikkhusaṅghaṃ ovadi, catusaccappakāsanaṃ akāsi, bhagavatopi ettha nisīdituṃ ruciṃ uppādessāmi, evamayaṃ bhūmibhāgo dvīhi buddhehi paribhutto bhavissati, mahājano gandhamālādīhi pūjetvā cetiyaṭṭhānaṃ katvā paricaranto saggamaggaparāyaṇo bhavissatī’’ti cintetvā etaṃ ‘‘tena hi, bhante,’’tiādivacanaṃ avoca.
283. мун̣д̣агзна саман̣агзнаад̇и мун̣д̣ам̣ мун̣д̣од̇и, саман̣ам̣ ваа саман̣од̇и вад̇д̇ум̣ ваддад̇и, аяам̣ бана абарибагган̃аан̣ад̇д̇аа б̣раахман̣агулз уг̇г̇ахид̇авохааравасзнзва хийл̣знд̇о звамааха. сод̇д̇исинаанинд̇и синаанад̇т̇ааяа гад̇асод̇д̇им̣. сод̇д̇и наама гурувинд̣̇абаасаан̣ажун̣н̣аани лаакааяа б̣анд̇хид̇ваа гад̇аг̇ул̣игагалаабагаа вужжад̇и, яам̣ санд̇хааяа – ‘‘д̇зна ко бана самаязна чаб̣б̣аг̇г̇ияаа бхигкуу гурувинд̣̇агасуд̇д̇ияаа нахааяанд̇ий’’д̇и (жуул̣ава. 243) вуд̇д̇ам̣. д̇ам̣ убхосу анд̇зсу г̇ахзд̇ваа сарийрам̣ гхам̣санд̇и. звам̣ саммаад̇и яат̇аа зд̇арахиби мануссаа ‘‘жзд̇ияаванд̣̇анааяа г̇ажчаама, д̇хаммассаванад̇т̇ааяа г̇ажчаамаа’’д̇и вуд̇д̇аа уссаахам̣ на гаронд̇и, ‘‘надасамаж̇ж̇аад̣̇ид̣̇ассанад̇т̇ааяа г̇ажчаамаа’’д̇и вуд̇д̇аа бана згаважанзнзва самбадижчанд̇и, д̇ат̇зва синхааяид̇унд̇и вуд̇д̇з згаважанзна самбадижчанд̇о звамааха.
283.Muṇḍakena samaṇakenāti muṇḍaṃ muṇḍoti, samaṇaṃ vā samaṇoti vattuṃ vaṭṭati, ayaṃ pana aparipakkañāṇattā brāhmaṇakule uggahitavohāravaseneva hīḷento evamāha. Sottisināninti sinānatthāya katasottiṃ. Sotti nāma kuruvindapāsāṇacuṇṇāni lākhāya bandhitvā kataguḷikakalāpakā vuccati, yaṃ sandhāya – ‘‘tena kho pana samayena chabbaggiyā bhikkhū kuruvindakasuttiyā nahāyantī’’ti (cūḷava. 243) vuttaṃ. Taṃ ubhosu antesu gahetvā sarīraṃ ghaṃsanti. Evaṃ sammāti yathā etarahipi manussā ‘‘cetiyavandanāya gacchāma, dhammassavanatthāya gacchāmā’’ti vuttā ussāhaṃ na karonti, ‘‘naṭasamajjādidassanatthāya gacchāmā’’ti vuttā pana ekavacaneneva sampaṭicchanti, tatheva sinhāyitunti vutte ekavacanena sampaṭicchanto evamāha.
284. ж̇од̇ибаалам̣ маан̣авам̣ ааманд̇зсийд̇и згабассз арияабарихаарзна батамад̇арам̣ нхааяид̇ваа бажжуд̇д̇арид̇ваа тид̇о д̇асса маханд̇зна иссарияабарихаарзна нхааяанд̇асса нхаанабарияосаанам̣ ааг̇амзд̇ваа д̇ам̣ нивад̇т̇аниваасанам̣ гзсз вод̣̇агз гурумаанам̣ ааманд̇зси. аяанд̇и аасаннад̇д̇аа д̣̇ассзнд̇о ааха. оваддигам̣ винивадтзд̇ваад̇и нааг̇аб̣ало б̣од̇хисад̇д̇о ‘‘абзхи саммаа’’д̇и ийсагам̣ баривад̇д̇амаанова д̇зна г̇ахид̇аг̇ахан̣ам̣ виссаж̇ж̇аабзд̇ваад̇и ад̇т̇о. гзсзсу бараамасид̇ваа зд̇ад̣̇авожаад̇и со гира жинд̇зси – ‘‘аяам̣ ж̇од̇ибаало бан̃н̃аваа, сагим̣ д̣̇ассанам̣ лабхамаано д̇ат̇ааг̇ад̇асса д̣̇ассанзби басийд̣̇иссад̇и, д̇хаммагат̇ааяаби басийд̣̇иссад̇и, басанно жа басаннаагаарам̣ гаад̇ум̣ сагкиссад̇и, мид̇д̇аа наама зд̇ад̣̇ад̇т̇ам̣ хонд̇и, яам̣гин̃жи гад̇ваа мама сахааяам̣ г̇ахзд̇ваа д̣̇асаб̣аласса санд̇игам̣ г̇амиссаамий’’д̇и. д̇асмаа нам̣ гзсзсу бараамасид̇ваа зд̇ад̣̇авожа.
