| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) |
੮. ਗੋਪਕਮੋਗ੍ਗਲ੍ਲਾਨਸੁਤ੍ਤવਣ੍ਣਨਾ
8. Gopakamoggallānasuttavaṇṇanā
੭੯. ਏવਂ ਮੇ ਸੁਤਨ੍ਤਿ ਗੋਪਕਮੋਗ੍ਗਲ੍ਲਾਨਸੁਤ੍ਤਂ। ਤਤ੍ਥ ਅਚਿਰਪਰਿਨਿਬ੍ਬੁਤੇ ਭਗવਤੀਤਿ ਭਗવਤਿ ਅਚਿਰਪਰਿਨਿਬ੍ਬੁਤੇ, ਧਾਤੁਭਾਜਨੀਯਂ ਕਤ੍વਾ ਧਮ੍ਮਸਙ੍ਗੀਤਿਂ ਕਾਤੁਂ ਰਾਜਗਹਂ ਆਗਤਕਾਲੇ । ਰਞ੍ਞੋ ਪਜ੍ਜੋਤਸ੍ਸ ਆਸਙ੍ਕਮਾਨੋਤਿ ਚਣ੍ਡਪਜ੍ਜੋਤੋ ਨਾਮੇਸ ਰਾਜਾ ਬਿਮ੍ਬਿਸਾਰਮਹਾਰਾਜਸ੍ਸ ਸਹਾਯੋ ਅਹੋਸਿ, ਜੀવਕਂ ਪੇਸੇਤ੍વਾ ਭੇਸਜ੍ਜਕਾਰਿਤਕਾਲਤੋ ਪਟ੍ਠਾਯ ਪਨ ਦਲ਼੍ਹਮਿਤ੍ਤੋવ ਜਾਤੋ, ਸੋ ‘‘ਅਜਾਤਸਤ੍ਤੁਨਾ ਦੇવਦਤ੍ਤਸ੍ਸ વਚਨਂ ਗਹੇਤ੍વਾ ਪਿਤਾ ਘਾਤਿਤੋ’’ਤਿ ਸੁਤ੍વਾ ‘‘ਮਮ ਪਿਯਮਿਤ੍ਤਂ ਘਾਤੇਤ੍વਾ ਏਸ ਰਜ੍ਜਂ ਕਰਿਸ੍ਸਾਮੀਤਿ ਮਞ੍ਞਤਿ, ਮਯ੍ਹਂ ਸਹਾਯਸ੍ਸ ਸਹਾਯਾਨਂ ਅਤ੍ਥਿਕਭਾવਂ ਜਾਨਾਪੇਸ੍ਸਾਮੀ’’ਤਿ ਪਰਿਸਤਿ વਾਚਂ ਅਭਾਸਿ। ਤਂ ਸੁਤ੍વਾ ਤਸ੍ਸ ਆਸਙ੍ਕਾ ਉਪ੍ਪਨ੍ਨਾ। ਤੇਨ વੁਤ੍ਤਂ ‘‘ਰਞ੍ਞੋ ਪਜ੍ਜੋਤਸ੍ਸ ਆਸਙ੍ਕਮਾਨੋ’’ਤਿ। ਕਮ੍ਮਨ੍ਤੋਤਿ ਬਹਿਨਗਰੇ ਨਗਰਪਟਿਸਙ੍ਖਾਰਾਪਨਤ੍ਥਾਯ ਕਮ੍ਮਨ੍ਤਟ੍ਠਾਨਂ।
79.Evaṃme sutanti gopakamoggallānasuttaṃ. Tattha aciraparinibbute bhagavatīti bhagavati aciraparinibbute, dhātubhājanīyaṃ katvā dhammasaṅgītiṃ kātuṃ rājagahaṃ āgatakāle . Rañño pajjotassa āsaṅkamānoti caṇḍapajjoto nāmesa rājā bimbisāramahārājassa sahāyo ahosi, jīvakaṃ pesetvā bhesajjakāritakālato paṭṭhāya pana daḷhamittova jāto, so ‘‘ajātasattunā devadattassa vacanaṃ gahetvā pitā ghātito’’ti sutvā ‘‘mama piyamittaṃ ghātetvā esa rajjaṃ karissāmīti maññati, mayhaṃ sahāyassa sahāyānaṃ atthikabhāvaṃ jānāpessāmī’’ti parisati vācaṃ abhāsi. Taṃ sutvā tassa āsaṅkā uppannā. Tena vuttaṃ ‘‘rañño pajjotassa āsaṅkamāno’’ti. Kammantoti bahinagare nagarapaṭisaṅkhārāpanatthāya kammantaṭṭhānaṃ.
ਉਪਸਙ੍ਕਮੀਤਿ ਮਯਂ ਧਮ੍ਮવਿਨਯਸਙ੍ਗੀਤਿਂ ਕਾਰੇਸ੍ਸਾਮਾਤਿ વਿਚਰਾਮ, ਅਯਞ੍ਚ ਮਹੇਸਕ੍ਖੋ ਰਾਜવਲ੍ਲਭੋ ਸਙ੍ਗਹੇ ਕਤੇ વੇਲ਼ੁવਨਸ੍ਸ ਆਰਕ੍ਖਂ ਕਰੇਯ੍ਯਾਤਿ ਮਞ੍ਞਮਾਨੋ ਉਪਸਙ੍ਕਮਿ। ਤੇਹਿ ਧਮ੍ਮੇਹੀਤਿ ਤੇਹਿ ਸਬ੍ਬਞ੍ਞੁਤਞ੍ਞਾਣਧਮ੍ਮੇਹਿ। ਸਬ੍ਬੇਨ ਸਬ੍ਬਨ੍ਤਿ ਸਬ੍ਬਾਕਾਰੇਨ ਸਬ੍ਬਂ। ਸਬ੍ਬਥਾ ਸਬ੍ਬਨ੍ਤਿ ਸਬ੍ਬਕੋਟ੍ਠਾਸੇਹਿ ਸਬ੍ਬਂ। ਕਿਂ ਪੁਚ੍ਛਾਮੀਤਿ ਪੁਚ੍ਛਤਿ? ਛ ਹਿ ਸਤ੍ਥਾਰੋ ਪਠਮਤਰਂ ਅਪ੍ਪਞ੍ਞਾਤਕੁਲੇਹਿ ਨਿਕ੍ਖਮਿਤ੍વਾ ਪਬ੍ਬਜਿਤਾ, ਤੇ ਤਥਾਗਤੇ ਧਰਮਾਨੇਯੇવ ਕਾਲਂਕਤਾ, ਸਾવਕਾਪਿ ਨੇਸਂ ਅਪ੍ਪਞ੍ਞਾਤਕੁਲੇਹੇવ ਪਬ੍ਬਜਿਤਾ। ਤੇ ਤੇਸਂ ਅਚ੍ਚਯੇਨ ਮਹਾવਿવਾਦਂ ਅਕਂਸੁ। ਸਮਣੋ ਪਨ ਗੋਤਮੋ ਮਹਾਕੁਲਾ ਪਬ੍ਬਜਿਤੋ, ਤਸ੍ਸ ਅਚ੍ਚਯੇਨ ਸਾવਕਾਨਂ ਮਹਾવਿવਾਦੋ ਭવਿਸ੍ਸਤੀਤਿ ਅਯਂ ਕਥਾ ਸਕਲਜਮ੍ਬੁਦੀਪਂ ਪਤ੍ਥਰਮਾਨਾ ਉਦਪਾਦਿ। ਸਮ੍ਮਾਸਮ੍ਬੁਦ੍ਧੇ ਚ ਧਰਨ੍ਤੇ ਭਿਕ੍ਖੂਨਂ વਿવਾਦੋ ਨਾਹੋਸਿ। ਯੋਪਿ ਅਹੋਸਿ, ਸੋਪਿ ਤਤ੍ਥੇવ વੂਪਸਮਿਤੋ। ਪਰਿਨਿਬ੍ਬੁਤਕਾਲੇ ਪਨਸ੍ਸ – ‘‘ਅਟ੍ਠਸਟ੍ਠਿਯੋਜਨਸਤਸਹਸ੍ਸੁਬ੍ਬੇਧਂ ਸਿਨੇਰੁਂ ਅਪવਾਹਿਤੁਂ ਸਮਤ੍ਥਸ੍ਸ વਾਤਸ੍ਸ ਪੁਰਤੋ ਪੁਰਾਣਪਣ੍ਣਂ ਕਿਂ ਠਸ੍ਸਤਿ, ਦਸ ਪਾਰਮਿਯੋ ਪੂਰੇਤ੍વਾ ਸਬ੍ਬਞ੍ਞੁਤਞ੍ਞਾਣਂ ਪਤ੍ਤਸ੍ਸ ਸਤ੍ਥੁ ਅਲਜ੍ਜਮਾਨੋ ਮਚ੍ਚੁਰਾਜਾ ਕਸ੍ਸ ਲਜ੍ਜਿਸ੍ਸਤੀ’’ਤਿ ਮਹਾਸਂવੇਗਂ ਜਨੇਤ੍વਾ ਭਿਯ੍ਯੋਸੋਮਤ੍ਤਾਯ ਭਿਕ੍ਖੂ ਸਮਗ੍ਗਾ ਜਾਤਾ ਅਤਿવਿਯ ਉਪਸਨ੍ਤੁਪਸਨ੍ਤਾ, ਕਿਂ ਨੁ ਖੋ ਏਤਨ੍ਤਿ ਇਦਂ ਪੁਚ੍ਛਾਮੀਤਿ ਪੁਚ੍ਛਤਿ। ਅਨੁਸਞ੍ਞਾਯਮਾਨੋਤਿ ਅਨੁਸਞ੍ਜਾਯਮਾਨੋ, ਕਤਾਕਤਂ ਜਨਨ੍ਤੋਤਿ ਅਤ੍ਥੋ। ਅਨੁવਿਚਰਮਾਨੋ વਾ।
