3. Gatasaññakattheraapadānaṃ

10.

‘‘Ākāseva padaṃ natthi, ambare anilañjase;

Siddhatthaṃ jinamaddakkhiṃ, gacchantaṃ tidivaṅgaṇe ².

11.

‘‘Anileneritaṃ disvā, sammāsambuddhacīvaraṃ;

Vitti mamāhu tāvade ⁵, disvāna gamanaṃ muniṃ ⁶.

12.

‘‘Catunnavutito kappe, yaṃ saññamalabhiṃ tadā;

Duggatiṃ nābhijānāmi, buddhasaññāyidaṃ phalaṃ.

13.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā gatasaññako thero imā gāthāyo abhāsitthāti.

Gatasaññakattherassāpadānaṃ tatiyaṃ.