284.Jotipālaṃ māṇavaṃ āmantesīti ekapasse ariyaparihārena paṭhamataraṃ nhāyitvā paccuttaritvā ṭhito tassa mahantena issariyaparihārena nhāyantassa nhānapariyosānaṃ āgametvā taṃ nivatthanivāsanaṃ kese vodake kurumānaṃ āmantesi. Ayanti āsannattā dassento āha. Ovaṭṭikaṃ vinivaṭṭhetvāti nāgabalo bodhisatto ‘‘apehi sammā’’ti īsakaṃ parivattamānova tena gahitagahaṇaṃ vissajjāpetvāti attho. Kesesu parāmasitvā etadavocāti so kira cintesi – ‘‘ayaṃ jotipālo paññavā, sakiṃ dassanaṃ labhamāno tathāgatassa dassanepi pasīdissati, dhammakathāyapi pasīdissati, pasanno ca pasannākāraṃ kātuṃ sakkhissati, mittā nāma etadatthaṃ honti, yaṃkiñci katvā mama sahāyaṃ gahetvā dasabalassa santikaṃ gamissāmī’’ti. Tasmā naṃ kesesu parāmasitvā etadavoca.
ид̇д̇араж̇ажжод̇и ан̃н̃аж̇аад̇иго, маяаа сад̣̇д̇хим̣ асамаанаж̇аад̇иго, лаамагаж̇аад̇игод̇и ад̇т̇о. на вад̇ид̣̇анд̇и ид̣̇ам̣ амхаагам̣ г̇аманам̣ на вад̇а орагам̣ бхависсад̇и на куд̣̇д̣̇агам̣, маханд̇ам̣ бхависсад̇и. аяан̃хи на ад̇д̇ано т̇аамзна г̇ан̣хи, сад̇т̇у т̇аамзна г̇ан̣хийд̇и г̇ахан̣асмим̣язва нидтам̣ аг̇амааси. яаавад̇аад̣̇охибийд̇и зд̇т̇а д̣̇огаарахигаарабигаараа нибаад̇аа, яаавад̇убариманд̇и ад̇т̇о. ид̣̇ам̣ вуд̇д̇ам̣ ход̇и – ‘‘ваажааяа аалабанам̣ оваддигааяа г̇ахан̣ан̃жа ад̇иггамид̇ваа яаава гзсаг̇г̇ахан̣амби д̇ад̇т̇а г̇аманад̇т̇ам̣ баяог̇о гад̇д̇аб̣б̣о’’д̇и.
Ittarajaccoti aññajātiko, mayā saddhiṃ asamānajātiko, lāmakajātikoti attho. Na vatidanti idaṃ amhākaṃ gamanaṃ na vata orakaṃ bhavissati na khuddakaṃ, mahantaṃ bhavissati. Ayañhi na attano thāmena gaṇhi, satthu thāmena gaṇhīti gahaṇasmiṃyeva niṭṭhaṃ agamāsi. Yāvatādohipīti ettha dokārahikārapikārā nipātā, yāvatuparimanti attho. Idaṃ vuttaṃ hoti – ‘‘vācāya ālapanaṃ ovaṭṭikāya gahaṇañca atikkamitvā yāva kesaggahaṇampi tattha gamanatthaṃ payogo kattabbo’’ti.
285. д̇хаммияаа гат̇ааяаад̇и ид̇ха сад̇ибадилаабхад̇т̇ааяа буб̣б̣зниваасабадисам̣яуд̇д̇аа д̇хаммий гат̇аа взд̣̇ид̇аб̣б̣аа. д̇асса хи бхаг̇аваа, – ‘‘ж̇од̇ибаала, д̇вам̣ на лаамагадтаанам̣ од̇ин̣н̣асад̇д̇о, махааб̣од̇хибаллан̇гз бана саб̣б̣ан̃н̃уд̇ан̃н̃аан̣ам̣ бад̇т̇зд̇ваа од̇ин̣н̣оси, д̇аад̣̇исасса наама бамаад̣̇авихааро на яуд̇д̇о’’д̇иаад̣̇инаа наязна сад̇ибадилаабхааяа д̇хаммам̣ гат̇зси. барасамуд̣̇д̣̇аваасийт̇зраа бана вад̣̇анд̇и – ‘‘ж̇од̇ибаала, яат̇аа ахам̣ д̣̇асабаарамияо буурзд̇ваа саб̣б̣ан̃н̃уд̇ан̃н̃аан̣ам̣ бадивиж̇жхид̇ваа вийсад̇исахассабхигкубаривааро логз вижараами, звамзвам̣ д̇вамби д̣̇асабаарамияо буурзд̇ваа саб̣б̣ан̃н̃уд̇ан̃н̃аан̣ам̣ бадивиж̇жхид̇ваа саман̣аг̇ан̣абаривааро логз вижариссаси. зваруубзна наама д̇аяаа бамаад̣̇ам̣ аабаж̇ж̇ид̇ум̣ на яуд̇д̇а’’нд̇и яат̇аасса баб̣б̣аж̇ж̇ааяа жид̇д̇ам̣ намад̇и, звам̣ гаамзсу аад̣̇ийнавам̣ нзгкаммз жа аанисам̣сам̣ гат̇зсийд̇и.
285.Dhammiyākathāyāti idha satipaṭilābhatthāya pubbenivāsapaṭisaṃyuttā dhammī kathā veditabbā. Tassa hi bhagavā, – ‘‘jotipāla, tvaṃ na lāmakaṭṭhānaṃ otiṇṇasatto, mahābodhipallaṅke pana sabbaññutaññāṇaṃ patthetvā otiṇṇosi, tādisassa nāma pamādavihāro na yutto’’tiādinā nayena satipaṭilābhāya dhammaṃ kathesi. Parasamuddavāsītherā pana vadanti – ‘‘jotipāla, yathā ahaṃ dasapāramiyo pūretvā sabbaññutaññāṇaṃ paṭivijjhitvā vīsatisahassabhikkhuparivāro loke vicarāmi, evamevaṃ tvampi dasapāramiyo pūretvā sabbaññutaññāṇaṃ paṭivijjhitvā samaṇagaṇaparivāro loke vicarissasi. Evarūpena nāma tayā pamādaṃ āpajjituṃ na yutta’’nti yathāssa pabbajjāya cittaṃ namati, evaṃ kāmesu ādīnavaṃ nekkhamme ca ānisaṃsaṃ kathesīti.
286. алад̇т̇а ко, аананд̣̇а,…бз… баб̣б̣аж̇ж̇ам̣ алад̇т̇а убасамбад̣̇анд̇и баб̣б̣аж̇ид̇ваа гимагааси? яам̣ б̣од̇хисад̇д̇зхи гад̇д̇аб̣б̣ам̣. б̣од̇хисад̇д̇аа хи б̣уд̣̇д̇хаанам̣ саммукз баб̣б̣аж̇анд̇и. баб̣б̣аж̇ид̇ваа жа бана ид̇д̇арасад̇д̇аа вияа бад̇ид̇асин̇г̇аа на хонд̇и, жад̇убаарисуд̣̇д̇хисийлз бана субад̇идтааяа д̇збидагам̣ б̣уд̣̇д̇хаважанам̣ уг̇г̇ан̣хид̇ваа д̇зраса д̇худ̇ан̇г̇аани самаад̣̇ааяа аран̃н̃ам̣ бависид̇ваа г̇ад̇абажжааг̇ад̇авад̇д̇ам̣ буураяамаанаа саман̣ад̇хаммам̣ гаронд̇аа вибассанам̣ вад̣дхзд̇ваа яаава ануломан̃аан̣ам̣ аахажжа д̇идтанд̇и, маг̇г̇апалад̇т̇ам̣ вааяаамам̣ на гаронд̇и. ж̇од̇ибаалоби д̇ат̇зва агааси.
286.Alattha kho, ānanda,…pe… pabbajjaṃ alattha upasampadanti pabbajitvā kimakāsi? Yaṃ bodhisattehi kattabbaṃ. Bodhisattā hi buddhānaṃ sammukhe pabbajanti. Pabbajitvā ca pana ittarasattā viya patitasiṅgā na honti, catupārisuddhisīle pana supatiṭṭhāya tepiṭakaṃ buddhavacanaṃ uggaṇhitvā terasa dhutaṅgāni samādāya araññaṃ pavisitvā gatapaccāgatavattaṃ pūrayamānā samaṇadhammaṃ karontā vipassanaṃ vaḍḍhetvā yāva anulomañāṇaṃ āhacca tiṭṭhanti, maggaphalatthaṃ vāyāmaṃ na karonti. Jotipālopi tatheva akāsi.
287. ад̣дхамаасубасамбаннзд̇и гулад̣̇аараган̃хи баб̣б̣ааж̇зд̇ваа ад̣дхамаасамби авасид̇ваа г̇ад̇з маад̇аабид̇уунам̣ сого на вуубасаммад̇и, соби бад̇д̇ажийвараг̇г̇ахан̣ам̣ на ж̇аанаад̇и, д̣̇ахарабхигкусааман̣зрзхи сад̣̇д̇хим̣ виссаасо на уббаж̇ж̇ад̇и, т̇зрзхи сад̣̇д̇хим̣ синзхо на бад̇идтаад̇и, г̇ад̇аг̇ад̇адтаанз анабхирад̇и уббаж̇ж̇ад̇и. зд̇д̇агам̣ бана гаалам̣ ниваасз сад̇и маад̇аабид̇аро бассид̇ум̣ лабханд̇и. д̇зна д̇зсам̣ сого д̇анубхаавам̣ г̇ажчад̇и, бад̇д̇ажийвараг̇г̇ахан̣ам̣ ж̇аанаад̇и, сааман̣зрад̣̇ахарабхигкуухи сад̣̇д̇хим̣ виссаасо ж̇ааяад̇и, т̇зрзхи сад̣̇д̇хим̣ синзхо бад̇идтаад̇и, г̇ад̇аг̇ад̇адтаанз абхирамад̇и, на угган̣тад̇и. д̇асмаа зд̇д̇агам̣ васид̇ум̣ ваддад̇ийд̇и ад̣дхамаасам̣ васид̇ваа баггаами.
287.Aḍḍhamāsupasampanneti kuladārakañhi pabbājetvā aḍḍhamāsampi avasitvā gate mātāpitūnaṃ soko na vūpasammati, sopi pattacīvaraggahaṇaṃ na jānāti, daharabhikkhusāmaṇerehi saddhiṃ vissāso na uppajjati, therehi saddhiṃ sineho na patiṭṭhāti, gatagataṭṭhāne anabhirati uppajjati. Ettakaṃ pana kālaṃ nivāse sati mātāpitaro passituṃ labhanti. Tena tesaṃ soko tanubhāvaṃ gacchati, pattacīvaraggahaṇaṃ jānāti, sāmaṇeradaharabhikkhūhi saddhiṃ vissāso jāyati, therehi saddhiṃ sineho patiṭṭhāti, gatagataṭṭhāne abhiramati, na ukkaṇṭhati. Tasmā ettakaṃ vasituṃ vaṭṭatīti aḍḍhamāsaṃ vasitvā pakkāmi.
бан̣д̣убудагасса саалинод̇и будагз гад̇ваа сугкаабид̇асса рад̇д̇асаалино. д̇асса гира саалино ваббагаалад̇о бадтааяа аяам̣ барихааро – гзд̣̇аараа субаригаммагад̇аа хонд̇и, д̇ад̇т̇а б̣ийж̇аани бад̇идтаабзд̇ваа г̇анд̇ход̣̇агзна син̃жим̣су, ваббагаалз вид̇аанам̣ вияа убари вад̇т̇агилан̃ж̇ам̣ б̣анд̇хид̇ваа барибаггагаалз вийхисийсаани чинд̣̇ид̇ваа мудтимад̇д̇з будагз гад̇ваа яод̇д̇аб̣ад̣̇д̇хз взхаасам̣язва сугкаабзд̇ваа г̇анд̇хажун̣н̣аани ад̇т̇арид̇ваа годтагзсу буурзд̇ваа д̇ад̇ияз вассз виварим̣су. звам̣ д̇ивассам̣ баривуд̇т̇асса суг̇анд̇харад̇д̇асаалино абаг̇ад̇агаал̣агз субарисуд̣̇д̇хз д̇ан̣д̣улз г̇ахзд̇ваа каж̇ж̇агавигад̇имби бхад̇д̇амби бадияаад̣̇ияим̣су. д̇ам̣ санд̇хааяа вуд̇д̇ам̣ бан̣ийд̇ам̣ каад̣̇анийяам̣ бхож̇анийяам̣…бз… гаалам̣ аарожаабзсийд̇и.
Paṇḍupuṭakassa sālinoti puṭake katvā sukkhāpitassa rattasālino. Tassa kira sālino vappakālato paṭṭhāya ayaṃ parihāro – kedārā suparikammakatā honti, tattha bījāni patiṭṭhāpetvā gandhodakena siñciṃsu, vappakāle vitānaṃ viya upari vatthakilañjaṃ bandhitvā paripakkakāle vīhisīsāni chinditvā muṭṭhimatte puṭake katvā yottabaddhe vehāsaṃyeva sukkhāpetvā gandhacuṇṇāni attharitvā koṭṭhakesu pūretvā tatiye vasse vivariṃsu. Evaṃ tivassaṃ parivutthassa sugandharattasālino apagatakāḷake suparisuddhe taṇḍule gahetvā khajjakavikatimpi bhattampi paṭiyādiyiṃsu. Taṃ sandhāya vuttaṃ paṇītaṃ khādanīyaṃ bhojanīyaṃ…pe… kālaṃ ārocāpesīti.
288. ад̇хивудто мзд̇и гим̣ санд̇хааяа вад̣̇ад̇и? взг̇ал̣ин̇г̇ад̇о нигкаманагаалз гхадигааро ад̇д̇ано санд̇игз вассааваасам̣ васанад̇т̇ааяа бадин̃н̃ам̣ аг̇г̇ахзси, д̇ам̣ санд̇хааяа вад̣̇ад̇и. ахуд̣̇зва ан̃н̃ат̇ад̇д̇ам̣ аху д̣̇оманассанд̇и д̇змаасам̣ д̣̇аанам̣ д̣̇аад̇ум̣, д̇хамман̃жа сод̇ум̣, иминаа жа нияаамзна вийсад̇и бхигкусахассаани бадиж̇аг̇г̇ид̇ум̣ наалад̇т̇анд̇и алаабхам̣ аараб̣бха жид̇д̇ан̃н̃ат̇ад̇д̇ам̣ жид̇д̇ад̣̇оманассам̣ ахоси, на д̇ат̇ааг̇ад̇ам̣ аараб̣бха. гасмаа? сод̇аабаннад̇д̇аа. со гира буб̣б̣з б̣раахман̣абхад̇д̇о ахоси. ат̇згасмим̣ самаяз бажжанд̇з губид̇з вуубасаманад̇т̇ам̣ г̇ажчанд̇о уражчад̣̇ам̣ наама д̇хийд̇арамааха – ‘‘амма амхаагам̣ д̣̇звз маа бамаж̇ж̇ий’’д̇и. б̣раахман̣аа д̇ам̣ рааж̇ад̇хийд̇арам̣ д̣̇исваа висан̃н̃ино ахзсум̣. гз имз жаад̇и вуд̇д̇з д̇умхаагам̣ бхуумид̣̇зваад̇и. бхуумид̣̇зваа наама зваруубаа хонд̇ийд̇и нидтубхид̇ваа баасаад̣̇ам̣ абхирухи. саа згад̣̇ивасам̣ вийт̇им̣ ологзнд̇ий тид̇аа гассабасса бхаг̇авад̇о аг̇г̇асаавагам̣ д̣̇исваа баггосаабзд̇ваа бин̣д̣абаад̇ам̣ д̣̇ад̇ваа анумод̣̇анам̣ сун̣амаанааязва сод̇аабаннаа худ̇ваа ‘‘ан̃н̃зби бхигкуу ад̇т̇ий’’д̇и бужчид̇ваа ‘‘сад̇т̇аа вийсад̇ияаа бхигкусахассзхи сад̣̇д̇хим̣ исибад̇анз васад̇ий’’д̇и жа суд̇ваа ниманд̇зд̇ваа д̣̇аанам̣ ад̣̇ааси.