Upasaṅkamīti mayaṃ dhammavinayasaṅgītiṃ kāressāmāti vicarāma, ayañca mahesakkho rājavallabho saṅgahe kate veḷuvanassa ārakkhaṃ kareyyāti maññamāno upasaṅkami. Tehi dhammehīti tehi sabbaññutaññāṇadhammehi. Sabbena sabbanti sabbākārena sabbaṃ. Sabbathā sabbanti sabbakoṭṭhāsehi sabbaṃ. Kiṃ pucchāmīti pucchati? Cha hi satthāro paṭhamataraṃ appaññātakulehi nikkhamitvā pabbajitā, te tathāgate dharamāneyeva kālaṃkatā, sāvakāpi nesaṃ appaññātakuleheva pabbajitā. Te tesaṃ accayena mahāvivādaṃ akaṃsu. Samaṇo pana gotamo mahākulā pabbajito, tassa accayena sāvakānaṃ mahāvivādo bhavissatīti ayaṃ kathā sakalajambudīpaṃ pattharamānā udapādi. Sammāsambuddhe ca dharante bhikkhūnaṃ vivādo nāhosi. Yopi ahosi, sopi tattheva vūpasamito. Parinibbutakāle panassa – ‘‘aṭṭhasaṭṭhiyojanasatasahassubbedhaṃ sineruṃ apavāhituṃ samatthassa vātassa purato purāṇapaṇṇaṃ kiṃ ṭhassati, dasa pāramiyo pūretvā sabbaññutaññāṇaṃ pattassa satthu alajjamāno maccurājā kassa lajjissatī’’ti mahāsaṃvegaṃ janetvā bhiyyosomattāya bhikkhū samaggā jātā ativiya upasantupasantā, kiṃ nu kho etanti idaṃ pucchāmīti pucchati. Anusaññāyamānoti anusañjāyamāno, katākataṃ janantoti attho. Anuvicaramāno vā.
