| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) |
੭. ਗਣਕਮੋਗ੍ਗਲ੍ਲਾਨਸੁਤ੍ਤવਣ੍ਣਨਾ
7. Gaṇakamoggallānasuttavaṇṇanā
੭੪. ਏવਂ ਮੇ ਸੁਤਨ੍ਤਿ ਗਣਕਮੋਗ੍ਗਲ੍ਲਾਨਸੁਤ੍ਤਂ। ਤਤ੍ਥ ਯਾવ ਪਚ੍ਛਿਮਸੋਪਾਨਕਲ਼ੇવਰਾਤਿ ਯਾવ ਪਠਮਸੋਪਾਨਫਲਕਾ ਏਕਦਿવਸੇਨੇવ ਸਤ੍ਤਭੂਮਿਕੋ ਪਾਸਾਦੋ ਨ ਸਕ੍ਕਾ ਕਾਤੁਂ, વਤ੍ਥੁਂ ਸੋਧੇਤ੍વਾ ਥਮ੍ਭੁਸ੍ਸਾਪਨਤੋ ਪਟ੍ਠਾਯ ਪਨ ਯਾવ ਚਿਤ੍ਤਕਮ੍ਮਕਰਣਾ ਅਨੁਪੁਬ੍ਬਕਿਰਿਯਾ ਚੇਤ੍ਥ ਪਞ੍ਞਾਯਤੀਤਿ ਦਸ੍ਸੇਤਿ। ਯਦਿਦਂ ਅਜ੍ਝੇਨੇਤਿ ਤਯੋਪਿ વੇਦਾ ਨ ਸਕ੍ਕਾ ਏਕਦਿવਸੇਨੇવ ਅਧੀਯਿਤੁਂ, ਏਤੇਸਂ ਅਜ੍ਝੇਨੇਪਿ ਪਨ ਅਨੁਪੁਬ੍ਬਕਿਰਿਯਾવ ਪਞ੍ਞਾਯਤੀਤਿ ਦਸ੍ਸੇਤਿ। ਇਸ੍ਸਤ੍ਥੇਤਿ ਆવੁਧવਿਜ੍ਜਾਯਪਿ ਏਕਦਿવਸੇਨੇવ વਾਲવੇਧਿ ਨਾਮ ਨ ਸਕ੍ਕਾ ਕਾਤੁਂ, ਠਾਨਸਮ੍ਪਾਦਨਮੁਟ੍ਠਿਕਰਣਾਦੀਹਿ ਪਨ ਏਤ੍ਥਾਪਿ ਅਨੁਪੁਬ੍ਬਕਿਰਿਯਾ ਪਞ੍ਞਾਯਤੀਤਿ ਦਸ੍ਸੇਤਿ। ਸਙ੍ਖਾਨੇਤਿ ਗਣਨਾਯ। ਤਤ੍ਥ ਅਨੁਪੁਬ੍ਬਕਿਰਿਯਂ ਅਤ੍ਤਨਾવ ਦਸ੍ਸੇਨ੍ਤੋ ਏવਂ ਗਣਾਪੇਮਾਤਿਆਦਿਮਾਹ।
74.Evaṃme sutanti gaṇakamoggallānasuttaṃ. Tattha yāva pacchimasopānakaḷevarāti yāva paṭhamasopānaphalakā ekadivaseneva sattabhūmiko pāsādo na sakkā kātuṃ, vatthuṃ sodhetvā thambhussāpanato paṭṭhāya pana yāva cittakammakaraṇā anupubbakiriyā cettha paññāyatīti dasseti. Yadidaṃ ajjheneti tayopi vedā na sakkā ekadivaseneva adhīyituṃ, etesaṃ ajjhenepi pana anupubbakiriyāva paññāyatīti dasseti. Issattheti āvudhavijjāyapi ekadivaseneva vālavedhi nāma na sakkā kātuṃ, ṭhānasampādanamuṭṭhikaraṇādīhi pana etthāpi anupubbakiriyā paññāyatīti dasseti. Saṅkhāneti gaṇanāya. Tattha anupubbakiriyaṃ attanāva dassento evaṃ gaṇāpemātiādimāha.