288.Adhivuṭṭho meti kiṃ sandhāya vadati? Vegaḷiṅgato nikkhamanakāle ghaṭikāro attano santike vassāvāsaṃ vasanatthāya paṭiññaṃ aggahesi, taṃ sandhāya vadati. Ahudeva aññathattaṃ ahu domanassanti temāsaṃ dānaṃ dātuṃ, dhammañca sotuṃ, iminā ca niyāmena vīsati bhikkhusahassāni paṭijaggituṃ nālatthanti alābhaṃ ārabbha cittaññathattaṃ cittadomanassaṃ ahosi, na tathāgataṃ ārabbha. Kasmā? Sotāpannattā. So kira pubbe brāhmaṇabhatto ahosi. Athekasmiṃ samaye paccante kupite vūpasamanatthaṃ gacchanto uracchadaṃ nāma dhītaramāha – ‘‘amma amhākaṃ deve mā pamajjī’’ti. Brāhmaṇā taṃ rājadhītaraṃ disvā visaññino ahesuṃ. Ke ime cāti vutte tumhākaṃ bhūmidevāti. Bhūmidevā nāma evarūpā hontīti niṭṭhubhitvā pāsādaṃ abhiruhi. Sā ekadivasaṃ vīthiṃ olokentī ṭhitā kassapassa bhagavato aggasāvakaṃ disvā pakkosāpetvā piṇḍapātaṃ datvā anumodanaṃ suṇamānāyeva sotāpannā hutvā ‘‘aññepi bhikkhū atthī’’ti pucchitvā ‘‘satthā vīsatiyā bhikkhusahassehi saddhiṃ isipatane vasatī’’ti ca sutvā nimantetvā dānaṃ adāsi.
рааж̇аа бажжанд̇ам̣ вуубасамзд̇ваа ааг̇ад̇о. ат̇а нам̣ батамад̇арамзва б̣раахман̣аа ааг̇анд̇ваа д̇хийд̇у аван̣н̣ам̣ вад̇ваа барибхинд̣̇им̣су. рааж̇аа бана д̇хийд̇у ж̇аад̇агаалзязва варам̣ ад̣̇ааси. д̇ассаа ‘‘сад̇д̇а д̣̇ивасаани раж̇ж̇ам̣ д̣̇аад̇аб̣б̣а’’нд̇и варам̣ г̇ан̣хим̣су. ат̇ассаа рааж̇аа сад̇д̇а д̣̇ивасаани раж̇ж̇ам̣ нияяаад̇зси. саа сад̇т̇аарам̣ бхож̇аяамаанаа рааж̇аанам̣ баггосаабзд̇ваа б̣ахисаан̣ияам̣ нисийд̣̇аабзси. рааж̇аа сад̇т̇у анумод̣̇анам̣ суд̇ваава сод̇аабанно ж̇аад̇о. сод̇аабаннасса жа наама д̇ат̇ааг̇ад̇ам̣ аараб̣бха аагхаад̇о над̇т̇и. д̇зна вуд̇д̇ам̣ – ‘‘на д̇ат̇ааг̇ад̇ам̣ аараб̣бхаа’’д̇и.
Rājā paccantaṃ vūpasametvā āgato. Atha naṃ paṭhamatarameva brāhmaṇā āgantvā dhītu avaṇṇaṃ vatvā paribhindiṃsu. Rājā pana dhītu jātakāleyeva varaṃ adāsi. Tassā ‘‘satta divasāni rajjaṃ dātabba’’nti varaṃ gaṇhiṃsu. Athassā rājā satta divasāni rajjaṃ niyyātesi. Sā satthāraṃ bhojayamānā rājānaṃ pakkosāpetvā bahisāṇiyaṃ nisīdāpesi. Rājā satthu anumodanaṃ sutvāva sotāpanno jāto. Sotāpannassa ca nāma tathāgataṃ ārabbha āghāto natthi. Tena vuttaṃ – ‘‘na tathāgataṃ ārabbhā’’ti.
яам̣ ижчад̇и д̇ам̣ харад̇ууд̇и со гира бхааж̇анаани бажид̇ваа гаяавиггаяам̣ на гарод̇и, звам̣ бана вад̇ваа д̣̇ааруд̇т̇ааяа ваа мад̇д̇игад̇т̇ааяа ваа балаалад̇т̇ааяа ваа аран̃н̃ам̣ г̇ажчад̇и. махааж̇анаа ‘‘гхадигаарзна бхааж̇анаани баггааний’’д̇и суд̇ваа барисуд̣̇д̇хад̇ан̣д̣улалон̣ад̣̇ад̇хид̇злапаан̣ид̇аад̣̇ийни г̇ахзд̇ваа ааг̇ажчанд̇и. сажз бхааж̇анам̣ махаг̇гхам̣ ход̇и, муулам̣ аббам̣, яам̣ ваа д̇ам̣ ваа д̣̇ад̇ваа г̇ан̣хаамаад̇и д̇ам̣ на г̇ан̣ханд̇и. д̇хаммиго ваан̣иж̇о маад̇аабид̇аро бадиж̇аг̇г̇ад̇и, саммаасамб̣уд̣̇д̇хам̣ убадтахад̇и, б̣аху но агусалам̣ бхависсад̇ийд̇и буна г̇анд̇ваа муулам̣ аахаранд̇и. сажз бана бхааж̇анам̣ аббаг̇гхам̣ ход̇и, аабхад̇ам̣ муулам̣ б̣аху, д̇хаммиго ваан̣иж̇о, амхаагам̣ бун̃н̃ам̣ бхависсад̇ийд̇и яат̇аабхад̇ам̣ гхарасаамигаа вияа саад̇хугам̣ бадисаамзд̇ваа г̇ажчанд̇и. звам̣г̇ун̣о бана гасмаа на баб̣б̣аж̇ад̇ийд̇и. ран̃н̃о важанабат̇ам̣ бажчинд̣̇анд̇о анд̇хз ж̇ин̣н̣з маад̇аабид̇аро босзд̇ийд̇и ааха.