੮੦. ਅਤ੍ਥਿ ਨੁ ਖੋਤਿ ਅਯਮ੍ਪਿ ਹੇਟ੍ਠਿਮਪੁਚ੍ਛਮੇવ ਪੁਚ੍ਛਤਿ। ਅਪ੍ਪਟਿਸਰਣੇਤਿ ਅਪ੍ਪਟਿਸਰਣੇ ਧਮ੍ਮવਿਨਯੇ। ਕੋ ਹੇਤੁ ਸਾਮਗ੍ਗਿਯਾਤਿ ਤੁਮ੍ਹਾਕਂ ਸਮਗ੍ਗਭਾવਸ੍ਸ ਕੋ ਹੇਤੁ ਕੋ ਪਚ੍ਚਯੋ। ਧਮ੍ਮਪ੍ਪਟਿਸਰਣਾਤਿ ਧਮ੍ਮੋ ਅਮ੍ਹਾਕਂ ਪਟਿਸਰਣਂ, ਧਮ੍ਮੋ ਅવਸ੍ਸਯੋਤਿ ਦੀਪੇਤਿ।
80.Atthinu khoti ayampi heṭṭhimapucchameva pucchati. Appaṭisaraṇeti appaṭisaraṇe dhammavinaye. Ko hetu sāmaggiyāti tumhākaṃ samaggabhāvassa ko hetu ko paccayo. Dhammappaṭisaraṇāti dhammo amhākaṃ paṭisaraṇaṃ, dhammo avassayoti dīpeti.
੮੧. ਪવਤ੍ਤਤੀਤਿ ਪਗੁਣਂ ਹੁਤ੍વਾ ਆਗਚ੍ਛਤਿ। ਆਪਤ੍ਤਿ ਹੋਤਿ વੀਤਿਕ੍ਕਮੋਤਿ ਉਭਯਮੇਤਂ ਬੁਦ੍ਧਸ੍ਸ ਆਣਾਤਿਕ੍ਕਮਨਮੇવ। ਯਥਾਧਮ੍ਮਂ ਯਥਾਨੁਸਿਟ੍ਠਂ ਕਾਰੇਮਾਤਿ ਯਥਾ ਧਮ੍ਮੋ ਚ ਅਨੁਸਿਟ੍ਠਿ ਚ ਠਿਤਾ, ਏવਂ ਕਾਰੇਮਾਤਿ ਅਤ੍ਥੋ।
81.Pavattatīti paguṇaṃ hutvā āgacchati. Āpatti hoti vītikkamoti ubhayametaṃ buddhassa āṇātikkamanameva. Yathādhammaṃ yathānusiṭṭhaṃ kāremāti yathā dhammo ca anusiṭṭhi ca ṭhitā, evaṃ kāremāti attho.
ਨ ਕਿਰ ਨੋ ਭવਨ੍ਤੋ ਕਾਰੇਨ੍ਤਿ ਧਮ੍ਮੋ ਨੋ ਕਾਰੇਤੀਤਿ ਪਦਦ੍વਯੇਪਿ ਨੋ ਕਾਰੋ ਨਿਪਾਤਮਤ੍ਤਂ। ਏવਂ ਸਨ੍ਤੇ ਨ ਕਿਰ ਭવਨ੍ਤੋ ਕਾਰੇਨ੍ਤਿ, ਧਮ੍ਮੋવ ਕਾਰੇਤੀਤਿ ਅਯਮੇਤ੍ਥ ਅਤ੍ਥੋ।
Na kira no bhavanto kārenti dhammo no kāretīti padadvayepi no kāro nipātamattaṃ. Evaṃ sante na kira bhavanto kārenti, dhammova kāretīti ayamettha attho.
