| Library / Tipiṭaka / តិបិដក • Tipiṭaka / មិលិន្ទបញ្ហបាឡិ • Milindapañhapāḷi |
៤. ឃរកបោតង្គបញ្ហោ
4. Gharakapotaṅgapañho
៤. ‘‘ភន្តេ នាគសេន, ‘ឃរកបោតស្ស ឯកំ អង្គំ គហេតព្ព’ន្តិ យំ វទេសិ, កតមំ តំ ឯកំ អង្គំ គហេតព្ព’’ន្តិ? ‘‘យថា, មហារាជ, ឃរកបោតោ បរគេហេ វសមានោ ន តេសំ កិញ្ចិ ភណ្ឌស្ស និមិត្តំ គណ្ហាតិ, មជ្ឈត្តោ វសតិ សញ្ញាពហុលោ, ឯវមេវ ខោ, មហារាជ, យោគិនា យោគាវចរេន បរកុលំ ឧបគតេន តស្មិំ កុលេ ឥត្ថីនំ វា បុរិសានំ វា មញ្ចេ វា បីឋេ វា វត្ថេ វា អលង្ការេ វា ឧបភោគេ វា បរិភោគេ វា ភោជនវិកតីសុ វា ន និមិត្តំ គហេតព្ពំ, មជ្ឈត្តេន ភវិតព្ពំ, សមណសញ្ញា បច្ចុបដ្ឋបេតព្ពា។ ឥទំ, មហារាជ, ឃរកបោតស្ស ឯកំ អង្គំ គហេតព្ពំ។ ភាសិតម្បេតំ, មហារាជ, ភគវតា ទេវាតិទេវេន ចូឡនារទជាតកេ –
4. ‘‘Bhante nāgasena, ‘gharakapotassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, gharakapoto paragehe vasamāno na tesaṃ kiñci bhaṇḍassa nimittaṃ gaṇhāti, majjhatto vasati saññābahulo, evameva kho, mahārāja, yoginā yogāvacarena parakulaṃ upagatena tasmiṃ kule itthīnaṃ vā purisānaṃ vā mañce vā pīṭhe vā vatthe vā alaṅkāre vā upabhoge vā paribhoge vā bhojanavikatīsu vā na nimittaṃ gahetabbaṃ, majjhattena bhavitabbaṃ, samaṇasaññā paccupaṭṭhapetabbā. Idaṃ, mahārāja, gharakapotassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena cūḷanāradajātake –
មិតំ ខាទេ មិតំ ភុញ្ជេ, ន ច រូបេ មនំ ករេ’’’តិ។
Mitaṃ khāde mitaṃ bhuñje, na ca rūpe manaṃ kare’’’ti.
ឃរកបោតង្គបញ្ហោ ចតុត្ថោ។
Gharakapotaṅgapañho catuttho.
Footnotes:
