| Library / Tipiṭaka / តិបិដក • Tipiṭaka / វិនយវិនិច្ឆយ-ឧត្តរវិនិច្ឆយ • Vinayavinicchaya-uttaravinicchaya |
។ នមោ តស្ស ភគវតោ អរហតោ សម្មាសម្ពុទ្ធស្ស។
Namo tassa bhagavato arahato sammāsambuddhassa
វិនយវិនិច្ឆយោ
Vinayavinicchayo
គន្ថារម្ភកថា
Ganthārambhakathā
១.
1.
វន្ទិត្វា សិរសា សេដ្ឋំ, ពុទ្ធមប្បដិបុគ្គលំ;
Vanditvā sirasā seṭṭhaṃ, buddhamappaṭipuggalaṃ;
ភវាភាវករំ ធម្មំ, គណញ្ចេវ និរង្គណំ។
Bhavābhāvakaraṃ dhammaṃ, gaṇañceva niraṅgaṇaṃ.
២.
2.
ភិក្ខូនំ ភិក្ខុនីនញ្ច, ហិតត្ថាយ សមាហិតោ;
Bhikkhūnaṃ bhikkhunīnañca, hitatthāya samāhito;
បវក្ខាមិ សមាសេន, វិនយស្សវិនិច្ឆយំ។
Pavakkhāmi samāsena, vinayassavinicchayaṃ.
៣.
3.
អនាកុលមសំកិណ្ណំ, មធុរត្ថបទក្កមំ;
Anākulamasaṃkiṇṇaṃ, madhuratthapadakkamaṃ;
បដុភាវករំ ឯតំ, បរមំ វិនយក្កមេ។
Paṭubhāvakaraṃ etaṃ, paramaṃ vinayakkame.
៤.
4.
អបារំ ឱតរន្តានំ, សារំ វិនយសាគរំ;
Apāraṃ otarantānaṃ, sāraṃ vinayasāgaraṃ;
ភិក្ខូនំ ភិក្ខុនីនញ្ច, នាវាភូតំ មនោរមំ។
Bhikkhūnaṃ bhikkhunīnañca, nāvābhūtaṃ manoramaṃ.
៥.
5.
តស្មា វិនយនូបាយំ, វិនយស្សវិនិច្ឆយំ;
Tasmā vinayanūpāyaṃ, vinayassavinicchayaṃ;
អវិក្ខិត្តេន ចិត្តេន, វទតោ មេ និពោធថ។
Avikkhittena cittena, vadato me nibodhatha.
