| Library / Tipiṭaka / തിപിടക • Tipiṭaka / വിനയവിനിച്ഛയ-ഉത്തരവിനിച്ഛയ • Vinayavinicchaya-uttaravinicchaya |
നമോ തസ്സ ഭഗവതോ അരഹതോ സമ്മാസമ്ബുദ്ധസ്സ
Namo tassa bhagavato arahato sammāsambuddhassa
വിനയവിനിച്ഛയോ
Vinayavinicchayo
ഗന്ഥാരമ്ഭകഥാ
Ganthārambhakathā
൧.
1.
വന്ദിത്വാ സിരസാ സേട്ഠം, ബുദ്ധമപ്പടിപുഗ്ഗലം;
Vanditvā sirasā seṭṭhaṃ, buddhamappaṭipuggalaṃ;
ഭവാഭാവകരം ധമ്മം, ഗണഞ്ചേവ നിരങ്ഗണം.
Bhavābhāvakaraṃ dhammaṃ, gaṇañceva niraṅgaṇaṃ.
൨.
2.
ഭിക്ഖൂനം ഭിക്ഖുനീനഞ്ച, ഹിതത്ഥായ സമാഹിതോ;
Bhikkhūnaṃ bhikkhunīnañca, hitatthāya samāhito;
പവക്ഖാമി സമാസേന, വിനയസ്സവിനിച്ഛയം.
Pavakkhāmi samāsena, vinayassavinicchayaṃ.
൩.
3.
അനാകുലമസംകിണ്ണം, മധുരത്ഥപദക്കമം;
Anākulamasaṃkiṇṇaṃ, madhuratthapadakkamaṃ;
പടുഭാവകരം ഏതം, പരമം വിനയക്കമേ.
Paṭubhāvakaraṃ etaṃ, paramaṃ vinayakkame.
൪.
4.
അപാരം ഓതരന്താനം, സാരം വിനയസാഗരം;
Apāraṃ otarantānaṃ, sāraṃ vinayasāgaraṃ;
ഭിക്ഖൂനം ഭിക്ഖുനീനഞ്ച, നാവാഭൂതം മനോരമം.
Bhikkhūnaṃ bhikkhunīnañca, nāvābhūtaṃ manoramaṃ.
൫.
5.
തസ്മാ വിനയനൂപായം, വിനയസ്സവിനിച്ഛയം;
Tasmā vinayanūpāyaṃ, vinayassavinicchayaṃ;
അവിക്ഖിത്തേന ചിത്തേന, വദതോ മേ നിബോധഥ.
Avikkhittena cittena, vadato me nibodhatha.
