| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā |
ਪਟ੍ਠਾਨਪਕਰਣ-ਮੂਲਟੀਕਾ
Paṭṭhānapakaraṇa-mūlaṭīkā
ਗਨ੍ਥਾਰਮ੍ਭવਣ੍ਣਨਾ
Ganthārambhavaṇṇanā
ਦਿਬ੍ਬਨ੍ਤਿ ਕਾਮਗੁਣਾਦੀਹਿ ਕੀਲ਼ਨ੍ਤਿ ਲਲ਼ਨ੍ਤਿ, ਤੇਸੁ વਾ વਿਹਰਨ੍ਤਿ, વਿਜਯਸਮਤ੍ਥਤਾਯੋਗੇਨ ਪਚ੍ਚਤ੍ਥਿਕੇ વਿਜੇਤੁਂ ਇਚ੍ਛਨ੍ਤਿ, ਇਸ੍ਸਰਿਯਟ੍ਠਾਨਾਦਿਸਕ੍ਕਾਰਦਾਨਗ੍ਗਹਣਂ ਤਂਤਂਅਤ੍ਥਾਨੁਸਾਸਨਞ੍ਚ ਕਰੋਨ੍ਤਾ વੋਹਰਨ੍ਤਿ, ਪੁਞ੍ਞਯੋਗਾਨੁਭਾવਪ੍ਪਤ੍ਤਾਯ ਜੁਤਿਯਾ ਜੋਤਨ੍ਤਿ, ਯਥਾਭਿਲਾਸਿਤਞ੍ਚ વਿਸਯਂ ਅਪ੍ਪਟਿਘਾਤੇਨ ਗਚ੍ਛਨ੍ਤਿ, ਯਥਿਚ੍ਛਿਤਨਿਪ੍ਫਾਦਨੇ ਸਕ੍ਕੋਨ੍ਤੀਤਿ વਾ ਦੇવਾ, ਦੇવਨੀਯਾ વਾ ਤਂਤਂਬ੍ਯਸਨਨਿਤ੍ਥਰਣਤ੍ਥਿਕੇਹਿ ਸਰਣਂ ਪਰਾਯਣਨ੍ਤਿ ਗਮਨੀਯਾ, ਅਭਿਤ੍ਥવਨੀਯਾ વਾ। ਸੋਭਾવਿਸੇਸਯੋਗੇਨ ਕਮਨੀਯਾਤਿ વਾ ਦੇવਾ। ਤੇ ਤਿવਿਧਾ – ਸਮ੍ਮੁਤਿਦੇવਾ ਉਪਪਤ੍ਤਿਦੇવਾ વਿਸੁਦ੍ਧਿਦੇવਾਤਿ। ਭਗવਾ ਪਨ ਨਿਰਤਿਸਯਾਯ ਅਭਿਞ੍ਞਾਕੀਲ਼ਾਯ, ਉਤ੍ਤਮੇਹਿ ਦਿਬ੍ਬਬ੍ਰਹ੍ਮਅਰਿਯવਿਹਾਰੇਹਿ, ਸਪਰਸਨ੍ਤਾਨਸਿਦ੍ਧਾਯ ਪਞ੍ਚવਿਧਮਾਰવਿਜਯਿਚ੍ਛਾਨਿਪ੍ਫਤ੍ਤਿਯਾ, ਚਿਤ੍ਤਿਸ੍ਸਰਿਯਸਤ੍ਤਧਨਾਦਿਸਮ੍ਮਾਪਟਿਪਤ੍ਤਿਅવੇਚ੍ਚਪ੍ਪਸਾਦਸਕ੍ਕਾਰਦਾਨਗ੍ਗਹਣਸਙ੍ਖਾਤੇਨ ਧਮ੍ਮਸਭਾવਪੁਗ੍ਗਲਜ੍ਝਾਸਯਾਨੁਰੂਪਾਨੁਸਾਸਨੀਸਙ੍ਖਾਤੇਨ ਚ વੋਹਾਰਾਤਿਸਯੇਨ, ਪਰਮਾਯ ਪਞ੍ਞਾਸਰੀਰਪ੍ਪਭਾਸਙ੍ਖਾਤਾਯ ਜੁਤਿਯਾ, ਅਨੋਪਮਾਯ ਚ ਞਾਣਸਰੀਰਗਤਿਯਾ, ਮਾਰવਿਜਯਸਬ੍ਬਞ੍ਞੁਗੁਣਪਰਹਿਤਨਿਪ੍ਫਾਦਨੇਸੁ ਅਪ੍ਪਟਿਹਤਾਯ ਸਤ੍ਤਿਯਾ ਚ ਸਮਨ੍ਨਾਗਤਤ੍ਤਾ ਸਦੇવਕੇਨ ਲੋਕੇਨ ਸਰਣਨ੍ਤਿ ਗਮਨੀਯਤੋ, ਅਭਿਤ੍ਥવਨੀਯਤੋ, ਭਤ੍ਤਿવਸੇਨ ਕਮਨੀਯਤੋ ਚ ਸਬ੍ਬੇ ਤੇ ਦੇવੇ ਤੇਹਿ ਗੁਣੇਹਿ ਅਤਿਕ੍ਕਨ੍ਤੋ ਅਤਿਸਯੋ વਾ ਦੇવੋਤਿ ਦੇવਾਤਿਦੇવੋ। ਸਬ੍ਬਦੇવੇਹਿ ਪੂਜਨੀਯਤਰੋ ਦੇવੋਤਿ વਾ ਦੇવਾਤਿਦੇવੋ, વਿਸੁਦ੍ਧਿਦੇવਭਾવਂ વਾ ਸਬ੍ਬਞ੍ਞੁਗੁਣਾਲਙ੍ਕਾਰਂ ਪਤ੍ਤਤ੍ਤਾ ਅਞ੍ਞਦੇવੇਹਿ ਅਤਿਰੇਕਤਰੋ વਾ ਦੇવੋ ਦੇવਾਤਿਦੇવੋ। ਦੇવਾਨਨ੍ਤਿ ਉਪਪਤ੍ਤਿਦੇવਾਨਂ ਤਦਾ ਧਮ੍ਮਪਟਿਗ੍ਗਾਹਕਾਨਂ। ਸਕ੍ਕਾਦੀਹਿ ਦੇવੇਹਿ ਪਹਾਰਾਦਅਸੁਰਿਨ੍ਦਾਦੀਹਿ ਦਾਨવੇਹਿ ਚ ਪੂਜਿਤੋ। ਕਾਯવਚੀਸਂਯਮਸ੍ਸ ਸੀਲਸ੍ਸ ਇਨ੍ਦ੍ਰਿਯਸਂવਰਸ੍ਸ ਚਿਤ੍ਤਸਂਯਮਸ੍ਸ ਸਮਾਧਿਸ੍ਸ ਚ ਪਟਿਪਕ੍ਖਾਨਂ ਅਚ੍ਚਨ੍ਤਪਟਿਪ੍ਪਸ੍ਸਦ੍ਧਿਯਾ ਸੁਦ੍ਧਸਂਯਮੋ।
Dibbanti kāmaguṇādīhi kīḷanti laḷanti, tesu vā viharanti, vijayasamatthatāyogena paccatthike vijetuṃ icchanti, issariyaṭṭhānādisakkāradānaggahaṇaṃ taṃtaṃatthānusāsanañca karontā voharanti, puññayogānubhāvappattāya jutiyā jotanti, yathābhilāsitañca visayaṃ appaṭighātena gacchanti, yathicchitanipphādane sakkontīti vā devā, devanīyā vā taṃtaṃbyasananittharaṇatthikehi saraṇaṃ parāyaṇanti gamanīyā, abhitthavanīyā vā. Sobhāvisesayogena kamanīyāti vā devā. Te tividhā – sammutidevā upapattidevā visuddhidevāti. Bhagavā pana niratisayāya abhiññākīḷāya, uttamehi dibbabrahmaariyavihārehi, saparasantānasiddhāya pañcavidhamāravijayicchānipphattiyā, cittissariyasattadhanādisammāpaṭipattiaveccappasādasakkāradānaggahaṇasaṅkhātena dhammasabhāvapuggalajjhāsayānurūpānusāsanīsaṅkhātena ca vohārātisayena, paramāya paññāsarīrappabhāsaṅkhātāya jutiyā, anopamāya ca ñāṇasarīragatiyā, māravijayasabbaññuguṇaparahitanipphādanesu appaṭihatāya sattiyā ca samannāgatattā sadevakena lokena