੮੩. ਤਗ੍ਘਾਤਿ ਏਕਂਸੇ ਨਿਪਾਤੋ। ਕਹਂ ਪਨ ਭવਂ ਆਨਨ੍ਦੋਤਿ ਕਿਂ ਥੇਰਸ੍ਸ વੇਲ਼ੁવਨੇ વਸਨਭਾવਂ ਨ ਜਾਨਾਤੀਤਿ? ਜਾਨਾਤਿ। વੇਲ਼ੁવਨਸ੍ਸ ਪਨ ਅਨੇਨ ਆਰਕ੍ਖਾ ਦਿਨ੍ਨਾ, ਤਸ੍ਮਾ ਅਤ੍ਤਾਨਂ ਉਕ੍ਕਂਸਾਪੇਤੁਕਾਮੋ ਪੁਚ੍ਛਤਿ। ਕਸ੍ਮਾ ਪਨ ਤੇਨ ਤਤ੍ਥ ਆਰਕ੍ਖਾ ਦਿਨ੍ਨਾ? ਸੋ ਕਿਰ ਏਕਦਿવਸਂ ਮਹਾਕਚ੍ਚਾਯਨਤ੍ਥੇਰਂ ਗਿਜ੍ਝਕੂਟਾ ਓਤਰਨ੍ਤਂ ਦਿਸ੍વਾ – ‘‘ਮਕ੍ਕਟੋ વਿਯ ਏਸੋ’’ਤਿ ਆਹ। ਭਗવਾ ਤਂ ਕਥਂ ਸੁਤ੍વਾ – ‘‘ਸਚੇ ਖਮਾਪੇਤਿ, ਇਚ੍ਚੇਤਂ ਕੁਸਲਂ। ਨੋ ਚੇ ਖਮਾਪੇਤਿ, ਇਮਸ੍ਮਿਂ વੇਲ਼ੁવਨੇ ਗੋਨਙ੍ਗਲਮਕ੍ਕਟੋ ਭવਿਸ੍ਸਤੀ’’ਤਿ ਆਹ। ਸੋ ਤਂ ਕਥਂ ਸੁਤ੍વਾ – ‘‘ਸਮਣਸ੍ਸ ਗੋਤਮਸ੍ਸ ਕਥਾਯ ਦ੍વੇਧਾਭਾવੋ ਨਾਮ ਨਤ੍ਥਿ, ਪਚ੍ਛਾ ਮੇ ਮਕ੍ਕਟਭੂਤਕਾਲੇ ਗੋਚਰਟ੍ਠਾਨਂ ਭવਿਸ੍ਸਤੀ’’ਤਿ વੇਲ਼ੁવਨੇ ਨਾਨਾવਿਧੇ ਰੁਕ੍ਖੇ ਰੋਪੇਤ੍વਾ ਆਰਕ੍ਖਂ ਅਦਾਸਿ। ਅਪਰਭਾਗੇ ਕਾਲਂ ਕਤ੍વਾ ਮਕ੍ਕਟੋ ਹੁਤ੍વਾ ਨਿਬ੍ਬਤ੍ਤਿ। ‘‘વਸ੍ਸਕਾਰਾ’’ਤਿ વੁਤ੍ਤੇ ਆਗਨ੍ਤ੍વਾ ਸਮੀਪੇ ਅਟ੍ਠਾਸਿ। ਤਗ੍ਘਾਤਿ ਸਬ੍ਬવਾਰੇਸੁ ਏਕਂਸવਚਨੇਯੇવ ਨਿਪਾਤੋ। ਤਗ੍ਘ, ਭੋ ਆਨਨ੍ਦਾਤਿ ਏવਂ ਥੇਰੇਨ ਪਰਿਸਮਜ੍ਝੇ ਅਤ੍ਤਨੋ ਉਕ੍ਕਂਸਿਤਭਾવਂ ਞਤ੍વਾ ਅਹਮ੍ਪਿ ਥੇਰਂ ਉਕ੍ਕਂਸਿਸ੍ਸਾਮੀਤਿ ਏવਮਾਹ।
83.Tagghāti ekaṃse nipāto. Kahaṃ pana bhavaṃ ānandoti kiṃ therassa veḷuvane vasanabhāvaṃ na jānātīti? Jānāti. Veḷuvanassa pana anena ārakkhā dinnā, tasmā attānaṃ ukkaṃsāpetukāmo pucchati. Kasmā pana tena tattha ārakkhā dinnā? So kira ekadivasaṃ mahākaccāyanattheraṃ gijjhakūṭā otarantaṃ disvā – ‘‘makkaṭo viya eso’’ti āha. Bhagavā taṃ kathaṃ sutvā – ‘‘sace khamāpeti, iccetaṃ kusalaṃ. No ce khamāpeti, imasmiṃ veḷuvane gonaṅgalamakkaṭo bhavissatī’’ti āha. So