| Library / Tipiṭaka / තිපිටක • Tipiṭaka / ඛුද්දසික්ඛා-මූලසික්ඛා • Khuddasikkhā-mūlasikkhā |
2. ගරුකාපත්තිනිද්දෙසො
2. Garukāpattiniddeso
10.
10.
මොචෙතුකාමචිත්තෙන, උපක්කම්ම විමොචයං;
Mocetukāmacittena, upakkamma vimocayaṃ;
සුක්කමඤ්ඤත්ර සුපිනා, සමණො ගරුකං ඵුසෙ.
Sukkamaññatra supinā, samaṇo garukaṃ phuse.
11.
11.
කායසංසග්ගරාගෙන , මනුස්සිත්ථිං පරාමසං;
Kāyasaṃsaggarāgena , manussitthiṃ parāmasaṃ;
ඉත්ථිසඤ්ඤී උපක්කම්ම, සමණො ගරුකං ඵුසෙ.
Itthisaññī upakkamma, samaṇo garukaṃ phuse.
12.
12.
දුට්ඨුල්ලවාචස්සාදෙන, මග්ගං වාරබ්භ මෙථුනං;
Duṭṭhullavācassādena, maggaṃ vārabbha methunaṃ;
ඔභාසන්තො මනුස්සිත්ථිං, සුණමානං ගරුං ඵුසෙ.
Obhāsanto manussitthiṃ, suṇamānaṃ garuṃ phuse.
13.
13.
වණ්ණං වත්වාත්තනොකාම-පාරිචරියාය මෙථුනං;
Vaṇṇaṃ vatvāttanokāma-pāricariyāya methunaṃ;
ඉත්ථිං මෙථුනරාගෙන, යාචමානො ගරුං ඵුසෙ.
Itthiṃ methunarāgena, yācamāno garuṃ phuse.
14.
14.
සන්දෙසං පටිග්ගණ්හිත්වා, පුරිසස්සිත්ථියාපි වා;
Sandesaṃ paṭiggaṇhitvā, purisassitthiyāpi vā;
වීමංසිත්වා හරංපච්චා, සමණො ගරුකං ඵුසෙ.
Vīmaṃsitvā haraṃpaccā, samaṇo garukaṃ phuse.
15.
15.
චාවෙතුකාමො චොදෙන්තො, අමූලන්තිමවත්ථුනා;
Cāvetukāmo codento, amūlantimavatthunā;
චොදාපයං වා සමණො, සුණමානං ගරුං ඵුසෙ.
Codāpayaṃ vā samaṇo, suṇamānaṃ garuṃ phuse.
16.
16.
ලෙසමත්තං උපාදාය, අමූලන්තිමවත්ථුනා;
Lesamattaṃ upādāya, amūlantimavatthunā;
චාවෙතුකාමො චොදෙන්තො, සුණමානං ගරුං ඵුසෙති.
Cāvetukāmo codento, suṇamānaṃ garuṃ phuseti.
