| Library / Tipiṭaka / ਤਿਪਿਟਕ • Tipiṭaka / ਦ੍વੇਮਾਤਿਕਾਪਾਲ਼ਿ • Dvemātikāpāḷi |
੭. ਗਬ੍ਭਿਨੀવਗ੍ਗੋ
7. Gabbhinīvaggo
੧. ਗਬ੍ਭਿਨੀਸਿਕ੍ਖਾਪਦવਣ੍ਣਨਾ
1. Gabbhinīsikkhāpadavaṇṇanā
ਗਬ੍ਭਿਨਿવਗ੍ਗਸ੍ਸ ਪਠਮੇ ‘‘ਗਬ੍ਭਿਨੀ’’ਤਿ ਜਾਨਿਤ੍વਾ ਉਪਜ੍ਝਾਯਾਯ વੁਟ੍ਠਾਪੇਨ੍ਤਿਯਾ ਗਣਪਰਿਯੇਸਨਾਦੀਸੁ ਚ ਞਤ੍ਤਿਕਮ੍ਮવਾਚਾਦ੍વਯੇ ਚ ਦੁਕ੍ਕਟਂ, ਕਮ੍ਮવਾਚਾਪਰਿਯੋਸਾਨੇ ਪਾਚਿਤ੍ਤਿਯਂ।
Gabbhinivaggassa paṭhame ‘‘gabbhinī’’ti jānitvā upajjhāyāya vuṭṭhāpentiyā gaṇapariyesanādīsu ca ñattikammavācādvaye ca dukkaṭaṃ, kammavācāpariyosāne pācittiyaṃ.
ਸਾવਤ੍ਥਿਯਂ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਗਬ੍ਭਿਨਿਂ વੁਟ੍ਠਾਪਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਗਬ੍ਭਿਨਿਯਾ વੇਮਤਿਕਾਯ ਅਗਬ੍ਭਿਨਿਯਾ ਗਬ੍ਭਿਨਿਸਞ੍ਞਾਯ ਚੇવ વੇਮਤਿਕਾਯ ਚ ਦੁਕ੍ਕਟਂ। ਉਭੋਸੁ ਅਗਬ੍ਭਿਨਿਸਞ੍ਞਾਯ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਗਬ੍ਭਿਨਿਤਾ, ‘ਗਬ੍ਭਿਨੀ’ਤਿ ਜਾਨਨਂ, વੁਟ੍ਠਾਪਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਪਣ੍ਣਤ੍ਤਿવਜ੍ਜਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Sāvatthiyaṃ sambahulā bhikkhuniyo ārabbha gabbhiniṃ vuṭṭhāpanavatthusmiṃ paññattaṃ, gabbhiniyā vematikāya agabbhiniyā gabbhinisaññāya ceva vematikāya ca dukkaṭaṃ. Ubhosu agabbhinisaññāya, ummattikādīnañca anāpatti. Gabbhinitā, ‘gabbhinī’ti jānanaṃ, vuṭṭhāpananti imānettha tīṇi aṅgāni. Samuṭṭhānādīni adinnādānasadisāni, idaṃ pana paṇṇattivajjaṃ, ticittaṃ, tivedananti.
ਗਬ੍ਭਿਨੀਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Gabbhinīsikkhāpadavaṇṇanā niṭṭhitā.
੨. ਪਾਯਨ੍ਤੀਸਿਕ੍ਖਾਪਦવਣ੍ਣਨਾ
2. Pāyantīsikkhāpadavaṇṇanā
ਦੁਤਿਯੇ ਪਾਯਨ੍ਤਿਨ੍ਤਿ ਥਞ੍ਞਂ ਪਾਯਮਾਨਂ, ਯਂ ਪਾਯੇਤਿ, ਤਸ੍ਸ ਮਾਤਾ વਾ, ਧਾਤਿ વਾ। ਇਦਂ વਤ੍ਥੁਮਤ੍ਤਮੇવੇਤ੍ਥ વਿਸੇਸੋ, ਸੇਸਂ ਪਠਮਸਿਕ੍ਖਾਪਦਸਦਿਸਮੇવਾਤਿ।
Dutiye pāyantinti thaññaṃ pāyamānaṃ, yaṃ pāyeti, tassa mātā vā, dhāti vā. Idaṃ vatthumattamevettha viseso, sesaṃ paṭhamasikkhāpadasadisamevāti.
