| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৬. গণচীৰরসিক্খাপদৰণ্ণনা
6. Gaṇacīvarasikkhāpadavaṇṇanā
অঞ্ঞস্মিং পরিক্খারেতি যত্থ কত্থচি থালকাদীনং ৰা সপ্পিতেলাদীনং ৰা অঞ্ঞতরস্মিং। ‘‘সমগ্ঘকালে দস্সথা’’তি এৰং আনিসংসং দস্সেত্ৰা নিৰারেন্তিযাতি ‘‘কিত্তকং অগ্ঘনকং দাতুকামত্থা’’তি পুচ্ছিত্ৰা (পাচি॰ অট্ঠ॰ ৯০৯) ‘‘এত্তকং নামা’’তি ৰুত্তে ‘‘আগমেথ তাৰ, ইদানি ৰত্থং মহগ্ঘং, কতিপাহেন কপ্পাসে আহটে সমগ্ঘং ভৰিস্সতি, তস্মিং কালে দস্সথা’’তি এৰং আনিসংসং দস্সেত্ৰা নিৰারেন্তিযা।
Aññasmiṃ parikkhāreti yattha katthaci thālakādīnaṃ vā sappitelādīnaṃ vā aññatarasmiṃ. ‘‘Samagghakāle dassathā’’ti evaṃ ānisaṃsaṃ dassetvā nivārentiyāti ‘‘kittakaṃ agghanakaṃ dātukāmatthā’’ti pucchitvā (pāci. aṭṭha. 909) ‘‘ettakaṃ nāmā’’ti vutte ‘‘āgametha tāva, idāni vatthaṃ mahagghaṃ, katipāhena kappāse āhaṭe samagghaṃ bhavissati, tasmiṃ kāle dassathā’’ti evaṃ ānisaṃsaṃ dassetvā nivārentiyā.
গণচীৰরসিক্খাপদৰণ্ণনা নিট্ঠিতা।
Gaṇacīvarasikkhāpadavaṇṇanā niṭṭhitā.
