Gampopa's collected works (35)

༼༡ན༽ཆོས་རྗེ་དྭགས་པོ་ལྷ་རྗེའི་གསུང་། མར་པའི་ཚིགས་བཅད་བརྒྱད་མའི་འགྲེལ་པ་བཞུགས་སོ། །

༼༡བ༽༄༅། །བླ་མ་རྣམས་ལ་ཕྱག་འཚལ་ལོ། །མཁས་པ་ཆེན་པོ་ནཱ་རོ་པས། །བཅུ་གཉིས་བར་དུ་བླ་མ་བསྟེན། །ཞབས་དྲུང་གདམས་ངག་མནོས་པ་ནི། །སྐྱེ་ཤི་རྨི་ལམ་བར་དོ་དང་། །སྲིད་པ་བར་དོ་གསུམ་དུ་གནས། །ཉམས་ལེན་བསྲེ་འཕོ་གཉིས་སུ་འདུས། །བསྲེ་བ་བསྒོམས་པས་སངས་རྒྱས་ཐབས། །འཕོ་བ་མ་བསྒོམས་སངས་རྒྱས་ཐབས། །སྐྱེ་ཤི་བར་དོར་བསྐྱེད་རིམ་དང་། །རྩ་རླུང་རྫོགས་རིམ་བསྲེས་ལ་བསྒོམ། །རྨི་ལམ་དང་པོ་རྨི་དུས་སུ། །འོད་གསལ་མན་ངག་སྒོམ་དང་བསྲེ། །རྨི་ལམ་དུས་སུ་སྒོམ་དང་བསྲེ། །ཉམས་མྱོང་གཅིག་ལ་བརྟེན་ནས་ནི། །འཆི་དུས་སྲིད་པ་བར་དོ་ཡི། །དང་པོ་མ་རིག་འོད་གསལ་འབྱུང་། །དེ་ཡི་དུས་སུ་རྩ་རླུང་དང་། །རྨི་ལམ་ཉམས་མྱོང་བརྟན་པ་ཡི། །འོད་གསལ་བསྟིམས་པས་ཆོས་སྐུ་ཐོབ། །ཞེན་པས་བར་དོ་གཉིས་པ་འབྱུང་། །མ་དག་སྒྱུ་ལུས་གསལ་བ་ལས། །དག་པའི་སྒྱུ་ལུས་ཐོབ་པའོ། །ཞེན་པས་ཐོབ་པར་མ་གྱུར་ན། །བར་དོ་གསུམ་པས་འགྲོ་དྲུག་གི །སྒོ་ན་ཆགས་སྡང་༼༢ན༽གཉིས་ཀྱིས་བསྐྱེད། །བསྐྱེད་རྫོགས་གཉིས་ཀྱིས་ཆགས་སྡང་གི །སྒོ་ནི་བཅད་དེ་སངས་རྒྱས་ལ། །མི་ཐོབ་པ་ཡི་ཐེ་ཚོམ་མེད། །སངས་རྒྱས་འདྲ་བའི་བླ་མས་གསུངས། །སྦྱངས་ནས་འཕོ་དང་བཙན་ཐབས་འཕོ། །ལུས་གནད་བཅོས་པའི་འཕོ་བའོ། །མ་བསྒོམས་སངས་རྒྱས་བླ་མས་གསུངས། །གདམས་ངག་ཚིགས་སུ་བཅད་པ་བརྒྱད་པ། རྗེ་མར་པས་མཛད་པ་རྫོགས་སོ།། །།རྨི་ལམ་གྱི་མན་ངག་ལགས། །བླ་མ་རྣམས་ལ་ཕྱག་འཚལ་ལོ། །དེ་ལ་ཆོས་ཀྱི་ཕྱག་རྒྱས་བདག་བྱིན་གྱིས་བརླབ་པ་ལ་བཞི་སྟེ། དང་པོ་རྨི་ལམ་ལམ་དུ་འཁྱེར་བ་ལ་དོན་བཞི། དང་པོ་རྨི་ལམ་བཟུང་བ་དང་། དེ་ནས་རྨི་ལམ་སྦྱང་བ་དང་། དེ་ནས་སྒྱུ་མར་བྱིན་གྱིས་བརླབ་ཅིང་། ཡ་ང་བ་སྤང་བ་དང་། དེ་ཁོ་ན་ཉིད་སྒོམ་པའོ། །དེ་ལ་དང་པོ་བཟུང་བ་ནི། དད་པ་དང་འདུན་པ་དྲག་པོ་གལ་ཆེ་སྟེ། དེ་ཡང་སྲོད་ལ་སྨིན་ཕྲག་ཏུ་ཐིམ་ལེ་ལ་ཤེས་པ་གཏད་དེ། སྲོད་ལ་གཉིད་མཐུག་པོར་ལོག་གོ །དེ་ནས་ཐོ་རངས་ཀྱི་དུས་སུ་མདང་གི་རྨི་ལམ་ལྟ་བུ་ཞིག་༼༢བ༽འབྱུང་ན། དེའི་དུས་སུ་འདི་ལྟར་བསམས་ཏེ། རྨི་ལམ་ཡིན་ཀྱང་མ་ཤེས་སྙམ་པའི་བསམ་པ་དྲག་ཏུ་བྱའོ། །སྣང་སྲིད་འདི་ཐམས་ཅད་རྨི་ལམ་དང་འདྲ་བར་ཤེས་པར་བྱས་ལ། ད་ནི་བདག་གིས་རྨི་ལམ་ལ་རྨི་ལམ་དུ་ཤེས་པར་བྱའོ་སྙམ་པའི་དྲན་པའམ། འདུན་པ་དྲག་ཏུ་བྱའོ། །དེ་བཞིན་ཉིན་མཚན་དུ་བྱས་པས། རྨི་ལམ་ཟིན་ཏེ་འོང་བའི་རྟགས་ནི། རྨི་ལམ་མི་འཚམས་པ་སྣ་ཚོགས་པ་དག་འོང་། ཆུ་ཆེན་པོ་དང་། མེ་ཆེན་པོ་མཐོང་བ་དང་། གཡང་ལ་འགྲོ་བ་དང་། ཁྱིས་དེད་པ་དང་། རང་གི་ལུས་ལ་འོད་བྱུང་བ་རྨིས་པ་ལ་སོགས་པ་སྣ་ཚོགས་པ་འོང་ངོ་། །དེའི་རྐྱེན་གྱིས་རྨི་ལམ་ཡིན་པར་ཤེས་པ་འགའ་བྱུང་སྟེ། དེས་ན། རྨི་ལམ་ཡིན་ནམ་སྙམ་པ་འགའ་འབྱུང་ནས། མི་ལ་ཆོས་ཐམས་ཅད་རྨི་ལམ་དང་འདྲའོ། །ཞེས་བཤད་སྔར་བླ་མས་གདམས་ངག་ཅིག་གསུངས་པ་རྣམས་བརྗེད་ཀྱང་། དེའི་དུས་སུ་གདམས་ངག་དྲན་ནས་འོང་སྟེ། ཇི་ལྟར་བསྟན་པ་བཞིན་སྒོམ། པ་དེ་རེ་བདེན་སྙམ་པའོ། །མོས་པ་དྲག་པོ་བྱ་སྟེ་ནང་པར་རྨི་ལམ་དྲན་པར་བྱ་སྟེ། མདང་གི་རྨི་ལམ་དེ་དང་། ད་ལྟར་གྱི་སྣང་བ་འདི་ཁྱད་པར་ཅི་ཡོད་སྙམ་པའི་འདུན་པ་དྲག་པོ་བྱའོ། །དེ་ནི་རྨི་ལམ་བཟུང་བའོ། །དེ་ནས་རྨི་ལམ་ཟིན་ནས་སྲོད་ཀྱི་དུས་ན་རྨི་ལམ་དུ་ཤེས་པར་བྱའོ་སྙམ་པའི་བསམ་པ་དྲག་ཏུ་བྱའོ། །དེའི་དུས་སུ་རྨི་ལམ་སྦྱང་བ་ནི། རྨི་ལམ་ཡིན་པས་ཇི་ལྟར་བྱས་ཀྱང་བཏུབ་སྙམ་པའི་བསམ་པ་དྲག་ཏུ་བྱས་ལ། རྨི་ལམ་གྱི་དུས་སུ་ཆུར་མཆོང་བ་དང་། མེར་མཆོང་བ་དང་། གཡང་ལ་འགྲོ་བ་དང་། སུམ་ཅུ་རྩ་གསུམ་གྱི་ལྷའི་གནས་བལྟ་བ་དང་། རྒྱ་གར་གྱི་ཡུལ་ཐམས་ཅད་བལྟ་བ་དང་། ཉི་ཟླ་རྡོག་པས་མནན་པ་ལ་སོགས་པ། རང་གི་སེམས་ལ་ཅི་བསམ་པ་ཐམས་ཅད་བྱའོ། །དེ་ནི་རྨི་ལམ་སྦྱང་བའོ། །དེ་ནས་རྨི་ལམ་སྒྱུ་མར་ཤེས་པར་༼༣ན༽བྱེད་ཅིང