taṃ kathaṃ sutvā – ‘‘samaṇassa gotamassa kathāya dvedhābhāvo nāma natthi, pacchā me makkaṭabhūtakāle gocaraṭṭhānaṃ bhavissatī’’ti veḷuvane nānāvidhe rukkhe ropetvā ārakkhaṃ adāsi. Aparabhāge kālaṃ katvā makkaṭo hutvā nibbatti. ‘‘Vassakārā’’ti vutte āgantvā samīpe aṭṭhāsi. Tagghāti sabbavāresu ekaṃsavacaneyeva nipāto. Taggha, bho ānandāti evaṃ therena parisamajjhe attano ukkaṃsitabhāvaṃ ñatvā ahampi theraṃ ukkaṃsissāmīti evamāha.
੮੪. ਨ ਚ ਖੋ, ਬ੍ਰਾਹ੍ਮਣਾਤਿ ਥੇਰੋ ਕਿਰ ਚਿਨ੍ਤੇਸਿ ‘‘ਸਮ੍ਮਾਸਮ੍ਬੁਦ੍ਧੇਨ વਣ੍ਣਿਤਜ੍ਝਾਨਮ੍ਪਿ ਅਤ੍ਥਿ, ਅવਣ੍ਣਿਤਜ੍ਝਾਨਮ੍ਪਿ ਅਤ੍ਥਿ, ਅਯਂ ਪਨ ਬ੍ਰਾਹ੍ਮਣੋ ਸਬ੍ਬਮੇવ વਣ੍ਣੇਤੀਤਿ ਪਞ੍ਹਂ વਿਸਂવਾਦੇਤਿ, ਨ ਖੋ ਪਨ ਸਕ੍ਕਾ ਇਮਸ੍ਸ ਮੁਖਂ ਉਲ੍ਲੋਕੇਤੁਂ ਨ ਪਿਣ੍ਡਪਾਤਂ ਰਕ੍ਖਿਤੁਂ, ਪਞ੍ਹਂ ਉਜੁਂ ਕਤ੍વਾ ਕਥੇਸ੍ਸਾਮੀ’’ਤਿ ਇਦਂ વਤ੍ਤੁਂ ਆਰਦ੍ਧਂ। ਅਨ੍ਤਰਂ ਕਰਿਤ੍વਾਤਿ ਅਬ੍ਭਨ੍ਤਰਂ ਕਰਿਤ੍વਾ। ਏવਰੂਪਂ ਖੋ, ਬ੍ਰਾਹ੍ਮਣ, ਸੋ ਭਗવਾ ਝਾਨਂ વਣ੍ਣੇਸੀਤਿ ਇਧ ਸਬ੍ਬਸਙ੍ਗਾਹਕਜ੍ਝਾਨਂ ਨਾਮ ਕਥਿਤਂ।
84.Na ca kho, brāhmaṇāti thero kira cintesi ‘‘sammāsambuddhena vaṇṇitajjhānampi atthi, avaṇṇitajjhānampi atthi, ayaṃ pana brāhmaṇo sabbameva vaṇṇetīti pañhaṃ visaṃvādeti, na kho pana sakkā imassa mukhaṃ ulloketuṃ na piṇḍapātaṃ rakkhituṃ, pañhaṃ ujuṃ katvā kathessāmī’’ti idaṃ vattuṃ āraddhaṃ. Antaraṃ karitvāti abbhantaraṃ karitvā. Evarūpaṃ kho, brāhmaṇa, so bhagavā jhānaṃ vaṇṇesīti idha sabbasaṅgāhakajjhānaṃ nāma kathitaṃ.