ਪਾਯਨ੍ਤੀਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Pāyantīsikkhāpadavaṇṇanā niṭṭhitā.
੩. ਪਠਮਸਿਕ੍ਖਮਾਨਸਿਕ੍ਖਾਪਦવਣ੍ਣਨਾ
3. Paṭhamasikkhamānasikkhāpadavaṇṇanā
ਤਤਿਯੇ ਦ੍વੇ વਸ੍ਸਾਨੀਤਿ ਪવਾਰਣਾવਸੇਨ ਦ੍વੇ ਸਂવਚ੍ਛਰਾਨਿ। ਛਸੁ ਧਮ੍ਮੇਸੂਤਿ ਪਾਣਾਤਿਪਾਤਾવੇਰਮਣਿਆਦੀਸੁ વਿਕਾਲਭੋਜਨਾવੇਰਮਣਿਪਰਿਯੋਸਾਨੇਸੁ ਛਸੁ ਸਿਕ੍ਖਾਪਦੇਸੁ। ਅਸਿਕ੍ਖਿਤਸਿਕ੍ਖਨ੍ਤਿ ਪਦਭਾਜਨੇ (ਪਾਚਿ॰ ੧੦੭੭) વੁਤ੍ਤਨਯੇਨੇવ ਅਦਿਨ੍ਨਸਿਕ੍ਖਂ વਾ ਕੁਪਿਤਸਿਕ੍ਖਂ વਾ। ਸਿਕ੍ਖਮਾਨਂ વੁਟ੍ਠਾਪੇਯ੍ਯਾਤਿ ਤੇਸੁ ਛਸੁ ਧਮ੍ਮੇਸੁ ਸਿਕ੍ਖਨਤੋ, ਤੇ વਾ ਸਿਕ੍ਖਾਸਙ੍ਖਾਤੇ ਧਮ੍ਮੇ ਮਾਨਨਤੋ ਏવਂਲਦ੍ਧਨਾਮਂ ਅਨੁਪਸਮ੍ਪਨ੍ਨਂ ਉਪਸਮ੍ਪਾਦੇਯ੍ਯ। ਪਾਚਿਤ੍ਤਿਯਨ੍ਤਿ ਪਠਮਸਿਕ੍ਖਾਪਦੇ વੁਤ੍ਤਨਯੇਨੇવ ਕਮ੍ਮવਾਚਾਪਰਿਯੋਸਾਨੇ ਪਾਚਿਤ੍ਤਿਯਂ।
Tatiye dve vassānīti pavāraṇāvasena dve saṃvaccharāni. Chasu dhammesūti pāṇātipātāveramaṇiādīsu vikālabhojanāveramaṇipariyosānesu chasu sikkhāpadesu. Asikkhitasikkhanti padabhājane (pāci. 1077) vuttanayeneva adinnasikkhaṃ vā kupitasikkhaṃ vā. Sikkhamānaṃ vuṭṭhāpeyyāti tesu chasu dhammesu sikkhanato, te vā sikkhāsaṅkhāte dhamme mānanato evaṃladdhanāmaṃ anupasampannaṃ upasampādeyya. Pācittiyanti paṭhamasikkhāpade vuttanayeneva kammavācāpariyosāne pācittiyaṃ.
ਸਾવਤ੍ਥਿਯਂ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਏવਰੂਪਂ ਸਿਕ੍ਖਮਾਨਂ વੁਟ੍ਠਾਪਨવਤ੍ਥੁਸ੍ਮਿਂ ਪਞ੍ਞਤ੍ਤਂ, ਧਮ੍ਮਕਮ੍ਮੇ ਤਿਕਪਾਚਿਤ੍ਤਿਯਂ, ਅਧਮ੍ਮਕਮ੍ਮੇ ਤਿਕਦੁਕ੍ਕਟਂ। ਦ੍વੇ વਸ੍ਸਾਨਿ ਛਸੁ ਧਮ੍ਮੇਸੁ ਸਿਕ੍ਖਿਤਸਿਕ੍ਖਂ ਸਿਕ੍ਖਮਾਨਂ વੁਟ੍ਠਾਪੇਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। વੁਤ੍ਤਨਯੇਨ ਅਸਿਕ੍ਖਿਤਸਿਕ੍ਖਤਾ, ਧਮ੍ਮਕਮ੍ਮਤਾ, ਕਮ੍ਮવਾਚਾਪਰਿਯੋਸਾਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਪਠਮੇ વੁਤ੍ਤਨਯਾਨੇવਾਤਿ।
Sāvatthiyaṃ sambahulā bhikkhuniyo ārabbha evarūpaṃ sikkhamānaṃ vuṭṭhāpanavatthusmiṃ paññattaṃ, dhammakamme tikapācittiyaṃ, adhammakamme tikadukkaṭaṃ. Dve vassāni chasu dhammesu sikkhitasikkhaṃ sikkhamānaṃ vuṭṭhāpentiyā, ummattikādīnañca anāpatti. Vuttanayena asikkhitasikkhatā, dhammakammatā, kammavācāpariyosānanti imānettha tīṇi aṅgāni. Samuṭṭhānādīni paṭhame vuttanayānevāti.