੭੫. ਸੇਯ੍ਯਥਾਪਿ ਬ੍ਰਾਹ੍ਮਣਾਤਿ ਇਧ ਭਗવਾ ਯਸ੍ਮਾ ਬਾਹਿਰਸਮਯੇ ਯਥਾ ਯਥਾ ਸਿਪ੍ਪਂ ਉਗ੍ਗਣ੍ਹਨ੍ਤਿ, ਤਥਾ ਤਥਾ ਕੇਰਾਟਿਕਾ ਹੋਨ੍ਤਿ, ਤਸ੍ਮਾ ਅਤ੍ਤਨੋ ਸਾਸਨਂ ਬਾਹਿਰਸਮਯੇਨ ਅਨੁਪਮੇਤ੍વਾ ਭਦ੍ਰਅਸ੍ਸਾਜਾਨੀਯੇਨ ਉਪਮੇਨ੍ਤੋ ਸੇਯ੍ਯਥਾਪੀਤਿਆਦਿਮਾਹ। ਭਦ੍ਰੋ ਹਿ ਅਸ੍ਸਾਜਾਨੀਯੋ ਯਸ੍ਮਿਂ ਕਾਰਣੇ ਦਮਿਤੋ ਹੋਤਿ, ਤਂ ਜੀવਿਤਹੇਤੁਪਿ ਨਾਤਿਕ੍ਕਮਤਿ। ਏવਮੇવ ਸਾਸਨੇ ਸਮ੍ਮਾਪਟਿਪਨ੍ਨੋ ਕੁਲਪੁਤ੍ਤੋ ਸੀਲવੇਲਂ ਨਾਤਿਕ੍ਕਮਤਿ। ਮੁਖਾਧਾਨੇਤਿ ਮੁਖਟ੍ਠਪਨੇ।
75.Seyyathāpi brāhmaṇāti idha bhagavā yasmā bāhirasamaye yathā yathā sippaṃ uggaṇhanti, tathā tathā kerāṭikā honti, tasmā attano sāsanaṃ bāhirasamayena anupametvā bhadraassājānīyena upamento seyyathāpītiādimāha. Bhadro hi assājānīyo yasmiṃ kāraṇe damito hoti, taṃ jīvitahetupi nātikkamati. Evameva sāsane sammāpaṭipanno kulaputto sīlavelaṃ nātikkamati. Mukhādhāneti mukhaṭṭhapane.
੭੬. ਸਤਿਸਮ੍ਪਜਞ੍ਞਾਯ ਚਾਤਿ ਸਤਿਸਮ੍ਪਜਞ੍ਞਾਹਿ ਸਮਙ੍ਗਿਭਾવਤ੍ਥਾਯ । ਦ੍વੇ ਹਿ ਖੀਣਾਸવਾ ਸਤਤવਿਹਾਰੀ ਚ ਨੋਸਤਤવਿਹਾਰੀ ਚ। ਤਤ੍ਥ ਸਤਤવਿਹਾਰੀ ਯਂਕਿਞ੍ਚਿ ਕਮ੍ਮਂ ਕਤ੍વਾਪਿ ਫਲਸਮਾਪਤ੍ਤਿਂ ਸਮਾਪਜ੍ਜਿਤੁਂ ਸਕ੍ਕੋਤਿ, ਨੋ ਸਤਤવਿਹਾਰੀ ਪਨ ਅਪ੍ਪਮਤ੍ਤਕੇਪਿ ਕਿਚ੍ਚੇ ਕਿਚ੍ਚਪ੍ਪਸੁਤੋ ਹੁਤ੍વਾ ਫਲਸਮਾਪਤ੍ਤਿਂ ਅਪ੍ਪੇਤੁਂ ਨ ਸਕ੍ਕੋਤਿ।
76.Satisampajaññāya cāti satisampajaññāhi samaṅgibhāvatthāya . Dve hi khīṇāsavā satatavihārī ca nosatatavihārī ca. Tattha satatavihārī yaṃkiñci kammaṃ katvāpi phalasamāpattiṃ samāpajjituṃ sakkoti, no satatavihārī pana appamattakepi kicce kiccappasuto hutvā phalasamāpattiṃ appetuṃ na sakkoti.
