| Library / Tipiṭaka / തിപിടക • Tipiṭaka / അപദാനപാളി • Apadānapāḷi |
൪. സത്തപദുമിയത്ഥേരഅപദാനം
4. Sattapadumiyattheraapadānaṃ
൧൪.
14.
‘‘നദീകൂലേ വസാമഹം, നേസാദോ നാമ ബ്രാഹ്മണോ;
‘‘Nadīkūle vasāmahaṃ, nesādo nāma brāhmaṇo;
സതപത്തേഹി പുപ്ഫേഹി, സമ്മജ്ജിത്വാന അസ്സമം.
Satapattehi pupphehi, sammajjitvāna assamaṃ.
൧൫.
15.
‘‘സുവണ്ണവണ്ണം സമ്ബുദ്ധം, സിദ്ധത്ഥം ലോകനായകം;
‘‘Suvaṇṇavaṇṇaṃ sambuddhaṃ, siddhatthaṃ lokanāyakaṃ;
൧൬.
16.
‘‘പച്ചുഗ്ഗന്ത്വാന സമ്ബുദ്ധം, ലോകജേട്ഠം നരാസഭം;
‘‘Paccuggantvāna sambuddhaṃ, lokajeṭṭhaṃ narāsabhaṃ;
അസ്സമം അതിനാമേത്വാ, ജലജഗ്ഗേഹി ഓകിരിം.
Assamaṃ atināmetvā, jalajaggehi okiriṃ.
൧൭.
17.
‘‘ചതുന്നവുതിതോ കപ്പേ, യം പുപ്ഫമഭിരോപയിം;
‘‘Catunnavutito kappe, yaṃ pupphamabhiropayiṃ;
ദുഗ്ഗതിം നാഭിജാനാമി, ബുദ്ധപൂജായിദം ഫലം.
Duggatiṃ nābhijānāmi, buddhapūjāyidaṃ phalaṃ.
൧൮.
18.
‘‘ഇതോ തേ സത്തമേ കപ്പേ, ചതുരോ പാദപാവരാ;
‘‘Ito te sattame kappe, caturo pādapāvarā;
സത്തരതനസമ്പന്നാ, ചക്കവത്തീ മഹബ്ബലാ.
Sattaratanasampannā, cakkavattī mahabbalā.
൧൯.
19.
‘‘പടിസമ്ഭിദാ ചതസ്സോ…പേ॰… കതം ബുദ്ധസ്സ സാസനം’’.
‘‘Paṭisambhidā catasso…pe… kataṃ buddhassa sāsanaṃ’’.
ഇത്ഥം സുദം ആയസ്മാ സത്തപദുമിയോ ഥേരോ ഇമാ ഗാഥായോ അഭാസിത്ഥാതി.
Itthaṃ sudaṃ āyasmā sattapadumiyo thero imā gāthāyo abhāsitthāti.
സത്തപദുമിയത്ഥേരസ്സാപദാനം ചതുത്ഥം.
Sattapadumiyattherassāpadānaṃ catutthaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / അപദാന-അട്ഠകഥാ • Apadāna-aṭṭhakathā / ൧-൧൦. ആരക്ഖദായകത്ഥേരഅപദാനാദിവണ്ണനാ • 1-10. Ārakkhadāyakattheraapadānādivaṇṇanā
