| Library / Tipiṭaka / ติปิฎก • Tipiṭaka / วินยวินิจฺฉย-อุตฺตรวินิจฺฉย • Vinayavinicchaya-uttaravinicchaya |
ฯ นโม ตสฺส ภควโต อรหโต สมฺมาสมฺพุทฺธสฺสฯ
Namo tassa bhagavato arahato sammāsambuddhassa
วินยวินิจฺฉโย
Vinayavinicchayo
คนฺถารมฺภกถา
Ganthārambhakathā
๑.
1.
วนฺทิตฺวา สิรสา เสฎฺฐํ, พุทฺธมปฺปฎิปุคฺคลํ;
Vanditvā sirasā seṭṭhaṃ, buddhamappaṭipuggalaṃ;
ภวาภาวกรํ ธมฺมํ, คณเญฺจว นิรงฺคณํฯ
Bhavābhāvakaraṃ dhammaṃ, gaṇañceva niraṅgaṇaṃ.
๒.
2.
ภิกฺขูนํ ภิกฺขุนีนญฺจ, หิตตฺถาย สมาหิโต;
Bhikkhūnaṃ bhikkhunīnañca, hitatthāya samāhito;
ปวกฺขามิ สมาเสน, วินยสฺสวินิจฺฉยํฯ
Pavakkhāmi samāsena, vinayassavinicchayaṃ.
๓.
3.
อนากุลมสํกิณฺณํ, มธุรตฺถปทกฺกมํ;
Anākulamasaṃkiṇṇaṃ, madhuratthapadakkamaṃ;
ปฎุภาวกรํ เอตํ, ปรมํ วินยกฺกเมฯ
Paṭubhāvakaraṃ etaṃ, paramaṃ vinayakkame.
๔.
4.
อปารํ โอตรนฺตานํ, สารํ วินยสาครํ;
Apāraṃ otarantānaṃ, sāraṃ vinayasāgaraṃ;
ภิกฺขูนํ ภิกฺขุนีนญฺจ, นาวาภูตํ มโนรมํฯ
Bhikkhūnaṃ bhikkhunīnañca, nāvābhūtaṃ manoramaṃ.
๕.
5.
ตสฺมา วินยนูปายํ, วินยสฺสวินิจฺฉยํ;
Tasmā vinayanūpāyaṃ, vinayassavinicchayaṃ;
อวิกฺขิเตฺตน จิเตฺตน, วทโต เม นิโพธถฯ
Avikkhittena cittena, vadato me nibodhatha.
