| Library / Tipiṭaka / திபிடக • Tipiṭaka / வினயவினிச்ச²ய-உத்தரவினிச்ச²ய • Vinayavinicchaya-uttaravinicchaya |
நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ
Namo tassa bhagavato arahato sammāsambuddhassa
வினயவினிச்ச²யோ
Vinayavinicchayo
க³ந்தா²ரம்ப⁴கதா²
Ganthārambhakathā
1.
1.
வந்தி³த்வா ஸிரஸா ஸெட்ட²ங், பு³த்³த⁴மப்படிபுக்³க³லங்;
Vanditvā sirasā seṭṭhaṃ, buddhamappaṭipuggalaṃ;
ப⁴வாபா⁴வகரங் த⁴ம்மங், க³ணஞ்சேவ நிரங்க³ணங்.
Bhavābhāvakaraṃ dhammaṃ, gaṇañceva niraṅgaṇaṃ.
2.
2.
பி⁴க்கூ²னங் பி⁴க்கு²னீனஞ்ச, ஹிதத்தா²ய ஸமாஹிதோ;
Bhikkhūnaṃ bhikkhunīnañca, hitatthāya samāhito;
பவக்கா²மி ஸமாஸேன, வினயஸ்ஸவினிச்ச²யங்.
Pavakkhāmi samāsena, vinayassavinicchayaṃ.
3.
3.
அனாகுலமஸங்கிண்ணங், மது⁴ரத்த²பத³க்கமங்;
Anākulamasaṃkiṇṇaṃ, madhuratthapadakkamaṃ;
படுபா⁴வகரங் ஏதங், பரமங் வினயக்கமே.
Paṭubhāvakaraṃ etaṃ, paramaṃ vinayakkame.
4.
4.
அபாரங் ஓதரந்தானங், ஸாரங் வினயஸாக³ரங்;
Apāraṃ otarantānaṃ, sāraṃ vinayasāgaraṃ;
பி⁴க்கூ²னங் பி⁴க்கு²னீனஞ்ச, நாவாபூ⁴தங் மனோரமங்.
Bhikkhūnaṃ bhikkhunīnañca, nāvābhūtaṃ manoramaṃ.
5.
5.
தஸ்மா வினயனூபாயங், வினயஸ்ஸவினிச்ச²யங்;
Tasmā vinayanūpāyaṃ, vinayassavinicchayaṃ;
அவிக்கி²த்தேன சித்தேன, வத³தோ மே நிபோ³த⁴த².
Avikkhittena cittena, vadato me nibodhatha.