saraṇanti gamanīyato, abhitthavanīyato, bhattivasena kamanīyato ca sabbe te deve tehi guṇehi atikkanto atisayo vā devoti devātidevo. Sabbadevehi pūjanīyataro devoti vā devātidevo, visuddhidevabhāvaṃ vā sabbaññuguṇālaṅkāraṃ pattattā aññadevehi atirekataro vā devo devātidevo. Devānanti upapattidevānaṃ tadā dhammapaṭiggāhakānaṃ. Sakkādīhi devehi pahārādaasurindādīhi dānavehi ca pūjito. Kāyavacīsaṃyamassa sīlassa indriyasaṃvarassa cittasaṃyamassa samādhissa ca paṭipakkhānaṃ accantapaṭippassaddhiyā suddhasaṃyamo.
ਇਸਿਸਤ੍ਤਮੋਤਿ ਚਤੁਸਚ੍ਚਾવਬੋਧਗਤਿਯਾ ਇਸਯੋਤਿ ਸਙ੍ਖ੍ਯਂ ਗਤਾਨਂ ਸਤਂ ਪਸਤ੍ਥਾਨਂ ਇਸੀਨਂ ਅਤਿਸਯੇਨ ਸਨ੍ਤੋ ਪਸਤ੍ਥੋਤਿ ਅਤ੍ਥੋ। વਿਪਸ੍ਸੀਆਦਯੋ ਚ ਉਪਾਦਾਯ ਭਗવਾ ‘‘ਸਤ੍ਤਮੋ’’ਤਿ વੁਤ੍ਤੋ। ਯਤੋ વਿਞ੍ਞਾਣਂ ਪਚ੍ਚੁਦਾવਤ੍ਤਤਿ, ਤਂ ਨਾਮਰੂਪਂ ਸਮੁਦਯਨਿਰੋਧਨੇਨ ਨਿਰੋਧੇਸੀਤਿ ਨਾਮਰੂਪਨਿਰੋਧਨੋ। ਅਤਿਗਮ੍ਭੀਰਨਯਮਣ੍ਡਿਤਦੇਸਨਂ ਪਟ੍ਠਾਨਂ ਨਾਮ ਦੇਸੇਸਿ ਪਕਰਣਨ੍ਤਿ ਸਮ੍ਬਨ੍ਧੋ।
Isisattamoti catusaccāvabodhagatiyā isayoti saṅkhyaṃ gatānaṃ sataṃ pasatthānaṃ isīnaṃ atisayena santo pasatthoti attho. Vipassīādayo ca upādāya bhagavā ‘‘sattamo’’ti vutto. Yato viññāṇaṃ paccudāvattati, taṃ nāmarūpaṃ samudayanirodhanena nirodhesīti nāmarūpanirodhano. Atigambhīranayamaṇḍitadesanaṃ paṭṭhānaṃ nāma desesi pakaraṇanti sambandho.
ਗਨ੍ਥਾਰਮ੍ਭવਣ੍ਣਨਾ ਨਿਟ੍ਠਿਤਾ।
Ganthārambhavaṇṇanā niṭṭhitā.