Yaṃ icchati taṃ haratūti so kira bhājanāni pacitvā kayavikkayaṃ na karoti, evaṃ pana vatvā dārutthāya vā mattikatthāya vā palālatthāya vā araññaṃ gacchati. Mahājanā ‘‘ghaṭikārena bhājanāni pakkānī’’ti sutvā parisuddhataṇḍulaloṇadadhitelaphāṇitādīni gahetvā āgacchanti. Sace bhājanaṃ mahagghaṃ hoti, mūlaṃ appaṃ, yaṃ vā taṃ vā datvā gaṇhāmāti taṃ na gaṇhanti. Dhammiko vāṇijo mātāpitaro paṭijaggati, sammāsambuddhaṃ upaṭṭhahati, bahu no akusalaṃ bhavissatīti puna gantvā mūlaṃ āharanti. Sace pana bhājanaṃ appagghaṃ hoti, ābhataṃ mūlaṃ bahu, dhammiko vāṇijo, amhākaṃ puññaṃ bhavissatīti yathābhataṃ gharasāmikā viya sādhukaṃ paṭisāmetvā gacchanti. Evaṃguṇo pana kasmā na pabbajatīti. Rañño vacanapathaṃ pacchindanto andhe jiṇṇe mātāpitaro posetīti āha.
289. го ну код̇и гухим̣ ну ко. гумбхияаад̇и угкалид̇о. барияог̇аад̇и суубабхааж̇анад̇о. барибхун̃ж̇аад̇и бхун̃ж̇а. гасмаа банзд̇з звам̣ вад̣̇анд̇и? гхадигааро гира бхад̇д̇ам̣ бажид̇ваа суубам̣ самбаад̣̇зд̇ваа маад̇аабид̇аро бхож̇зд̇ваа саяамби бхун̃ж̇ид̇ваа бхаг̇авад̇о вад̣дхамаанагам̣ бхад̇д̇асуубам̣ бадтабзд̇ваа аасанам̣ бан̃н̃абзд̇ваа аад̇хаарагам̣ убадтабзд̇ваа уд̣̇агам̣ бажжубадтабзд̇ваа маад̇аабид̇уунам̣ сан̃н̃ам̣ д̣̇ад̇ваа аран̃н̃ам̣ г̇ажчад̇и. д̇асмаа звам̣ вад̣̇анд̇и. абхивиссад̇т̇од̇и ад̇ивиссад̇т̇о. бийд̇исукам̣ на виж̇ахад̇ийд̇и на ниранд̇арам̣ виж̇ахад̇и, ат̇а ко рад̇д̇ибхааг̇з ваа д̣̇ивасабхааг̇з ваа г̇аамз ваа аран̃н̃з ваа яасмим̣ яасмим̣ кан̣з – ‘‘сад̣̇звагз наама логз аг̇г̇абуг̇г̇ало маяхам̣ г̇зхам̣ бависид̇ваа сахад̇т̇зна аамисам̣ г̇ахзд̇ваа барибхун̃ж̇ад̇и, лаабхаа вад̇а мз’’д̇и ануссарад̇и, д̇асмим̣ д̇асмим̣ кан̣з бан̃жаван̣н̣аа бийд̇и уббаж̇ж̇ад̇и. д̇ам̣ санд̇хааяа звам̣ вуд̇д̇ам̣.
289.Ko nu khoti kuhiṃ nu kho. Kumbhiyāti ukkhalito. Pariyogāti sūpabhājanato. Paribhuñjāti bhuñja. Kasmā panete evaṃ vadanti? Ghaṭikāro kira bhattaṃ pacitvā sūpaṃ sampādetvā mātāpitaro bhojetvā sayampi bhuñjitvā bhagavato vaḍḍhamānakaṃ bhattasūpaṃ paṭṭhapetvā āsanaṃ paññapetvā ādhārakaṃ upaṭṭhapetvā udakaṃ paccupaṭṭhapetvā mātāpitūnaṃ saññaṃ datvā araññaṃ gacchati. Tasmā evaṃ vadanti. Abhivissatthoti ativissattho. Pītisukhaṃna vijahatīti na nirantaraṃ vijahati, atha kho rattibhāge vā divasabhāge vā gāme vā araññe vā yasmiṃ yasmiṃ khaṇe – ‘‘sadevake nāma loke aggapuggalo mayhaṃ gehaṃ pavisitvā sahatthena āmisaṃ gahetvā paribhuñjati, lābhā vata me’’ti anussarati, tasmiṃ tasmiṃ khaṇe pañcavaṇṇā pīti uppajjati. Taṃ sandhāya evaṃ vuttaṃ.
