| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੧. ਗਗ੍ਗਰਾਸੁਤ੍ਤਂ
11. Gaggarāsuttaṃ
੨੧੯. ਏਕਂ ਸਮਯਂ ਭਗવਾ ਚਮ੍ਪਾਯਂ વਿਹਰਤਿ ਗਗ੍ਗਰਾਯ ਪੋਕ੍ਖਰਣਿਯਾ ਤੀਰੇ ਮਹਤਾ ਭਿਕ੍ਖੁਸਙ੍ਘੇਨ ਸਦ੍ਧਿਂ ਪਞ੍ਚਮਤ੍ਤੇਹਿ ਭਿਕ੍ਖੁਸਤੇਹਿ ਸਤ੍ਤਹਿ ਚ ਉਪਾਸਕਸਤੇਹਿ ਸਤ੍ਤਹਿ ਚ ਉਪਾਸਿਕਾਸਤੇਹਿ ਅਨੇਕੇਹਿ ਚ ਦੇવਤਾਸਹਸ੍ਸੇਹਿ। ਤ੍ਯਾਸ੍ਸੁਦਂ ਭਗવਾ ਅਤਿਰੋਚਤਿ 1 વਣ੍ਣੇਨ ਚੇવ ਯਸਸਾ ਚ। ਅਥ ਖੋ ਆਯਸ੍ਮਤੋ વਙ੍ਗੀਸਸ੍ਸ ਏਤਦਹੋਸਿ – ‘‘ਅਯਂ ਖੋ ਭਗવਾ ਚਮ੍ਪਾਯਂ વਿਹਰਤਿ ਗਗ੍ਗਰਾਯ ਪੋਕ੍ਖਰਣਿਯਾ ਤੀਰੇ ਮਹਤਾ ਭਿਕ੍ਖੁਸਙ੍ਘੇਨ ਸਦ੍ਧਿਂ ਪਞ੍ਚਮਤ੍ਤੇਹਿ ਭਿਕ੍ਖੁਸਤੇਹਿ ਸਤ੍ਤਹਿ ਚ ਉਪਾਸਕਸਤੇਹਿ ਸਤ੍ਤਹਿ ਚ ਉਪਾਸਿਕਾਸਤੇਹਿ ਅਨੇਕੇਹਿ ਚ ਦੇવਤਾਸਹਸ੍ਸੇਹਿ। ਤ੍ਯਾਸ੍ਸੁਦਂ ਭਗવਾ ਅਤਿਰੋਚਤਿ વਣ੍ਣੇਨ ਚੇવ ਯਸਸਾ ਚ। ਯਂਨੂਨਾਹਂ ਭਗવਨ੍ਤਂ ਸਮ੍ਮੁਖਾ ਸਾਰੁਪ੍ਪਾਯ ਗਾਥਾਯ ਅਭਿਤ੍ਥવੇਯ੍ਯ’’ਨ੍ਤਿ।
219. Ekaṃ samayaṃ bhagavā campāyaṃ viharati gaggarāya pokkharaṇiyā tīre mahatā bhikkhusaṅghena saddhiṃ pañcamattehi bhikkhusatehi sattahi ca upāsakasatehi sattahi ca upāsikāsatehi anekehi ca devatāsahassehi. Tyāssudaṃ bhagavā atirocati 2 vaṇṇena ceva yasasā ca. Atha kho āyasmato vaṅgīsassa etadahosi – ‘‘ayaṃ kho bhagavā campāyaṃ viharati gaggarāya pokkharaṇiyā tīre mahatā bhikkhusaṅghena saddhiṃ pañcamattehi bhikkhusatehi sattahi ca upāsakasatehi sattahi ca upāsikāsatehi anekehi ca devatāsahassehi. Tyāssudaṃ bhagavā atirocati vaṇṇena ceva yasasā ca. Yaṃnūnāhaṃ bhagavantaṃ sammukhā sāruppāya gāthāya abhitthaveyya’’nti.
ਅਥ ਖੋ ਆਯਸ੍ਮਾ વਙ੍ਗੀਸੋ ਉਟ੍ਠਾਯਾਸਨਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ ਯੇਨ ਭਗવਾ ਤੇਨਞ੍ਜਲਿਂ ਪਣਾਮੇਤ੍વਾ ਭਗવਨ੍ਤਂ ਏਤਦવੋਚ – ‘‘ਪਟਿਭਾਤਿ ਮਂ, ਭਗવਾ, ਪਟਿਭਾਤਿ ਮਂ, ਸੁਗਤਾ’’ਤਿ। ‘‘ਪਟਿਭਾਤੁ ਤਂ, વਙ੍ਗੀਸਾ’’ਤਿ ਭਗવਾ ਅવੋਚ। ਅਥ ਖੋ ਆਯਸ੍ਮਾ વਙ੍ਗੀਸੋ ਭਗવਨ੍ਤਂ ਸਮ੍ਮੁਖਾ ਸਾਰੁਪ੍ਪਾਯ ਗਾਥਾਯ ਅਭਿਤ੍ਥવਿ –
Atha kho āyasmā vaṅgīso uṭṭhāyāsanā ekaṃsaṃ uttarāsaṅgaṃ karitvā yena bhagavā tenañjaliṃ paṇāmetvā bhagavantaṃ etadavoca – ‘‘paṭibhāti maṃ, bhagavā, paṭibhāti maṃ, sugatā’’ti. ‘‘Paṭibhātu taṃ, vaṅgīsā’’ti bhagavā avoca. Atha kho āyasmā vaṅgīso bhagavantaṃ sammukhā sāruppāya gāthāya abhitthavi –
‘‘ਚਨ੍ਦੋ ਯਥਾ વਿਗਤવਲਾਹਕੇ ਨਭੇ,
‘‘Cando yathā vigatavalāhake nabhe,
વਿਰੋਚਤਿ વਿਗਤਮਲੋવ ਭਾਣੁਮਾ।
Virocati vigatamalova bhāṇumā;
ਏવਮ੍ਪਿ ਅਙ੍ਗੀਰਸ ਤ੍વਂ ਮਹਾਮੁਨਿ,
Evampi aṅgīrasa tvaṃ mahāmuni,
ਅਤਿਰੋਚਸਿ ਯਸਸਾ ਸਬ੍ਬਲੋਕ’’ਨ੍ਤਿ॥
Atirocasi yasasā sabbaloka’’nti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੧. ਗਗ੍ਗਰਾਸੁਤ੍ਤવਣ੍ਣਨਾ • 11. Gaggarāsuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੧. ਗਗ੍ਗਰਾਸੁਤ੍ਤવਣ੍ਣਨਾ • 11. Gaggarāsuttavaṇṇanā
