| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৭-১০. পটিবাহনাদিসিক্খাপদৰণ্ণনা
7-10. Paṭibāhanādisikkhāpadavaṇṇanā
আনিসংসং দস্সেত্ৰা পটিবাহন্তিযাতি ‘‘একিস্সা একং সাটকং নপ্পহোতি, আগমেথ তাৰ, কতিপাহেন উপ্পজ্জিস্সতি, ততো ভাজেস্সামা’’তি (পাচি॰ অট্ঠ॰ ৯১৫) এৰং আনিসংসং দস্সেত্ৰা পটিবাহন্তিযা অনাপত্তি।
Ānisaṃsaṃ dassetvā paṭibāhantiyāti ‘‘ekissā ekaṃ sāṭakaṃ nappahoti, āgametha tāva, katipāhena uppajjissati, tato bhājessāmā’’ti (pāci. aṭṭha. 915) evaṃ ānisaṃsaṃ dassetvā paṭibāhantiyā anāpatti.
অট্ঠমনৰমানি উত্তানত্থানেৰ।
Aṭṭhamanavamāni uttānatthāneva.
সেসন্তি ‘‘ধম্মিকে ৰেমতিকাযা’’তিআদিকং অৰসেসং। তত্থ আনিসংসং দস্সেত্ৰা পটিবাহন্তিযাতি ‘‘ভিক্খুনিসঙ্ঘো জিণ্ণচীৰরো, কথিনানিসংসমূলকো মহালাভো’’তি (পাচি॰ অট্ঠ॰ ৯৩১) এৰরূপং আনিসংসং দস্সেত্ৰা পটিবাহন্তিযা অনাপত্তি।
Sesanti ‘‘dhammike vematikāyā’’tiādikaṃ avasesaṃ. Tattha ānisaṃsaṃ dassetvā paṭibāhantiyāti ‘‘bhikkhunisaṅgho jiṇṇacīvaro, kathinānisaṃsamūlako mahālābho’’ti (pāci. aṭṭha. 931) evarūpaṃ ānisaṃsaṃ dassetvā paṭibāhantiyā anāpatti.
পটিবাহনাদিসিক্খাপদৰণ্ণনা নিট্ঠিতা।
Paṭibāhanādisikkhāpadavaṇṇanā niṭṭhitā.
নগ্গৰগ্গো ততিযো।
Naggavaggo tatiyo.