290. гал̣обияаад̇и бажчид̇о. гим̣ бана бхаг̇аваа звамагаасийд̇и. бажжаяо д̇хаммиго, бхигкуунам̣ бад̇д̇з бхад̇д̇асад̣̇исо, д̇асмаа звамагааси. сигкаабад̣̇абан̃н̃ад̇д̇иби жа саавагаанам̣язва ход̇и, б̣уд̣̇д̇хаанам̣ сигкаабад̣̇авзлаа наама над̇т̇и. яат̇аа хи ран̃н̃о уяяаанз бубпапалаани хонд̇и, ан̃н̃зсам̣ д̇аани г̇ан̣ханд̇аанам̣ ниг̇г̇ахам̣ гаронд̇и, рааж̇аа яат̇ааружияаа барибхун̃ж̇ад̇и, звам̣самбад̣̇амзд̇ам̣. барасамуд̣̇д̣̇аваасийт̇зраа бана ‘‘д̣̇звад̇аа гира бадиг̇г̇ахзд̇ваа ад̣̇ам̣суу’’д̇и вад̣̇анд̇и.
290.Kaḷopiyāti pacchito. Kiṃ pana bhagavā evamakāsīti. Paccayo dhammiko, bhikkhūnaṃ patte bhattasadiso, tasmā evamakāsi. Sikkhāpadapaññattipi ca sāvakānaṃyeva hoti, buddhānaṃ sikkhāpadavelā nāma natthi. Yathā hi rañño uyyāne pupphaphalāni honti, aññesaṃ tāni gaṇhantānaṃ niggahaṃ karonti, rājā yathāruciyā paribhuñjati, evaṃsampadametaṃ. Parasamuddavāsītherā pana ‘‘devatā kira paṭiggahetvā adaṃsū’’ti vadanti.
291. харат̇а, бханд̇з, харат̇а бхад̣̇рамукаад̇и амхаагам̣ буд̇д̇о ‘‘гухим̣ г̇ад̇осий’’д̇и вуд̇д̇з – ‘‘д̣̇асаб̣аласса санд̇ига’’нд̇и вад̣̇ад̇и, гухим̣ ну ко г̇ажчад̇и, сад̇т̇у васанадтаанасса овассагабхаавамби на ж̇аанаад̇ийд̇и буд̇д̇з абараад̇хасан̃н̃ино г̇ахан̣з д̇удтажид̇д̇аа звамаахам̣су.
291.Haratha, bhante, haratha bhadramukhāti amhākaṃ putto ‘‘kuhiṃ gatosī’’ti vutte – ‘‘dasabalassa santika’’nti vadati, kuhiṃ nu kho gacchati, satthu vasanaṭṭhānassa ovassakabhāvampi na jānātīti putte aparādhasaññino gahaṇe tuṭṭhacittā evamāhaṃsu.
д̇змаасам̣ аагаасажчад̣̇анам̣ адтаасийд̇и бхаг̇аваа гира жад̇уннам̣ вассигаанам̣ маасаанам̣ згам̣ маасам̣ ад̇иггамид̇ваа д̇ин̣ам̣ аахараабзси, д̇асмаа звамааха. аяам̣ банзд̇т̇а бад̣̇ад̇т̇о – аагаасам̣ чад̣̇анамассаад̇и аагаасажчад̣̇анам̣. на д̣̇звод̇ивассийд̇и гзвалам̣ наад̇ивасси, яат̇аа банзд̇т̇а багад̇ияаа жа ниб̣б̣агосасса уд̣̇агабаад̇адтаанаб̣бханд̇арз згамби уд̣̇агаб̣инд̣̇у наад̇ивасси, звам̣ гханачад̣̇анаг̇зхаб̣бханд̇арз вияа на ваад̇аад̇абааби ааб̣аад̇хам̣ агам̣су, багад̇ияаа уд̇упаран̣амзва ахоси. абарабхааг̇з д̇асмим̣ ниг̇амз чад̣д̣ид̇зби д̇ам̣ таанам̣ ановассагамзва ахоси. мануссаа гаммам̣ гаронд̇аа д̣̇звз вассанд̇з д̇ад̇т̇а саадагз табзд̇ваа гаммам̣ гаронд̇и. яаава габбудтаанаа д̇ам̣ таанам̣ д̇аад̣̇исамзва бхависсад̇и. д̇ан̃жа ко бана на д̇ат̇ааг̇ад̇асса ид̣̇д̇хаанубхаавзна, д̇зсам̣язва бана г̇ун̣асамбад̇д̇ияаа. д̇зсан̃хи – ‘‘саммаасамб̣уд̣̇д̇хо гад̇т̇а на лабхзяяа, амхаагам̣ наама д̣̇виннам̣ анд̇хагаанам̣ нивзсанам̣ уд̇д̇ин̣ам̣ гаарзсий’’д̇и на д̇аббажжаяаа д̣̇оманассам̣ уд̣̇абаад̣̇и – ‘‘сад̣̇звагз логз аг̇г̇абуг̇г̇ало амхаагам̣ нивзсанаа д̇ин̣ам̣ аахараабзд̇ваа г̇анд̇хагудим̣ чаад̣̇аабзсий’’д̇и бана д̇зсам̣ анаббагам̣ б̣алавасоманассам̣ уд̣̇абаад̣̇и. ид̇и д̇зсам̣язва г̇ун̣асамбад̇д̇ияаа ид̣̇ам̣ баадихаарияам̣ ж̇аад̇анд̇и взд̣̇ид̇аб̣б̣ам̣.
