| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
абхид̇хаммабидагз
Abhidhammapiṭake
адтасаалиний наама
Aṭṭhasālinī nāma
д̇хаммасан̇г̇ан̣ий-адтагат̇аа
Dhammasaṅgaṇī-aṭṭhakathā
г̇ант̇аарамбхагат̇аа
Ganthārambhakathā
гарун̣аа вияа сад̇д̇зсу, бан̃н̃аа яасса махзсино;
Karuṇā viya sattesu, paññā yassa mahesino;
н̃зяяад̇хаммзсу саб̣б̣зсу, бавад̇д̇ид̇т̇а яат̇ааружи.
Ñeyyadhammesu sabbesu, pavattittha yathāruci.
д̣̇аяааяа д̇ааяа сад̇д̇зсу, самуссаахид̇амаанасо;
Dayāya tāya sattesu, samussāhitamānaso;
баадихийраавасаанамхи, васанд̇о д̇ид̣̇асаалаяз.
Pāṭihīrāvasānamhi, vasanto tidasālaye.
баарижчад̇д̇агамууламхи, бан̣д̣угамб̣аланаамагз;
Pāricchattakamūlamhi, paṇḍukambalanāmake;
силаасанз саннисинно, аад̣̇ижжова яуг̇анд̇харз.
Silāsane sannisinno, ādiccova yugandhare.
жаггаваал̣асахассзхи, д̣̇асахааг̇амма саб̣б̣асо;
Cakkavāḷasahassehi, dasahāgamma sabbaso;
саннисиннзна д̣̇зваанам̣, г̇ан̣зна бариваарид̇о.
Sannisinnena devānaṃ, gaṇena parivārito.
маад̇арам̣ бамукам̣ гад̇ваа, д̇ассаа бан̃н̃ааяа д̇зж̇асаа;
Mātaraṃ pamukhaṃ katvā, tassā paññāya tejasā;
абхид̇хаммагат̇аамаг̇г̇ам̣, д̣̇зваанам̣ самбавад̇д̇аяи.
Abhidhammakathāmaggaṃ, devānaṃ sampavattayi.
д̇асса баад̣̇з намассид̇ваа, самб̣уд̣̇д̇хасса сириймад̇о;
Tassa pāde namassitvā, sambuddhassa sirīmato;
сад̣̇д̇хамман̃жасса бууж̇зд̇ваа, гад̇ваа сан̇гхасса жан̃ж̇алим̣.
Saddhammañcassa pūjetvā, katvā saṅghassa cañjaliṃ.
нибажжагаарассзд̇асса, гад̇асса рад̇анад̇д̇аяз;
Nipaccakārassetassa, katassa ratanattaye;
аанубхаавзна сосзд̇ваа, анд̇арааяз асзсад̇о.
Ānubhāvena sosetvā, antarāye asesato.
висуд̣̇д̇хаажаарасийлзна, нибун̣аамалаб̣уд̣̇д̇хинаа;
Visuddhācārasīlena, nipuṇāmalabuddhinā;
бхигкунаа б̣уд̣̇д̇хагхосзна, саггажжам̣ абхияаажид̇о.
Bhikkhunā buddhaghosena, sakkaccaṃ abhiyācito.
яам̣ д̣̇звад̣̇зво д̣̇зваанам̣, д̣̇зсзд̇ваа наяад̇о буна;
Yaṃ devadevo devānaṃ, desetvā nayato puna;
т̇зрасса саарибуд̇д̇асса, самаажигки винааяаго.
Therassa sāriputtassa, samācikkhi vināyako.
анод̇ад̇д̇ад̣̇ахз гад̇ваа, убадтаанам̣ махзсино;
Anotattadahe katvā, upaṭṭhānaṃ mahesino;
яан̃жа суд̇ваана со т̇зро, аахарид̇ваа махийд̇алам̣.
Yañca sutvāna so thero, āharitvā mahītalaṃ.