ਤਤ੍ਰਿਦਂ વਤ੍ਥੁ – ਏਕੋ ਕਿਰ ਖੀਣਾਸવਤ੍ਥੇਰੋ ਖੀਣਾਸવਸਾਮਣੇਰਂ ਗਹੇਤ੍વਾ ਅਰਞ੍ਞવਾਸਂ ਗਤੋ, ਤਤ੍ਥ ਮਹਾਥੇਰਸ੍ਸ ਸੇਨਾਸਨਂ ਪਤ੍ਤਂ, ਸਾਮਣੇਰਸ੍ਸ ਨ ਪਾਪੁਣਾਤਿ, ਤਂ વਿਤਕ੍ਕੇਨ੍ਤੋ ਥੇਰੋ ਏਕਦਿવਸਮ੍ਪਿ ਫਲਸਮਾਪਤ੍ਤਿਂ ਅਪ੍ਪੇਤੁਂ ਨਾਸਕ੍ਖਿ। ਸਾਮਣੇਰੋ ਪਨ ਤੇਮਾਸਂ ਫਲਸਮਾਪਤ੍ਤਿਰਤਿਯਾ વੀਤਿਨਾਮੇਤ੍વਾ ‘‘ਸਪ੍ਪਾਯੋ , ਭਨ੍ਤੇ, ਅਰਞ੍ਞવਾਸੋ ਜਾਤੋ’’ਤਿ ਥੇਰਂ ਪੁਚ੍ਛਿ। ਥੇਰੋ ‘‘ਨ ਜਾਤੋ, ਆવੁਸੋ’’ਤਿ ਆਹ। ਇਤਿ ਯੋ ਏવਰੂਪੋ ਖੀਣਾਸવੋ, ਸੋ ਇਮੇ ਧਮ੍ਮੇ ਆਦਿਤੋ ਪਟ੍ਠਾਯ ਆવਜ੍ਜਿਤ੍વਾવ ਸਮਾਪਜ੍ਜਿਤੁਂ ਸਕ੍ਖਿਸ੍ਸਤੀਤਿ ਦਸ੍ਸੇਨ੍ਤੋ ‘‘ਸਤਿਸਮ੍ਪਜਞ੍ਞਾਯ ਚਾ’’ਤਿ ਆਹ।
Tatridaṃ vatthu – eko kira khīṇāsavatthero khīṇāsavasāmaṇeraṃ gahetvā araññavāsaṃ gato, tattha mahātherassa senāsanaṃ pattaṃ, sāmaṇerassa na pāpuṇāti, taṃ vitakkento thero ekadivasampi phalasamāpattiṃ appetuṃ nāsakkhi. Sāmaṇero pana temāsaṃ phalasamāpattiratiyā vītināmetvā ‘‘sappāyo , bhante, araññavāso jāto’’ti theraṃ pucchi. Thero ‘‘na jāto, āvuso’’ti āha. Iti yo evarūpo khīṇāsavo, so ime dhamme ādito paṭṭhāya āvajjitvāva samāpajjituṃ sakkhissatīti dassento ‘‘satisampajaññāya cā’’ti āha.
੭੮. ਯੇਮੇ, ਭੋ ਗੋਤਮਾਤਿ ਤਥਾਗਤੇ ਕਿਰ ਕਥਯਨ੍ਤੇવ ਬ੍ਰਾਹ੍ਮਣਸ੍ਸ ‘‘ਇਮੇ ਪੁਗ੍ਗਲਾ ਨ ਆਰਾਧੇਨ੍ਤਿ, ਇਮੇ ਆਰਾਧੇਨ੍ਤੀ’’ਤਿ ਨਯੋ ਉਦਪਾਦਿ, ਤਂ ਦਸ੍ਸੇਨ੍ਤੋ ਏવਂ વਤ੍ਤੁਮਾਰਦ੍ਧੋ।
78.Yeme, bho gotamāti tathāgate kira kathayanteva brāhmaṇassa ‘‘ime puggalā na ārādhenti, ime ārādhentī’’ti nayo udapādi, taṃ dassento evaṃ vattumāraddho.
ਪਰਮਜ੍ਜਧਮ੍ਮੇਸੂਤਿ ਅਜ੍ਜਧਮ੍ਮਾ ਨਾਮ ਛਸਤ੍ਥਾਰਧਮ੍ਮਾ, ਤੇਸੁ ਗੋਤਮવਾਦੋવ, ਪਰਮੋ ਉਤ੍ਤਮੋਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
Paramajjadhammesūti ajjadhammā nāma chasatthāradhammā, tesu gotamavādova, paramo uttamoti attho. Sesaṃ sabbattha uttānamevāti.
ਪਪਞ੍ਚਸੂਦਨਿਯਾ ਮਜ੍ਝਿਮਨਿਕਾਯਟ੍ਠਕਥਾਯ
Papañcasūdaniyā majjhimanikāyaṭṭhakathāya
ਗਣਕਮੋਗ੍ਗਲ੍ਲਾਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Gaṇakamoggallānasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੭. ਗਣਕਮੋਗ੍ਗਲ੍ਲਾਨਸੁਤ੍ਤਂ • 7. Gaṇakamoggallānasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੭. ਗਣਕਮੋਗ੍ਗਲ੍ਲਾਨਸੁਤ੍ਤવਣ੍ਣਨਾ • 7. Gaṇakamoggallānasuttavaṇṇanā
