| Library / Tipiṭaka / ਤਿਪਿਟਕ • Tipiṭaka / ਸੁਤ੍ਤਨਿਪਾਤ-ਅਟ੍ਠਕਥਾ • Suttanipāta-aṭṭhakathā |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਖੁਦ੍ਦਕਨਿਕਾਯੇ
Khuddakanikāye
ਸੁਤ੍ਤਨਿਪਾਤ-ਅਟ੍ਠਕਥਾ
Suttanipāta-aṭṭhakathā
(ਪਠਮੋ ਭਾਗੋ)
(Paṭhamo bhāgo)
ਗਨ੍ਥਾਰਮ੍ਭਕਥਾ
Ganthārambhakathā
ਉਤ੍ਤਮਂ વਨ੍ਦਨੇਯ੍ਯਾਨਂ, વਨ੍ਦਿਤ੍વਾ ਰਤਨਤ੍ਤਯਂ।
Uttamaṃ vandaneyyānaṃ, vanditvā ratanattayaṃ;
ਯੋ ਖੁਦ੍ਦਕਨਿਕਾਯਮ੍ਹਿ, ਖੁਦ੍ਦਾਚਾਰਪ੍ਪਹਾਯਿਨਾ॥
Yo khuddakanikāyamhi, khuddācārappahāyinā.
ਦੇਸਿਤੋ ਲੋਕਨਾਥੇਨ, ਲੋਕਨਿਸ੍ਸਰਣੇਸਿਨਾ।
Desito lokanāthena, lokanissaraṇesinā;
ਤਸ੍ਸ ਸੁਤ੍ਤਨਿਪਾਤਸ੍ਸ, ਕਰਿਸ੍ਸਾਮਤ੍ਥવਣ੍ਣਨਂ॥
Tassa suttanipātassa, karissāmatthavaṇṇanaṃ.
ਅਯਂ ਸੁਤ੍ਤਨਿਪਾਤੋ ਚ, ਖੁਦ੍ਦਕੇਸ੍વੇવ ਓਗਧੋ।
Ayaṃ suttanipāto ca, khuddakesveva ogadho;
ਯਸ੍ਮਾ ਤਸ੍ਮਾ ਇਮਸ੍ਸਾਪਿ, ਕਰਿਸ੍ਸਾਮਤ੍ਥવਣ੍ਣਨਂ॥
Yasmā tasmā imassāpi, karissāmatthavaṇṇanaṃ.
ਗਾਥਾਸਤਸਮਾਕਿਣ੍ਣੋ, ਗੇਯ੍ਯਬ੍ਯਾਕਰਣਙ੍ਕਿਤੋ।
Gāthāsatasamākiṇṇo, geyyabyākaraṇaṅkito;
ਕਸ੍ਮਾ ਸੁਤ੍ਤਨਿਪਾਤੋਤਿ, ਸਙ੍ਖਮੇਸ ਗਤੋਤਿ ਚੇ॥
Kasmā suttanipātoti, saṅkhamesa gatoti ce.
ਸੁવੁਤ੍ਤਤੋ ਸવਨਤੋ, ਅਤ੍ਥਾਨਂ ਸੁਟ੍ਠੁ ਤਾਣਤੋ।
Suvuttato savanato, atthānaṃ suṭṭhu tāṇato;
ਸੂਚਨਾ ਸੂਦਨਾ ਚੇવ, ਯਸ੍ਮਾ ਸੁਤ੍ਤਂ ਪવੁਚ੍ਚਤਿ॥
Sūcanā sūdanā ceva, yasmā suttaṃ pavuccati.
ਤਥਾਰੂਪਾਨਿ ਸੁਤ੍ਤਾਨਿ, ਨਿਪਾਤੇਤ੍વਾ ਤਤੋ ਤਤੋ।
Tathārūpāni suttāni, nipātetvā tato tato;
ਸਮੂਹਤੋ ਅਯਂ ਤਸ੍ਮਾ, ਸਙ੍ਖਮੇવਮੁਪਾਗਤੋ॥
Samūhato ayaṃ tasmā, saṅkhamevamupāgato.
ਸਬ੍ਬਾਨਿ ਚਾਪਿ ਸੁਤ੍ਤਾਨਿ, ਪਮਾਣਨ੍ਤੇਨ ਤਾਦਿਨੋ।
Sabbāni cāpi suttāni, pamāṇantena tādino;
વਚਨਾਨਿ ਅਯਂ ਤੇਸਂ, ਨਿਪਾਤੋ ਚ ਯਤੋ ਤਤੋ॥
Vacanāni ayaṃ tesaṃ, nipāto ca yato tato.
ਅਞ੍ਞਸਙ੍ਖਾਨਿਮਿਤ੍ਤਾਨਂ, વਿਸੇਸਾਨਮਭਾવਤੋ।
Aññasaṅkhānimittānaṃ, visesānamabhāvato;
ਸਙ੍ਖਂ ਸੁਤ੍ਤਨਿਪਾਤੋਤਿ, ਏવਮੇવ ਸਮਜ੍ਝਗਾਤਿ॥
Saṅkhaṃ suttanipātoti, evameva samajjhagāti.
