| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೮. ಗಹಟ್ಠವನ್ದನಾಸುತ್ತವಣ್ಣನಾ
8. Gahaṭṭhavandanāsuttavaṇṇanā
೨೬೪. ಪುಥುದ್ದಿಸಾತಿ ಬಹುದಿಸಾ। ಕಾ ಪನ ತಾತಿ ಆಹ ‘‘ಚತಸ್ಸೋ ದಿಸಾ ಚತಸ್ಸೋ ಅನುದಿಸಾ ಚಾ’’ತಿ। ಅನುದಿಸಾಗಹಣೇನ ಚೇತ್ಥ ಉದ್ಧಂ ಅಧೋಪಿ ಗಯ್ಹತೀತಿ ಚ ದಸ್ಸೇತಿ। ಭೂಮಿವಾಸಿನೋತಿ ಭೂಮಿಪಟಿಬದ್ಧವುತ್ತಿನೋ। ಏತೇನ ರುಕ್ಖಪಬ್ಬತನಿವಾಸಿನೋಪಿ ಗಹಿತಾ ಹೋನ್ತಿ। ಚಿರರತ್ತಸಮಾಹಿತಚಿತ್ತೇತಿ ಉಪಚಾರಪ್ಪನಾಝಾನಾನಿ ಉಪ್ಪಾದೇತ್ವಾ ಅಪರಿಹೀನಜ್ಝಾನತಾಯ ಚಿರಕಾಲಂ ಸಮಾಹಿತಚಿತ್ತೇ। ಆಪಾಣಕೋಟಿಕನ್ತಿ ಜೀವಿತಪರಿಯನ್ತಂ ಯಾವಜೀವಂ। ಏವಮಾದೀತಿ ಆದಿ-ಸದ್ದೇನ ಅವಸೇಸಪುಞ್ಞಕಿರಿಯವತ್ಥೂನಿ ಸಙ್ಗಣ್ಹಾತಿ। ನಿಚ್ಚಸೀಲವಸೇನ ಪಞ್ಚಹಿ, ನಿಯಮಸೀಲವಸೇನ ದಸಹಿ। ಪಿ-ಸದ್ದೇನ ತತೋ ಕತಿಪಯೇಹಿ ಉಪೋಸಥಸೀಲವಸೇನ ಅಟ್ಠಹಿಪೀತಿ ದಸ್ಸೇತಿ। ಧಮ್ಮಿಕೇಹೀತಿ ಧಮ್ಮತೋ ಅನಪೇತೇಹಿ। ಪಮುಖೋತಿ ಪಮೋಕ್ಖೋ।
264.Puthuddisāti bahudisā. Kā pana tāti āha ‘‘catasso disā catasso anudisā cā’’ti. Anudisāgahaṇena cettha uddhaṃ adhopi gayhatīti ca dasseti. Bhūmivāsinoti bhūmipaṭibaddhavuttino. Etena rukkhapabbatanivāsinopi gahitā honti. Cirarattasamāhitacitteti upacārappanājhānāni uppādetvā aparihīnajjhānatāya cirakālaṃ samāhitacitte. Āpāṇakoṭikanti jīvitapariyantaṃ yāvajīvaṃ. Evamādīti ādi-saddena avasesapuññakiriyavatthūni saṅgaṇhāti. Niccasīlavasena pañcahi, niyamasīlavasena dasahi. Pi-saddena tato katipayehi uposathasīlavasena aṭṭhahipīti dasseti. Dhammikehīti dhammato anapetehi. Pamukhoti pamokkho.
ಗಹಟ್ಠವನ್ದನಾಸುತ್ತವಣ್ಣನಾ ನಿಟ್ಠಿತಾ।
Gahaṭṭhavandanāsuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೮. ಗಹಟ್ಠವನ್ದನಾಸುತ್ತಂ • 8. Gahaṭṭhavandanāsuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೮. ಗಹಟ್ಠವನ್ದನಾಸುತ್ತವಣ್ಣನಾ • 8. Gahaṭṭhavandanāsuttavaṇṇanā