་ཡ་ང་བ་སྤང་བ་ནི། སྦྱོང་བའི་དུས་སུ་ཆུར་མཆོང་བ་ལ་སོགས་ཨེན་རེ་བྱས་ཀྱང་། ད་རུང་ཡ་ང་ཞིང་བག་ཚ་བའམ། འཇིགས་པ་སྙམ་བྱེད་ན། རྨི་ལམ་ཡིན་པས་ན་འཁྲུལ་པ་སྒྱུ་མ་ཙམ་ཡིན། དེ་ལ་འཇིགས་སུ་ཅི་ཡོད་སྙམ་ནས་ཡ་ང་བ་མེད་པར་བྱའོ། །དེ་ནི་རྨི་ལམ་སྒྱུ་མར་ཤེས་པར་བྱ་བའོ། །དེ་ནས་རྨི་ལམ་གྱི་དེ་ཁོ་ན་ཉིད་སྒོམ་པ་ནི། རྨི་ལམ་ཡིན་པར་སྦྱང་དུ་ཅི་ཡོང་། དེ་ཡང་སེམས་རྨི་ལམ་རང་ཡང་། ཀྱི་འཁྲུལ་པར་ཤེས་པར་བྱའོ། །དེ་ཁོ་ན་ཉིད་སྒོམ་པའོ། །དེ་ལ་སྒོམ་ཐབས་ནི། རང་ལ་སྔར་གྱི་སྒོམ་པའི་ཐབས་ཡོད་ན་གང་ཡང་འདྲ། མེད་ན་རང་གི་དཔྲལ་བར་ཐིག་ལེའམ་གང་ཡང་རུང་བ་ལ་ཤེས་པ་གཏད་དེ། བདེ་སྟོང་དུ་མོས་པ་ཙམ་གྱིས་ཤིན་ཏུ་མོས་པ་འབྱུང་ངོ་། །དེ་དུས་ཀྱི་སྒོམ་བཟང་པོ་བདུན་འགྱུར་གྱིས་བཟང་བར་བཤད་དེ། བྱེ་བས་བཟང་ངོ་།། དེས། དུས་ཀྱི་སྣ་རྩེར་དཔེར་བྱས་ལ། ཉིན་པར་གྱི་དུས་སུ་ཡང་བསྒོམས་པས། དེ་ཁོ་ནའི་རྟོགས་པ་ལྷག་པར་ཆེ་བ་འབྱུང་ངོ་། །དེ་ནི་རྨི་ལམ་དུ་འཁྱེར་བ་སྟེ་ཚེ་འདི་ལ་བསླབ་པའོ།། །།རིམ་ལྔ་གནད་གཅིག་མ་ཞེས་བྱ་བ་ལགས། བླ་མ་དམ་པ་རྣམས་ལ་ཕྱག་འཚལ་ལོ། །ཕ་རྒྱུད་མ་རྒྱུད་ཀྱི་སྒོམ་མན་ངག་ཡིན་ཡང་། རྫོགས་རིམ། རིམ་པ་ལྔ་གདན་ཐོག་གཅིག་ལ་སྒོམ་པའི་མན་ངག་གཅིག །བླ་མའི་ཞལ་གྱི་གདམས་པ་ལ་བརྟེན་ནས། རང་གི་བརྗེད་བྱང་ཙམ་དུ་བྲི་བར་བྱའོ། །སྐྱ་རེངས་དང་པོ་ཤར་ནས། ཉི་མ་རྩེ་ཤར་ཚུན་ཆོད་རོ་ཧི་ཏའི་དུས་བྱ་བ་ཡིན་པས། དུས་དེར་ལངས་ལ། རླུང་སྦྱང་བར་བྱ་སྟེ། གདན་འབོལ་བ་གཅིག་ལ་སྐྱིལ་ཀྲུང་ཙོག་པུའམ། ཇི་ལྟར་བདེ་བར་འདུག་ལ་སྣང་སྟོང་དབྱེར་མེད་དུ་བསྒོམ། དེའི་ངང་ལས་ཨོཾ་ཨཱཿཧཱུཾ་ཞེས་བརྗོད་པས། སྟོང་པའི་རང་སྒྲ་ཕྱུང་བར་བསམ། རང་གིས་ཀྱང་ལན་ཅིག་བརྗོད་པས། ༼༣བ༽གང་སྒོམ་པའི་གཞལ་ཡས་ཁང་གདན་དང་བཅས་པ་བསྐྱེད། ཡང་ལན་གཅིག་བརྗོད་པས། ལྷའི་སྐུ་གཙོ་བོ་ཡབ་ཡུམ་བསམ། ཡང་ན་འཁོར་དང་བཅས་པ་སྐུ་རྫོགས་པར་བསྐྱེད། ཡང་ལན་གཅིག་བརྗོད་པས། རྒྱན་ཆ་ལུགས་གསལ་བར་བསྐྱེད་ལ། ཧཱུཾ་ལས་འོད་ཟེར་དང་། ཨཱ་བེ་ཤ་ཡ་ཨཱཿཞེས་པས་ཡེ་ཤེས་པ་བསྟིམ། སྐུ་གསུང་ཐུགས་བྱིན་གྱིས་བརླབས། དེ་ནས། སྙིང་ཀར་པདྨ་འདབ་མ་བརྒྱད་མུ་ཁྱུད་དང་བཅས་པ་བསྐྱེད། པད་འདབ་ལ་ཀཱ་ལི། དེའི་མུ་ཁྱུད་ལ་ཨཱ་ལི། དེའི་ནང་གི་མུ་ཁྱུད་ལ་ཕྱོགས་བཞི་ལ། རྀ་རཱྀ་ལྀ་ལཱྀ། དབུས་ཀྱི་ལྟེ་བ་ལ་ཆོས་འབྱུང་དམར་པོ་ལ་ནང་དུ། ཨཱཿདཀར་པོ་ཤེལ་ཆག་གི་དུམ་བུ་འདྲ་བ་ཞིག་བསམ། རིག་ལྔ་གདན་གཅིག་ལ་སྒོམ་པའི་དང་པོ་རྡོ་རྗེའི་བཟླས་པ་བྱ་སྟེ། རླུང་ཕྱིར་རྒྱུ་བ་ལ་མི་མནན། ནང་དུ་ལོག་པའི་མཚམས་སུ། འཇམ་རླུང་ཁད་ཀྱིས་མནན་ཏེ། དེ་ལ་ནན་གྱིས་བསྒོམས་པས། ཕྱིར་འགྲོ་དུས་ཧཱུཾ། ནང་དུ་འོང་དུས་ཨོཾ། གནས་པའི་དུས་སུ་ཨཱཿདཀར་པོ་ལ་གཏད་ལ་བསྒོམ། དེ་ནས་དབུགས་མི་ཐུབ་ན་རླུང་ཁད་ཀྱིས་གཞིལ་ལོ། །དེ་ལྟར་གཏད་ཅིང་བསྒོམས་པས། སྤྲིན་བར་གྱི་ཉི་མ་བཞིན་དུ། རེས་གསལ་རེས་མི་གསལ་ཙམ་འོད། དེ་ནས་ཨཱཿལ་བརྟེན་པར་སེམས་ཟིན་པ་དེ་སེམས་ལ་དམིགས་པ། དེ་ནས་ཨཱཿཆ་ཕྲི་ནས་ཇེ་ཕྲ་ཇེ་ཕྲ་ལ་དབྱུག་པའམ། རྒྱ་ཁབ་འབྲིང་པོ་ཙམ་དཀར་ལྡེམ་མེ་བ་ལ་སེམས་གཟུང་། དེ་ནས་སྐྲ་རྩེ་ཙམ་ལ་སེམས་གཏད། དེ་ལ་བརྟེན་ནས་སྒྱུ་ལུས། དེ་ནས་སྐྲ་རྩེ་བརྒྱར་གཤགས་པ་ཡང་མེད་པར་སོང་བ་འོད་གསལ། འདི་ལ་དྲན་རིག་ཏུ་འཕྲོ་ཙ་ན། དེ་རང་ལ་སེམས་གཏད་ནས། དེ་རང་བཞིན་མེད་པར་འོད་གསལ་དུ་ཁྲོགས་ཀྱིས་འགྲོ་ཙ་ན། དྲན་རིག་གི་ཤེས་པ་འོད་གསལ་དུ་འཆར་བ་དེ་ལ། ཟུང་༼༤ན༽འཇུག་ཆ་གཅིག་རྟོགས་པའོ། །འོད་གསལ་དེ་ལས་རྟོགས་པ་དང་ལྡན་ན། དེ་ལྟར་ཡང་སྣང་ལ་རང་བཞིན་མེད་ཙ་ན། གཟུང་བ་དང་། འཛིན་པ་དང་། གཟུང་འཛིན་གཉིས་ཀ་དང་། སེམས་དང་། སེམས་ལས་བྱུང་བ་ཐམས་ཅད་སྟོང་པ་འོད་གསལ་བར་རྟོགས་ཙ་ན་ཟུང་འཇུག་གོ །ཐུན་མཚམས་སུ་ལྡང་ཙ་ན། ཤིན་ཏུ་ཆ་ཕྲ་བའི་ཨཱཿལས། སྐྲ་རྩེ་ནས་དབྱུག་པ། དེ་ནས་ཨཱཿདེ་ནས་ལྷའི་སྐུར་ལངས་ལ་སྤྱོད་ལམ་བྱའོ། །ཕྱི་ནས་སེམས་འཛིན་ན། སྔོན་ལ་ཀཱ་ལི་ལ། དེ་ལ་སེམས་བརྟན་ནས་ཨཱ་ལི་ལ། དེ་ལས་གསལ་ནས་རྀ་རཱྀ་ལ་སྤོ། དེ་ནས་ཨཱཿལ་གཏད། དེ་ལ་བརྟན་ནས་ཨཱཿཆ་ཕྲི་ནས། ཇེ་ཕྲ་ལ་སྟོང་པར་སྒོམ་པ་གོང་བཞིན་ནོ། །སེམས་སྣང་བ་གསུམ་གྱི་དབང་དུ་བྱས་ན། ཨཱཿའི་དུས་ན་སྣང་བ། དབྱུག་པའི་དུས་ན་མཆེད་པ། སྐྲ་རྩེའི་དུས་ན་སྣང་བ་ཉེ་བར་ཐོབ་པའོ། །སེམས་སྟོང་པ་གསུམ་དང་སྦྱར་ན། ཨཱཿཡི་དུས་ན་སྟོང་པ། དབྱུག་པའི་དུས་ན་སྟོང་པ་ཆེན་པོ། སྐྲ་རྩེའི་དུས་ན་ཤིན་ཏུ་སྟོང་པ་ཆེན་པོའོ། །དག་པ་གསུམ་ཡང་དེ་དང་སྦྱར་རོ། །རང་བཞིན་བརྒྱད་ཅུའི་གནས་ལུགས་ནི། རྡོ་རྗེ་བཟླས་པའི་དུས་སུ་སུམ་ཅུ་རྩ་གསུམ་འགག །སེམས་ལ་དམིགས་པའི་དུས་སུ་བཞི་བཅུ་འགག །སྒྱུ་ལུས་ཀྱི་དུས་སུ་བདུན་འགག་གོ །དེ་ལྟར་རིམ་པ་ལྔ་གདན་གཅིག་ལ་བསྒོམས་ནས། དེ་ལ་འཕོ་བ་ལག་ལེན་དུ་བཏགས་ནས་བསྒོམས་པ་ཡིན་ནོ། །ཞེས་བླ་མས་གསུང་ངོ་། །རིམ་པ་ལྔ་གདན་གཅིག་ལ་བསྒོམས་པའི་མན་ངག་གོ། ༈ །།སྒྱུ་ལུས་མཁན་མཛོད་མ་ཞེས་བྱ་བ་ལགས། བླ་མ་དམ་པ་རྣམས་ལ་ཕྱག་འཚལ་ལོ། །ནཱ་རོ་ཆེན་པོའི་རྒྱུད་ལུང་གི་གདམས་ངག་ནི། གསང་བའི་དབང་གི་དུས་དག་ཏུ། །མེ་ལོང་དྲི་མ་མེད་པ་ལ། ༼༤བ༽།རྡོ་རྗེ་སེམས་དཔའ་ལེགས་བྲིས་ཏེ། །དེ་ཡི་གཟུགས་བརྙན་སྣང་དང་མཚུངས། །ཞེས་བྱ་བའི་གདམས་ངག་ནི། སློབ་དཔོན་གྱིས་འབོགས་པར་བྱ་སྟེ། ཁང་པ་ཕྱོགས་ཕྱེད་པ་ལ་ཞལ་ལ་སོགས་པ་ལེགས་པར་བྱས་པ་གཅིག་གི་དབུས་སུ། བཙོད་ཁུ་ཟངས་གང་བཞག །ཕྱོགས་བཞིར་མེ་ལོང་རྙིང་མ་བཞི་དང་། རལ་གྲི་སྣ་མ་བཞི་བཞག །ཁང་པ་དེའི་ཤར་ཕྱོགས་སུ་བུག་པ་གྲུ་བཞི་གཅིག་བཞག །ནུབ་ཕྱོགས་སུ་རས་བཏགས་པ་གཅིག་ལ་རྡོ་རྗེ་སེམས་དཔའི་གཟུགས་བརྙན། སྐུ་མདོག་དཀར་པོ་ཞལ་གཅིག་ཕྱག་གཉིས་པ་རྡོ་རྗེ་དྲིལ་བུ་འཛིན་པ་ཅིག་བྲིས་ལ་དགྲམ་མོ། །དེ་ནས་ནངས་པར་ཉི་མ་རྩེ་ཤར་གྱི་དུས་སུ་ཤར་ཕྱོགས་ཀྱི་བུག་པའི་ཉི་མ། ནུབ་ཕྱོགས་ཀྱི་རྡོ་རྗེ་སེམས་དཔའི་སྐུ་ལ་ཕོག་པས། དེའི་འོད་ཟེར་བཙོད་ཁུ་དང་མེ་ལོང་དང་རལ་གྲི་