| Library / Tipiṭaka / ติปิฎก • Tipiṭaka / ขุทฺทสิกฺขา-มูลสิกฺขา • Khuddasikkhā-mūlasikkhā |
ฯ นโม ตสฺส ภควโต อรหโต สมฺมาสมฺพุทฺธสฺสฯ
Namo tassa bhagavato arahato sammāsambuddhassa
ขุทฺทสิกฺขา-มูลสิกฺขา
Khuddasikkhā-mūlasikkhā
ขุทฺทสิกฺขา
Khuddasikkhā
คนฺถารมฺภกถา
Ganthārambhakathā
(ก)
(Ka)
อาทิโต อุปสมฺปนฺน-สิกฺขิตพฺพํ สมาติกํ;
Ādito upasampanna-sikkhitabbaṃ samātikaṃ;
ขุทฺทสิกฺขํ ปวกฺขามิ, วนฺทิตฺวา รตนตฺตยํฯ
Khuddasikkhaṃ pavakkhāmi, vanditvā ratanattayaṃ.
ตตฺรายํ มาติกา –
Tatrāyaṃ mātikā –
(ข)
(Kha)
ปาราชิกา จ จตฺตาโร, ครุกา นว จีวรํ;
Pārājikā ca cattāro, garukā nava cīvaraṃ;
รชนานิ จ ปโตฺต จ, ถาลกา จ ปวารณาฯ
Rajanāni ca patto ca, thālakā ca pavāraṇā.
(ค)
(Ga)
กาลิกา จ ปฎิคฺคาโห, มํเสสุ จ อกปฺปิยํ;
Kālikā ca paṭiggāho, maṃsesu ca akappiyaṃ;
นิสฺสคฺคิยานิ ปาจิตฺติ, สมณกปฺป ภูมิโยฯ
Nissaggiyāni pācitti, samaṇakappa bhūmiyo.
(ฆ)
(Gha)
อุปชฺฌาจริยวตฺตานิ, วจฺจปฺปสฺสาวฐานิกํ;
Upajjhācariyavattāni, vaccappassāvaṭhānikaṃ;
อาปุจฺฉกรณํ นโคฺค, นฺหานกโปฺป อวนฺทิโยฯ
Āpucchakaraṇaṃ naggo, nhānakappo avandiyo.
(ง)
(Ṅa)
จมฺมํ อุปาหนา เจว, อโนโลกิยมญฺชนี;
Cammaṃ upāhanā ceva, anolokiyamañjanī;
อกปฺปิยสยนานิ, สมานาสนิโกปิ จฯ
Akappiyasayanāni, samānāsanikopi ca.
(จ)
(Ca)
อสํวาสิโก จ กมฺมํ, มิจฺฉาชีววิวชฺชนา;
Asaṃvāsiko ca kammaṃ, micchājīvavivajjanā;
วตฺตํ วิกปฺปนา เจว, นิสฺสโย กายพนฺธนํฯ
Vattaṃ vikappanā ceva, nissayo kāyabandhanaṃ.
(ฉ)
(Cha)
ปถวี จ ปริกฺขาโร, เภสชฺชุคฺคหทูสนํ;
Pathavī ca parikkhāro, bhesajjuggahadūsanaṃ;
วสฺสูปนายิกา เจวาเวภงฺคิยํ ปกิณฺณกํฯ
Vassūpanāyikā cevāvebhaṅgiyaṃ pakiṇṇakaṃ.
(ช)
(Ja)
เทสนา ฉนฺททานาทิ, อุโปสถปฺปวารณา;
Desanā chandadānādi, uposathappavāraṇā;
สํวโร สุทฺธิ สโนฺตโส, จตุรกฺขา วิปสฺสนาติฯ
Saṃvaro suddhi santoso, caturakkhā vipassanāti.
