| Library / Tipiṭaka / திபிடக • Tipiṭaka / நெத்திவிபா⁴வினீ • Nettivibhāvinī |
நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ
Namo tassa bhagavato arahato sammāsambuddhassa
கு²த்³த³கனிகாயே
Khuddakanikāye
நெத்திவிபா⁴வினீ
Nettivibhāvinī
க³ந்தா²ரம்ப⁴கதா²
Ganthārambhakathā
யஜிதப்³ப³ங் யஜித்வான, நமிதப்³ப³ங் நமாமஹங்;
Yajitabbaṃ yajitvāna, namitabbaṃ namāmahaṃ;
யஜனாத்³யானுபா⁴வேன, அந்தராயே ஜஹங் ஸதா³.
Yajanādyānubhāvena, antarāye jahaṃ sadā.
யேன யா ரசிதா நெத்தி, யேன ஸா அனுமோதி³தா;
Yena yā racitā netti, yena sā anumoditā;
யேஹி ஸங்வண்ணனா கதா, தேஸானுபா⁴வனிஸ்ஸிதோ.
Yehi saṃvaṇṇanā katā, tesānubhāvanissito.
கிஞ்சி கிஞ்சி ஸரித்வான, லீனாலீனானுஸந்த்⁴யாதி³ங்;
Kiñci kiñci saritvāna, līnālīnānusandhyādiṃ;
கரிஸ்ஸங் ஜினஸுத்தானங், ஹிதங் நெத்திவிபா⁴வனங்.
Karissaṃ jinasuttānaṃ, hitaṃ nettivibhāvanaṃ.
அப்பமெய்யகு³ணோ மஹாத⁴ம்மராஜவ்ஹயோ ப⁴வே;
Appameyyaguṇo mahādhammarājavhayo bhave;
அச்ச²ரியோ அப்³பு⁴தோ யோ, போ³தி⁴ஸம்பா⁴ரபூரணோ.
Acchariyo abbhuto yo, bodhisambhārapūraṇo.
நானாரட்டி²ஸ்ஸரிஸ்ஸரோ, ஸெட்டோ² ஸாஸனபக்³க³ஹோ;
Nānāraṭṭhissarissaro, seṭṭho sāsanapaggaho;
பாஸங்ஸராஜபாஸங்ஸோ, நராசிந்தெய்யசிந்தகோ.
Pāsaṃsarājapāsaṃso, narācinteyyacintako.
சிந்திதகாரகோ ராஜா, ஸிரட்டி²மாலபாலகோ;
Cintitakārako rājā, siraṭṭhimālapālako;
அஜெய்யஜெய்யகோ மஹாசெத்யாதி³காரகோ ஸதா³.
Ajeyyajeyyako mahācetyādikārako sadā.
அஸ்ஸாமச்சேன ப்³யத்தேன, ஜினசக்கஹிதத்தி²னா;
Assāmaccena byattena, jinacakkahitatthinā;
அனந்தஸுதிநாமேன, ஸக்கச்சங் அபி⁴யாசிதோ.
Anantasutināmena, sakkaccaṃ abhiyācito.
காமங் ஸங்வண்ணனா கதா, தே²ராஸபே⁴ஹி க³ம்பீ⁴ரா;
Kāmaṃ saṃvaṇṇanā katā, therāsabhehi gambhīrā;
க³ம்பீ⁴ரத்தா து ஜானிதுங், ஜினபுத்தேஹி து³க்கரா.
Gambhīrattā tu jānituṃ, jinaputtehi dukkarā.
தஸ்மா யாசிதானுரூபேன, கரிஸ்ஸங் ஸாத³ரங் ஸுண;
Tasmā yācitānurūpena, karissaṃ sādaraṃ suṇa;
ஸிஸ்ஸஸிக்க²னயானுக³ங், யொத்தங் நெத்திவிபா⁴வனந்தி.
Sissasikkhanayānugaṃ, yottaṃ nettivibhāvananti.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / நெத்திப்பகரண-அட்ட²கதா² • Nettippakaraṇa-aṭṭhakathā / க³ந்தா²ரம்ப⁴கதா² • Ganthārambhakathā
டீகா • Tīkā / ஸுத்தபிடக (டீகா) • Suttapiṭaka (ṭīkā) / கு²த்³த³கனிகாய (டீகா) • Khuddakanikāya (ṭīkā) / நெத்திப்பகரண-டீகா • Nettippakaraṇa-ṭīkā / க³ந்தா²ரம்ப⁴கதா²வண்ணனா • Ganthārambhakathāvaṇṇanā