бхигкуунам̣ баяируд̣̇аахааси, ид̇и бхигкуухи д̇хаарид̇о;
Bhikkhūnaṃ payirudāhāsi, iti bhikkhūhi dhārito;
сан̇г̇ийд̇игаалз сан̇г̇ийд̇о, взд̣̇зхамунинаа буна.
Saṅgītikāle saṅgīto, vedehamuninā puna.
д̇асса г̇амбхийран̃аан̣зхи, ог̇аал̣хасса абхин̣хасо;
Tassa gambhīrañāṇehi, ogāḷhassa abhiṇhaso;
наанаанаяавижид̇д̇асса, абхид̇хаммасса аад̣̇ид̇о.
Nānānayavicittassa, abhidhammassa ādito.
яаа махаагассабаад̣̇ийхи, васийхидтагат̇аа бураа;
Yā mahākassapādīhi, vasīhiṭṭhakathā purā;
сан̇г̇ийд̇аа анусан̇г̇ийд̇аа, бажчааби жа исийхи яаа.
Saṅgītā anusaṅgītā, pacchāpi ca isīhi yā.
аабхад̇аа бана т̇зрзна, махинд̣̇знзд̇амуд̇д̇амам̣;
Ābhatā pana therena, mahindenetamuttamaṃ;
яаа д̣̇ийбам̣ д̣̇ийбаваасийнам̣, бхаасааяа абхисан̇кад̇аа.
Yā dīpaṃ dīpavāsīnaṃ, bhāsāya abhisaṅkhatā.
абанзд̇ваа д̇ад̇о бхаасам̣, д̇амб̣абан̣н̣иниваасинам̣;
Apanetvā tato bhāsaṃ, tambapaṇṇinivāsinaṃ;
ааробаяид̇ваа нид̣̇д̣̇осам̣, бхаасам̣ д̇анд̇инаяаануг̇ам̣.
Āropayitvā niddosaṃ, bhāsaṃ tantinayānugaṃ.
нигааяанд̇аралад̣̇д̇хийхи, асаммиссам̣ анаагулам̣;
Nikāyantaraladdhīhi, asammissaṃ anākulaṃ;
махаавихаараваасийнам̣, д̣̇ийбаяанд̇о винижчаяам̣.
Mahāvihāravāsīnaṃ, dīpayanto vinicchayaṃ.
ад̇т̇ам̣ багаасаяиссаами, ааг̇амадтагат̇аасуби;
Atthaṃ pakāsayissāmi, āgamaṭṭhakathāsupi;
г̇ахзд̇аб̣б̣ам̣ г̇ахзд̇ваана, д̇осаяанд̇о вижагкан̣з.
Gahetabbaṃ gahetvāna, tosayanto vicakkhaṇe.
гаммадтаанаани саб̣б̣аани, жарияаабхин̃н̃аа вибассанаа;
Kammaṭṭhānāni sabbāni, cariyābhiññā vipassanā;
висуд̣̇д̇химаг̇г̇з банид̣̇ам̣, яасмаа саб̣б̣ам̣ багаасид̇ам̣.
Visuddhimagge panidaṃ, yasmā sabbaṃ pakāsitaṃ.
д̇асмаа д̇ам̣ аг̇г̇ахзд̇ваана, сагалааяаби д̇анд̇ияаа;
Tasmā taṃ aggahetvāna, sakalāyapi tantiyā;
бад̣̇аануггамад̇о зва, гариссаамад̇т̇аван̣н̣анам̣.
Padānukkamato eva, karissāmatthavaṇṇanaṃ.
ид̇и мз бхаасамаанасса, абхид̇хаммагат̇ам̣ имам̣;
Iti me bhāsamānassa, abhidhammakathaṃ imaṃ;
авигкид̇д̇аа нисаамзт̇а, д̣̇уллабхаа хи аяам̣ гат̇аад̇и.
Avikkhittā nisāmetha, dullabhā hi ayaṃ kathāti.