རྣམས་ལ་ཕོག་པས། ཁང་པའི་ནང་ཐམས་ཅད་རྡོ་རྗེ་སེམས་དཔའི་སྐུ་སྒྱུ་མ་ལྟ་བུ་སྣང་ལ་རང་བཞིན་མེད་པས་གང་བར་མཐོང་ངོ་། །དེ་སློབ་དཔོན་གྱིས། སློབ་མ་ལ་བསྟན་ནས། ཁྱོད་ཀྱིས་རྡོ་རྗེ་སེམས་དཔའི་སྐུ་སྣང་ལ་རང་བཞིན་མེད་པ་འདི་ལྟ་བུ་ཅིག་སྒོམས་ཤིག་ཅེས་གདམས་ངག་འབོགས་སོ། །དེ་སློབ་མས་བསྒོམ་པ་ནི། མཉམ་བཞག་ལ་སྒྱུ་མ་ལྟ་བུའི་རྡོ་རྗེ་སེམས་པའི་སྐུར་བསྒོམ། རྗེས་ཐོབ་ལ་དངོས་པོ་དང་བྱ་བ་ཐམས་ཅད་སྒྱུ་མ་ལྟ་བུར་སྒོམ་པའོ། །དེ་ལྟར་བསྒོམས་པས། མཉམ་རྗེས་མེད་པར་རང་རིག་པའི་ཤེས་པ་དེ། ཡང་དག་ཏུ་འཛིན་པའི་བློ་སྐད་ཅིག་ཀྱང་མི་སྐྱེ་བར། སྒྱུ་མ་ལྟ་བུ་སྣང་ལ་རང་བཞིན་མེད་པར་རྟོགས་ཙ་ན། སྒྱུ་མ་ལྟ་བུར་མཐར་ཕྱིན་པ་ཡིན་ཏེ། སྤངས། ཐོབ། རྟོགས་པ་གསུམ་དེའི་དུས་སུ་འབྱུང་ངོ་། །སྤངས་པ་ནི། སེམས་རང་རིག་དེ་དོན་དམ་དུ་འཛིན་ཡང་དག་ཏུ་འཛིན། བདེན་པར་འཛིན་པ་དེ་སྤངས་པའོ། །ཐོབ་པ་ནི་འོད་གསལ་མངོན་༼༥ན༽དུ་བྱེད་པའི་རྟེན་ཐོབ་པའོ། །རྟོགས་པ་ནི། རང་རིག་དེ་སྒྱུ་མ་ལྟ་བུར་རྟོགས་པའོ། །རྟོགས་པ་ལ་གསུམ་སྟེ། ཚེ་འདི་ཉིད་ལ་སངས་རྒྱ་བར་བསྟན་པ་དང་། ནམ་མཁའ་མཛོད་ཀྱི་ཏིང་ངེ་འཛིན་ཐོབ་པ་དང་། རྨི་ལམ་དུ་སངས་རྒྱས་པའི་དབང་བསྐུར་བས། དབང་རྫས་གཉིད་སད་ཙ་ན་ལག་ཏུ་འོང་བ་ཡིན་གསུང་། མེ་ལོང་ནང་གི་གཟུགས་བརྙན་གྱིས། །སྒྱུ་མའི་ལུས་འདི་ཤེས་པར་བྱ། །ཁ་དོག་རྣམས་ནི་འཇའ་ལྟ་བུ། །ཁྱབ་པ་ཆུ་ཡི་ཟླ་བས་སོ། །དངོས་དང་དངོས་མེད་ལས་གྲོལ་བ། །ནམ་མཁའ་ལ་ནི་འཇའ་ཚོན་ལྟར། །ཁྱོད་ཀྱི་སྐུ་ནི་རྟོགས་པར་མཛོད། །ལོངས་སྤྱོད་རྫོགས་པའི་སྐུ་ལ་ཡང་། །ཆུ་ཟླ་བཞིན་དུ་བཟུང་དུ་མེད། །ཆོས་རྣམས་ཀུན་ལ་གནས་པ་མེད། །སྐུ་ནི་ལྟ་བས་མི་ངོམས་པས། །རྡོ་རྗེ་སྐུ་ལའང་དེ་ཉིད་ཡིན།། ༈ རིགས་གསུམ་གཏུམ་མོའི་མན་ངག་ལགས། བླ་མ་རྣམས་ལ་ཕྱག་འཚལ་ལོ། །དེ་ལ་གཏུམ་མོ་ལ་གསུམ་སྟེ། ལས་ཀྱི་གཏུམ་མོ། འབར་བའི་གཏུམ་མོ། ཕྱག་རྒྱ་ཆེན་པོའི་གཏུམ་མོའོ། །དང་པོ་ནི། མདའ་ལྟར་བསྲང་བ་དང་། རྒྱ་མདུད་ལྟར་དུམ་ཅིག་བསྡམ་པ་དང་། རེའུ་མིག་ལྟར་བསྣོལ་བ་དང་། ལྟེ་བ་ནས་སོར་བཞི་ན་རྩ་ཨ་དྷཱུ་ཏི་ན་རང་བཞིན་གྱིས་མེ་ཚོན་གང་བ་ཞིག་གནས། ཤད་ལྟ་བུ་ཞིག་བསམས་ཏེ། མ་བསྒོམ་ཙ་ན་ཨར་གནས། བསྒོམ་ན་མེ་ཚོན་གང་བ་གཅིག་ཏུ་བསྒོམས་ཏེ། དེ་ལ་རྟགས་གསུམ་རྩ་སྒོ་བྱེ་བའི་རྟགས། ཨ་ཝ་དྷཱུ་ཏིར་རླུང་ཚུད་པའི་རྟགས་ཕྱི་རྟགས་ལུས་བདེ་ཡང་བ། ནང་རྟགས་དབུགས་འཇམ་པའོ།། ནང་རིག་པ་ཡེ་ཤེས་སུ་ཤར་བའི་རྟགས་སོ། །དེ་ལ་དྲོད་སྐྱེ་སྟེ། ལུས་ལ་ཕྱི་དྲོད་སྐྱེས་པ་དང་།ཤིག་མི་ཟ་བ་དང་། མདངས་གསལ་བ་དང་། ལུས་ལ་ནང་དྲོད་སྐྱེས་པ་དང་།སྲིན་བུ་རྣམས་༼༥བ༽ ཕྱིར་བཟློག ལུས་ཕྱི་ནང་མེད་པར་ཕྱི་ནང་ཉམས་བདེ་བ་དང་། དྲོད་སྐྱེས་པའོ། །དྲོད་རྟགས་མ་བྱུང་བར་དུ་སྒོམ་མོ། །འབར་བའི་གཏུམ་མོ་ནི། ལུས་བསྲང་རྒྱ་མདུད་ལྟར་རང་སོར་བསྡམ། རེའུ་མིག་ལྟར་དྲང་པོར་བསྣོལ། ཡེ་ཤེས་ཀྱི་མེ་ཚོན་གང་ཤེས་པ་གསལ་བར་འདོད་ན། བ་ཡར་དྲག་ཏུ་འབར་བས། ཚངས་པའི་བུ་གར་སླེབ་པར་སྒོམ་མོ། །དེ་ལ་ཚད་གསུམ་སྟེ། རྩ་ལས་སུ་རུང་བའི་ཚད།ལུས་ཡང་ཞིང་ཡོད་དུ་མི་ཚོར་བ། རླུང་ལས་སུ་རུང་བའི་ཚད།སྣང་སྲིད་སེམས་སུ་ཤེས་པ། སེམས་ལས་སུ་རུང་བའི་ཚད་དོ།རྟོགས་པ་ཡེ་ཤེས་སུ་འཆར་བ། །ཚད་དུ་མ་ཕྱིན་བར་དུ་བསྡམ་ཞིང་སྦར་རོ། །ཚད་དུ་ཕྱིན་པ་དང་། ཕྱག་རྒྱ་ཆེན་རྒྱས་གདབ་པ། པོའི་གཏུམ་མོ་ནི། ཅི་ཡང་ཡིད་ལ་མི་བྱེད་པ་སྟེ།འབྲས་བུ། རྩ་ཡིད་ལ་མི་བྱ།གསུམ་ཀ རླུང་ཡིད་ལ་མི་བྱ།མི་སྡོམ། མེ་ཡིད་ལ་མི་བྱ། འཇུག་པ་གཞན་ལ་མ་ལྟོས་པ་དང་། འབྱུང་བ་ཆོས་དབྱིངས། ལ་མ་ལྟོས་པ་དང་། སྣང་བ་གཞན་ལ་མ་མེ་ལོང་ལྟ་བུ། ལྟོས་པ་དང་། མཉམ་ཉིད་སྟོང་པ་གཞན་ལ་མ་ལྟོས་པ་དང་། བདེ་བ་སོ་སོར་རྟོག་པ། གཞན་ལ་མ་ལྟོས་པ་དང་། ཟུང་བྱ་བ་ནན་ཏན། འཇུག་དང་འོད་གསལ་ཆེན་པོར་འགྱུར་རོ། །དེ་ཉིད་དབུ་མའི་དོན། སྒོམ་པ་དང་། སྦྱོང་བས་ལམ་དུ་འཁྱེར་བར་བྱ་སྟེ། སྤྱོད་ལམ་