| Library / Tipiṭaka / తిపిటక • Tipiṭaka / సంయుత్తనికాయ (టీకా) • Saṃyuttanikāya (ṭīkā) |
౮. గహట్ఠవన్దనాసుత్తవణ్ణనా
8. Gahaṭṭhavandanāsuttavaṇṇanā
౨౬౪. పుథుద్దిసాతి బహుదిసా. కా పన తాతి ఆహ ‘‘చతస్సో దిసా చతస్సో అనుదిసా చా’’తి. అనుదిసాగహణేన చేత్థ ఉద్ధం అధోపి గయ్హతీతి చ దస్సేతి. భూమివాసినోతి భూమిపటిబద్ధవుత్తినో. ఏతేన రుక్ఖపబ్బతనివాసినోపి గహితా హోన్తి. చిరరత్తసమాహితచిత్తేతి ఉపచారప్పనాఝానాని ఉప్పాదేత్వా అపరిహీనజ్ఝానతాయ చిరకాలం సమాహితచిత్తే. ఆపాణకోటికన్తి జీవితపరియన్తం యావజీవం. ఏవమాదీతి ఆది-సద్దేన అవసేసపుఞ్ఞకిరియవత్థూని సఙ్గణ్హాతి. నిచ్చసీలవసేన పఞ్చహి, నియమసీలవసేన దసహి. పి-సద్దేన తతో కతిపయేహి ఉపోసథసీలవసేన అట్ఠహిపీతి దస్సేతి. ధమ్మికేహీతి ధమ్మతో అనపేతేహి. పముఖోతి పమోక్ఖో.
264.Puthuddisāti bahudisā. Kā pana tāti āha ‘‘catasso disā catasso anudisā cā’’ti. Anudisāgahaṇena cettha uddhaṃ adhopi gayhatīti ca dasseti. Bhūmivāsinoti bhūmipaṭibaddhavuttino. Etena rukkhapabbatanivāsinopi gahitā honti. Cirarattasamāhitacitteti upacārappanājhānāni uppādetvā aparihīnajjhānatāya cirakālaṃ samāhitacitte. Āpāṇakoṭikanti jīvitapariyantaṃ yāvajīvaṃ. Evamādīti ādi-saddena avasesapuññakiriyavatthūni saṅgaṇhāti. Niccasīlavasena pañcahi, niyamasīlavasena dasahi. Pi-saddena tato katipayehi uposathasīlavasena aṭṭhahipīti dasseti. Dhammikehīti dhammato anapetehi. Pamukhoti pamokkho.
గహట్ఠవన్దనాసుత్తవణ్ణనా నిట్ఠితా.
Gahaṭṭhavandanāsuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౮. గహట్ఠవన్దనాసుత్తం • 8. Gahaṭṭhavandanāsuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౮. గహట్ఠవన్దనాసుత్తవణ్ణనా • 8. Gahaṭṭhavandanāsuttavaṇṇanā