ਯਂ ਨੋ ਮਯਨ੍ਤਿ ਅਯਂ ਕਿਰ ਬ੍ਰਾਹ੍ਮਣੋ વਸ੍ਸਕਾਰਬ੍ਰਾਹ੍ਮਣਂ ਉਸੂਯਤਿ, ਤੇਨ ਪੁਚ੍ਛਿਤਪਞ੍ਹਸ੍ਸ ਅਕਥਨਂ ਪਚ੍ਚਾਸੀਸਮਾਨੋ ਕਥਿਤਭਾવਂ ਞਤ੍વਾ ‘‘વਸ੍ਸਕਾਰੇਨ ਪੁਚ੍ਛਿਤਂ ਪਞ੍ਹਂ ਪੁਨਪ੍ਪੁਨਂ ਤਸ੍ਸ ਨਾਮਂ ਗਣ੍ਹਨ੍ਤੋ વਿਤ੍ਥਾਰੇਤ੍વਾ ਕਥੇਸਿ, ਮਯਾ ਪੁਚ੍ਛਿਤਪਞ੍ਹਂ ਪਨ ਯਟ੍ਠਿਕੋਟਿਯਾ ਉਪ੍ਪੀਲ਼ੇਨ੍ਤੋ વਿਯ ਏਕਦੇਸਮੇવ ਕਥੇਸੀ’’ਤਿ ਅਨਤ੍ਤਮਨੋ ਅਹੋਸਿ, ਤਸ੍ਮਾ ਏવਮਾਹ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
Yaṃno mayanti ayaṃ kira brāhmaṇo vassakārabrāhmaṇaṃ usūyati, tena pucchitapañhassa akathanaṃ paccāsīsamāno kathitabhāvaṃ ñatvā ‘‘vassakārena pucchitaṃ pañhaṃ punappunaṃ tassa nāmaṃ gaṇhanto vitthāretvā kathesi, mayā pucchitapañhaṃ pana yaṭṭhikoṭiyā uppīḷento viya ekadesameva kathesī’’ti anattamano ahosi, tasmā evamāha. Sesaṃ sabbattha uttānamevāti.
ਪਪਞ੍ਚਸੂਦਨਿਯਾ ਮਜ੍ਝਿਮਨਿਕਾਯਟ੍ਠਕਥਾਯ
Papañcasūdaniyā majjhimanikāyaṭṭhakathāya
ਗੋਪਕਮੋਗ੍ਗਲ੍ਲਾਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Gopakamoggallānasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੮. ਗੋਪਕਮੋਗ੍ਗਲ੍ਲਾਨਸੁਤ੍ਤਂ • 8. Gopakamoggallānasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੮. ਗੋਪਕਮੋਗ੍ਗਲ੍ਲਾਨਸੁਤ੍ਤવਣ੍ਣਨਾ • 8. Gopakamoggallānasuttavaṇṇanā