Temāsaṃ ākāsacchadanaṃ aṭṭhāsīti bhagavā kira catunnaṃ vassikānaṃ māsānaṃ ekaṃ māsaṃ atikkamitvā tiṇaṃ āharāpesi, tasmā evamāha. Ayaṃ panettha padattho – ākāsaṃ chadanamassāti ākāsacchadanaṃ. Na devotivassīti kevalaṃ nātivassi, yathā panettha pakatiyā ca nibbakosassa udakapātaṭṭhānabbhantare ekampi udakabindu nātivassi, evaṃ ghanachadanagehabbhantare viya na vātātapāpi ābādhaṃ akaṃsu, pakatiyā utupharaṇameva ahosi. Aparabhāge tasmiṃ nigame chaḍḍitepi taṃ ṭhānaṃ anovassakameva ahosi. Manussā kammaṃ karontā deve vassante tattha sāṭake ṭhapetvā kammaṃ karonti. Yāva kappuṭṭhānā taṃ ṭhānaṃ tādisameva bhavissati. Tañca kho pana na tathāgatassa iddhānubhāvena, tesaṃyeva pana guṇasampattiyā. Tesañhi – ‘‘sammāsambuddho kattha na labheyya, amhākaṃ nāma dvinnaṃ andhakānaṃ nivesanaṃ uttiṇaṃ kāresī’’ti na tappaccayā domanassaṃ udapādi – ‘‘sadevake loke aggapuggalo amhākaṃ nivesanā tiṇaṃ āharāpetvā gandhakuṭiṃ chādāpesī’’ti pana tesaṃ anappakaṃ balavasomanassaṃ udapādi. Iti tesaṃyeva guṇasampattiyā idaṃ pāṭihāriyaṃ jātanti veditabbaṃ.
292. д̇ан̣д̣улаваахасад̇аанийд̇и зд̇т̇а д̣̇вз сагадаани зго вааход̇и взд̣̇ид̇аб̣б̣о. д̇ад̣̇убияан̃жа суубзяяанд̇и суубад̇т̇ааяа д̇ад̣̇ануруубам̣ д̇злапаан̣ид̇аад̣̇им̣. вийсад̇ибхигкусахассасса д̇змаасад̇т̇ааяа бхад̇д̇ам̣ бхависсад̇ийд̇и гира сан̃н̃ааяа рааж̇аа зд̇д̇агам̣ бзсзси. алам̣ мз ран̃н̃ова ход̇ууд̇и гасмаа бадигкиби? ад̇хиг̇ад̇ааббижчад̇ааяа. звам̣ гирасса ахоси – ‘‘наахам̣ ран̃н̃аа д̣̇идтабуб̣б̣о, гат̇ам̣ ну ко бзсзсий’’д̇и. д̇ад̇о жинд̇зси – ‘‘сад̇т̇аа б̣аараан̣асим̣ г̇ад̇о, ад̣̇д̇хаа со ран̃н̃о вассааваасам̣ яаажияамаано маяхам̣ бадин̃н̃аад̇абхаавам̣ аарожзд̇ваа мама г̇ун̣агат̇ам̣ гат̇зси, г̇ун̣агат̇ааяа лад̣̇д̇халаабхо бана надзна нажжид̇ваа лад̣̇д̇хам̣ вияа г̇ааяагзна г̇ааяид̇ваа лад̣̇д̇хам̣ вияа жа ход̇и. гим̣ маяхам̣ иминаа, гаммам̣ гад̇ваа уббаннзна маад̇аабид̇уунамби саммаасамб̣уд̣̇д̇хассаби убадтаанам̣ саггаа гаад̇у’’нд̇и. сзсам̣ саб̣б̣ад̇т̇а уд̇д̇аанамзваад̇и.
292.Taṇḍulavāhasatānīti ettha dve sakaṭāni eko vāhoti veditabbo. Tadupiyañca sūpeyyanti sūpatthāya tadanurūpaṃ telaphāṇitādiṃ. Vīsatibhikkhusahassassa temāsatthāya bhattaṃ bhavissatīti kira saññāya rājā ettakaṃ pesesi. Alaṃ me raññova hotūti kasmā paṭikkhipi? Adhigataappicchatāya. Evaṃ kirassa ahosi – ‘‘nāhaṃ raññā diṭṭhapubbo, kathaṃ nu kho pesesī’’ti. Tato cintesi – ‘‘satthā bārāṇasiṃ gato, addhā so rañño vassāvāsaṃ yāciyamāno mayhaṃ paṭiññātabhāvaṃ ārocetvā mama guṇakathaṃ kathesi, guṇakathāya laddhalābho pana naṭena naccitvā laddhaṃ viya gāyakena gāyitvā laddhaṃ viya ca hoti. Kiṃ mayhaṃ iminā, kammaṃ katvā uppannena mātāpitūnampi sammāsambuddhassapi upaṭṭhānaṃ sakkā kātu’’nti. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
гхадигаарасуд̇д̇аван̣н̣анаа нидтид̇аа.
Ghaṭikārasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. гхадигаарасуд̇д̇ам̣ • 1. Ghaṭikārasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. гхадигаарасуд̇д̇аван̣н̣анаа • 1. Ghaṭikārasuttavaṇṇanā