ཕྱག་རྒྱ་ཆེན་པོའི་དོན། དང་མ་བྲལ་ན། རྨི་ལམ་ཚོགས་ཆེན་གྱི་དོན་ཁོ་ན་འཆད། དུ་གཏན་ལ་དབབ། རྨི་ལམ་སྣང་བ་བར་དོ་གསུམ་ཁྱད་མེད་པར། ཅི་འདྲ་བར་ཤེས་པ་དང་། གཏུམ་མོ་བསྒོམས་པས་དྲོད་རྟགས། དྲོད་མི་སྐྱེ་མི་སྲིད། དེ་ནས་རྣམ་རྟོག་མི་འགག་མི་སྲིད། དེ་ནས་ཡེ་ཤེས་མི་འཆར་མི་སྲིད། དེ་ནས་སངས་མི་རྒྱ་མི་སྲིད་དོ། །གཏུམ་མོའི་ལམ་རིམ་མོ། །བྱང་ཆུབ་མཆོག་ཏུ་སེམས་བསྐྱེད་པའི་ཨུ་པ་དེ་ཤ། བླ་མ་རྣམས་ལ་༼༦ན༽ཕྱག་འཚལ་ལོ། །བྱང་ཆུབ་སེམས་ཀྱི་མན་ངག་ནི། །གླིང་བཞི་རྐང་ལག བསྡུས་ལ་རྒྱ་མཚོ་བྲག་ལྟོ་བ་སྒལ་པ་ལ། ལ་གཏད། །དར་ཆེན་ལྕེ་རྩེ། འཕྱར་ལ་ཆུ་མིགམིག་གཉིས། གྱེན་ལ་བཟློག །འོག་རླུང་དགྱེན་ཧཱུཾ་གིས། ལ་དྲངས་ལ་སྙིང་གར་ཕྱིན། །སྟག་མོའི་མཆོང་སྟངས་ལུས་སྤྲུག ཁྱི་མོའི་སྐྱུག་ཧག་ཧག ཚུལ་བྱ། །ཡི་དྭགས་ཀྱི་རྐང་རྐང་ལག་གཡབ། སྟེང་སྣ་གཉིས། འོག་སྲིན་པོའི་སྒོ། རླུང་གིས་བསྡམ་པར་བཤད། དེ་ནི་བཟུང་བའི་མན་ངག་གོ །རྩ་མིག་དགག་པའི་མན་ངག་ནི། །ཆུ་སྣོད་གཡས་གཡོན་ལན་གསུམ་གཅུ། །ཁྱི་མོའི་སྐྱུག་ཚུལ་ལན་གསུམ་དང་། །སེང་གེའི་སྟང་སྟབས་ལན་གསུམ་བྱ།སིག་སིག །ལུས་ལ་ཁྱབ་པར་བྱ་བ་ནི། །དཔུང་པ་གཡོན་པའི་སྟེང་དག་ཏུ། །ཨོལ་མདུད་ལན་གསུམ་གཅུས་ཤིང་བཞག །ལུས་ཀུན་ལ་ནི་ཁྱབ་པར་འགྱུར། །བླ་མ་རིན་པོ་ཆེ་དྭགས་པོ་ལྷ་རྗེའི་མན་ངག་ཟབ་མོའོ།། །།

YOU MAY ALSO LIKE

༼༡ན༽ཟླ་འོད་གཞོན་ནུས་མཛད་པའི་བཅུད་བསྡུས་བཞུགས་སོ། །

༼༡ན༽ཆོས་རྗེ་དྭགས་པོ་ལྷ་རྗེའི་གསུང་། བསྟན་བཅོས་གྲོས་འདེབས་བདུད་རྩིའི་ཕྲེང་བ་དང་

༼༡ན༽ཆོས་རྗེ་དྭགས་པོ་ལྷ་རྗེའི་གསུང་། བཀའ་ཚོམས་དང་ཕྱག་རྒྱ་ཆེན་པོ་ལྔ་ལྡན།

༼༡ན༽ཆོས་རྗེ་དྭགས་པོ་ལྷ་རྗེའི་གསུང་། གནས་ལུགས་གཉིས་ཀྱི་མན་ངག་དང་

༼༡ན༽ཆོས་རྗེ་དྭགས་པོ་ལྷ་རྗེའི་གསུང་། བསླབ་གསུམ་རྣམ་གཞག་ལ་སོགས་པ་བཞུགས་སོ། །

༼༡ན༽ཆོས་རྗེ་དྭགས་པོ་ལྷ་རྗེའི་གསུང་སྒྲོས་དུམ་སྒྲིགས་མ་བཞུགས་སོ། །