| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਗਦ੍ਦੁਲਬਦ੍ਧਸੁਤ੍ਤવਣ੍ਣਨਾ
7. Gaddulabaddhasuttavaṇṇanā
੯੯. ਸਤ੍ਤਮੇ ਯਂ ਮਹਾਸਮੁਦ੍ਦੋਤਿ ਯਸ੍ਮਿਂ ਸਮਯੇ ਪਞ੍ਚਮੇ ਸੂਰਿਯੇ ਉਟ੍ਠਿਤੇ ਮਹਾਸਮੁਦ੍ਦੋ ਉਸ੍ਸੁਸ੍ਸਤਿ। ਦੁਕ੍ਖਸ੍ਸ ਅਨ੍ਤਕਿਰਿਯਨ੍ਤਿ ਚਤ੍ਤਾਰਿ ਸਚ੍ਚਾਨਿ ਅਪ੍ਪਟਿવਿਜ੍ਝਿਤ੍વਾ ਅવਿਜ੍ਜਾਯ ਨਿવੁਤਾਨਂਯੇવ ਸਤਂ વਟ੍ਟਦੁਕ੍ਖਸ੍ਸ ਅਨ੍ਤਕਿਰਿਯਂ ਪਰਿਚ੍ਛੇਦਂ ਨ વਦਾਮਿ। ਸਾ ਗਦ੍ਦੁਲਬਦ੍ਧੋਤਿ ਗਦ੍ਦੁਲੇਨ ਬਦ੍ਧਸੁਨਖੋ। ਖੀਲੇਤਿ ਪਥવਿਯਂ ਆਕੋਟਿਤੇ ਮਹਾਖੀਲੇ। ਥਮ੍ਭੇਤਿ ਨਿਖਣਿਤ੍વਾ ਠਪਿਤੇ ਥਮ੍ਭੇ। ਏવਮੇવ ਖੋਤਿ ਏਤ੍ਥ ਸੁਨਖੋ વਿਯ વਟ੍ਟਨਿਸ੍ਸਿਤੋ ਬਾਲੋ, ਗਦ੍ਦੁਲੋ વਿਯ ਦਿਟ੍ਠਿ, ਥਮ੍ਭੋ વਿਯ ਸਕ੍ਕਾਯੋ, ਗਦ੍ਦੁਲਰਜ੍ਜੁਯਾ ਥਮ੍ਭੇ ਉਪਨਿਬਦ੍ਧਸੁਨਖਸ੍ਸ ਥਮ੍ਭਾਨੁਪਰਿવਤ੍ਤਨਂ વਿਯ ਦਿਟ੍ਠਿਤਣ੍ਹਾਯ ਸਕ੍ਕਾਯੇ ਬਦ੍ਧਸ੍ਸ ਪੁਥੁਜ੍ਜਨਸ੍ਸ ਸਕ੍ਕਾਯਾਨੁਪਰਿવਤ੍ਤਨਂ વੇਦਿਤਬ੍ਬਂ। ਸਤ੍ਤਮਂ।
99. Sattame yaṃ mahāsamuddoti yasmiṃ samaye pañcame sūriye uṭṭhite mahāsamuddo ussussati. Dukkhassa antakiriyanti cattāri saccāni appaṭivijjhitvā avijjāya nivutānaṃyeva sataṃ vaṭṭadukkhassa antakiriyaṃ paricchedaṃ na vadāmi. Sā gaddulabaddhoti gaddulena baddhasunakho. Khīleti pathaviyaṃ ākoṭite mahākhīle. Thambheti nikhaṇitvā ṭhapite thambhe. Evameva khoti ettha sunakho viya vaṭṭanissito bālo, gaddulo viya diṭṭhi, thambho viya sakkāyo, gaddularajjuyā thambhe upanibaddhasunakhassa thambhānuparivattanaṃ viya diṭṭhitaṇhāya sakkāye baddhassa puthujjanassa sakkāyānuparivattanaṃ veditabbaṃ. Sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਗਦ੍ਦੁਲਬਦ੍ਧਸੁਤ੍ਤਂ • 7. Gaddulabaddhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਗਦ੍ਦੁਲਬਦ੍ਧਸੁਤ੍ਤવਣ੍ਣਨਾ • 7. Gaddulabaddhasuttavaṇṇanā
