| Library / Tipiṭaka / ತಿಪಿಟಕ • Tipiṭaka / ಖುದ್ದಸಿಕ್ಖಾ-ಮೂಲಸಿಕ್ಖಾ • Khuddasikkhā-mūlasikkhā |
॥ ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ॥
Namo tassa bhagavato arahato sammāsambuddhassa
ಖುದ್ದಸಿಕ್ಖಾ-ಮೂಲಸಿಕ್ಖಾ
Khuddasikkhā-mūlasikkhā
ಖುದ್ದಸಿಕ್ಖಾ
Khuddasikkhā
ಗನ್ಥಾರಮ್ಭಕಥಾ
Ganthārambhakathā
(ಕ)
(Ka)
ಆದಿತೋ ಉಪಸಮ್ಪನ್ನ-ಸಿಕ್ಖಿತಬ್ಬಂ ಸಮಾತಿಕಂ।
Ādito upasampanna-sikkhitabbaṃ samātikaṃ;
ಖುದ್ದಸಿಕ್ಖಂ ಪವಕ್ಖಾಮಿ, ವನ್ದಿತ್ವಾ ರತನತ್ತಯಂ॥
Khuddasikkhaṃ pavakkhāmi, vanditvā ratanattayaṃ.
ತತ್ರಾಯಂ ಮಾತಿಕಾ –
Tatrāyaṃ mātikā –
(ಖ)
(Kha)
ಪಾರಾಜಿಕಾ ಚ ಚತ್ತಾರೋ, ಗರುಕಾ ನವ ಚೀವರಂ।
Pārājikā ca cattāro, garukā nava cīvaraṃ;
ರಜನಾನಿ ಚ ಪತ್ತೋ ಚ, ಥಾಲಕಾ ಚ ಪವಾರಣಾ॥
Rajanāni ca patto ca, thālakā ca pavāraṇā.
(ಗ)
(Ga)
ಕಾಲಿಕಾ ಚ ಪಟಿಗ್ಗಾಹೋ, ಮಂಸೇಸು ಚ ಅಕಪ್ಪಿಯಂ।
Kālikā ca paṭiggāho, maṃsesu ca akappiyaṃ;
ನಿಸ್ಸಗ್ಗಿಯಾನಿ ಪಾಚಿತ್ತಿ, ಸಮಣಕಪ್ಪ ಭೂಮಿಯೋ॥
Nissaggiyāni pācitti, samaṇakappa bhūmiyo.
(ಘ)
(Gha)
ಉಪಜ್ಝಾಚರಿಯವತ್ತಾನಿ, ವಚ್ಚಪ್ಪಸ್ಸಾವಠಾನಿಕಂ।
Upajjhācariyavattāni, vaccappassāvaṭhānikaṃ;
ಆಪುಚ್ಛಕರಣಂ ನಗ್ಗೋ, ನ್ಹಾನಕಪ್ಪೋ ಅವನ್ದಿಯೋ॥
Āpucchakaraṇaṃ naggo, nhānakappo avandiyo.
(ಙ)
(Ṅa)
ಚಮ್ಮಂ ಉಪಾಹನಾ ಚೇವ, ಅನೋಲೋಕಿಯಮಞ್ಜನೀ।
Cammaṃ upāhanā ceva, anolokiyamañjanī;
ಅಕಪ್ಪಿಯಸಯನಾನಿ, ಸಮಾನಾಸನಿಕೋಪಿ ಚ॥
Akappiyasayanāni, samānāsanikopi ca.
(ಚ)
(Ca)
ಅಸಂವಾಸಿಕೋ ಚ ಕಮ್ಮಂ, ಮಿಚ್ಛಾಜೀವವಿವಜ್ಜನಾ।
Asaṃvāsiko ca kammaṃ, micchājīvavivajjanā;
ವತ್ತಂ ವಿಕಪ್ಪನಾ ಚೇವ, ನಿಸ್ಸಯೋ ಕಾಯಬನ್ಧನಂ॥
Vattaṃ vikappanā ceva, nissayo kāyabandhanaṃ.
(ಛ)
(Cha)
ಪಥವೀ ಚ ಪರಿಕ್ಖಾರೋ, ಭೇಸಜ್ಜುಗ್ಗಹದೂಸನಂ।
Pathavī ca parikkhāro, bhesajjuggahadūsanaṃ;
ವಸ್ಸೂಪನಾಯಿಕಾ ಚೇವಾವೇಭಙ್ಗಿಯಂ ಪಕಿಣ್ಣಕಂ॥
Vassūpanāyikā cevāvebhaṅgiyaṃ pakiṇṇakaṃ.
(ಜ)
(Ja)
ದೇಸನಾ ಛನ್ದದಾನಾದಿ, ಉಪೋಸಥಪ್ಪವಾರಣಾ।
Desanā chandadānādi, uposathappavāraṇā;
ಸಂವರೋ ಸುದ್ಧಿ ಸನ್ತೋಸೋ, ಚತುರಕ್ಖಾ ವಿಪಸ್ಸನಾತಿ॥
Saṃvaro suddhi santoso, caturakkhā vipassanāti.
