| Library / Tipiṭaka / តិបិដក • Tipiṭaka / វិនយវិនិច្ឆយ-ឧត្តរវិនិច្ឆយ • Vinayavinicchaya-uttaravinicchaya |
។ នមោ តស្ស ភគវតោ អរហតោ សម្មាសម្ពុទ្ធស្ស។
Namo tassa bhagavato arahato sammāsambuddhassa
ឧត្តរវិនិច្ឆយោ
Uttaravinicchayo
គន្ថារម្ភកថា
Ganthārambhakathā
១.
1.
សព្ពសត្តុត្តមំ ធីរំ, វន្ទិត្វា សិរសា ជិនំ;
Sabbasattuttamaṃ dhīraṃ, vanditvā sirasā jinaṃ;
ធម្មញ្ចាធម្មវិទ្ធំសំ, គណមង្គណនាសនំ។
Dhammañcādhammaviddhaṃsaṃ, gaṇamaṅgaṇanāsanaṃ.
២.
2.
យោ មយា រចិតោ សារោ, វិនយស្ស វិនិច្ឆយោ;
Yo mayā racito sāro, vinayassa vinicchayo;
តស្ស ទានិ ករិស្សាមិ, សព្ពានុត្តរមុត្តរំ។
Tassa dāni karissāmi, sabbānuttaramuttaraṃ.
៣.
3.
ភណតោ បឋតោ បយុញ្ជតោ;
Bhaṇato paṭhato payuñjato;
សុណតោ ចិន្តយតោ បនុត្តរំ;
Suṇato cintayato panuttaraṃ;
បរមំ អពុទ្ធ ពុទ្ធិវឌ្ឍនំ;
Paramaṃ abuddha buddhivaḍḍhanaṃ;
វទតោ មេ និរតា និពោធថ។
Vadato me niratā nibodhatha.