ਪਠਮਸਿਕ੍ਖਮਾਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Paṭhamasikkhamānasikkhāpadavaṇṇanā niṭṭhitā.
੪. ਦੁਤਿਯਸਿਕ੍ਖਮਾਨਸਿਕ੍ਖਾਪਦવਣ੍ਣਨਾ
4. Dutiyasikkhamānasikkhāpadavaṇṇanā
ਚਤੁਤ੍ਥੇ ਸਙ੍ਘੇਨ ਅਸਮ੍ਮਤਨ੍ਤਿ ਯਸ੍ਸਾ ਸਙ੍ਘੇਨ ਅਨ੍ਤਮਸੋ ਉਪਸਮ੍ਪਦਾਮਾਲ਼ਕੇਪਿ ਪਦਭਾਜਨੇ (ਪਾਚਿ॰ ੧੦੮੬) વੁਤ੍ਤਾ ਉਪਸਮ੍ਪਦਾਸਮ੍ਮੁਤਿ ਨ ਦਿਨ੍ਨਾ ਹੋਤਿ, ਤਂ ਇਮਾ ਦ੍વੇਪਿ ਮਹਾਸਿਕ੍ਖਮਾਨਾ ਨਾਮ। ਇਧ ਸਙ੍ਘੇਨ ਸਮ੍ਮਤਂ વੁਟ੍ਠਾਪੇਨ੍ਤਿਯਾ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਸੇਸਂ ਤਤਿਯੇ વੁਤ੍ਤਸਦਿਸਮੇવ, ਇਦਂ ਪਨ ਕਿਰਿਯਾਕਿਰਿਯਂ ਹੋਤੀਤਿ।
Catutthe saṅghena asammatanti yassā saṅghena antamaso upasampadāmāḷakepi padabhājane (pāci. 1086) vuttā upasampadāsammuti na dinnā hoti, taṃ imā dvepi mahāsikkhamānā nāma. Idha saṅghena sammataṃ vuṭṭhāpentiyā, ummattikādīnañca anāpatti. Sesaṃ tatiye vuttasadisameva, idaṃ pana kiriyākiriyaṃ hotīti.
ਦੁਤਿਯਸਿਕ੍ਖਮਾਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Dutiyasikkhamānasikkhāpadavaṇṇanā niṭṭhitā.
੫. ਪਠਮਗਿਹਿਗਤਸਿਕ੍ਖਾਪਦવਣ੍ਣਨਾ
5. Paṭhamagihigatasikkhāpadavaṇṇanā
ਪਞ੍ਚਮੇ ਗਿਹਿਗਤਨ੍ਤਿ ਪੁਰਿਸਨ੍ਤਰਗਤਂ, ਇਧਾਪਿ ਇਦਂ વਤ੍ਥੁਮਤ੍ਤਮੇવ વਿਸੇਸੋ। ਊਨਦ੍વਾਦਸવਸ੍ਸਞ੍ਚ ਪਰਿਪੁਣ੍ਣਸਞ੍ਞਾਯ વੁਟ੍ਠਾਪੇਨ੍ਤਿਯਾ ਕਿਞ੍ਚਾਪਿ ਅਨਾਪਤ੍ਤਿ, ਸਾ ਪਨ ਅਨੁਪਸਮ੍ਪਨ੍ਨਾવ ਹੋਤਿ। ਸੇਸਂ ਪਠਮਸਿਕ੍ਖਾਪਦਸਦਿਸਮੇવਾਤਿ।
Pañcame gihigatanti purisantaragataṃ, idhāpi idaṃ vatthumattameva viseso. Ūnadvādasavassañca paripuṇṇasaññāya vuṭṭhāpentiyā kiñcāpi anāpatti, sā pana anupasampannāva hoti. Sesaṃ paṭhamasikkhāpadasadisamevāti.
ਪਠਮਗਿਹਿਗਤਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Paṭhamagihigatasikkhāpadavaṇṇanā niṭṭhitā.
੬-੭. ਦੁਤਿਯਤਤਿਯਗਿਹਿਗਤਸਿਕ੍ਖਾਪਦવਣ੍ਣਨਾ
6-7. Dutiyatatiyagihigatasikkhāpadavaṇṇanā
ਛਟ੍ਠੇ ਸਬ੍ਬਂ ਤਤਿਯੇ વੁਤ੍ਤਨਯੇਨ। ਸਤ੍ਤਮੇਪਿ ਸਬ੍ਬਂ ਚਤੁਤ੍ਥੇ વੁਤ੍ਤਨਯੇਨੇવ વੇਦਿਤਬ੍ਬਨ੍ਤਿ।
Chaṭṭhe sabbaṃ tatiye vuttanayena. Sattamepi sabbaṃ catutthe vuttanayeneva veditabbanti.
ਦੁਤਿਯਤਤਿਯਗਿਹਿਗਤਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Dutiyatatiyagihigatasikkhāpadavaṇṇanā niṭṭhitā.
੮. ਪਠਮਸਹਜੀવਿਨਿਸਿਕ੍ਖਾਪਦવਣ੍ਣਨਾ
8. Paṭhamasahajīvinisikkhāpadavaṇṇanā
ਅਟ੍ਠਮੇ ਸਹਜੀવਿਨਿਨ੍ਤਿ ਸਦ੍ਧਿવਿਹਾਰਿਨਿਂ। ਨੇવ ਅਨੁਗ੍ਗਣ੍ਹੇਯ੍ਯਾਤਿ ਸਯਂ ਉਦ੍ਦੇਸਾਦੀਹਿ ਨਾਨੁਗ੍ਗਣ੍ਹੇਯ੍ਯ। ਨ ਅਨੁਗ੍ਗਣ੍ਹਾਪੇਯ੍ਯਾਤਿ ‘‘ਇਮਿਸ੍ਸਾ, ਅਯ੍ਯੇ, ਉਦ੍ਦੇਸਾਦੀਨਿ ਦੇਹੀ’’ਤਿ ਏવਂ ਨ ਅਞ੍ਞਾਯ ਅਨੁਗ੍ਗਣ੍ਹਾਪੇਯ੍ਯ। ਪਾਚਿਤ੍ਤਿਯਨ੍ਤਿ ਧੁਰੇ ਨਿਕ੍ਖਿਤ੍ਤਮਤ੍ਤੇ ਪਾਚਿਤ੍ਤਿਯਂ।
Aṭṭhame sahajīvininti saddhivihāriniṃ. Neva anuggaṇheyyāti sayaṃ uddesādīhi nānuggaṇheyya. Na anuggaṇhāpeyyāti ‘‘imissā, ayye, uddesādīni dehī’’ti evaṃ na aññāya anuggaṇhāpeyya. Pācittiyanti dhure nikkhittamatte pācittiyaṃ.
ਸਾવਤ੍ਥਿਯਂ ਥੁਲ੍ਲਨਨ੍ਦਂ ਆਰਬ੍ਭ ਏવਰੂਪੇ વਤ੍ਥੁਸ੍ਮਿਂ ਪਞ੍ਞਤ੍ਤਂ, ਸੇਸਮੇਤ੍ਥ ਤੁવਟ੍ਟવਗ੍ਗੇ ਦੁਕ੍ਖਿਤਸਹਜੀવਿਨਿਸਿਕ੍ਖਾਪਦੇ વੁਤ੍ਤਸਦਿਸਮੇવਾਤਿ।
Sāvatthiyaṃ thullanandaṃ ārabbha evarūpe vatthusmiṃ paññattaṃ, sesamettha tuvaṭṭavagge dukkhitasahajīvinisikkhāpade vuttasadisamevāti.
ਪਠਮਸਹਜੀવਿਨਿਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Paṭhamasahajīvinisikkhāpadavaṇṇanā niṭṭhitā.
੯. ਨਾਨੁਬਨ੍ਧਨਸਿਕ੍ਖਾਪਦવਣ੍ਣਨਾ
9. Nānubandhanasikkhāpadavaṇṇanā
ਨવਮੇ વੁਟ੍ਠਾਪਿਤਂ ਪવਤ੍ਤਿਨਿਨ੍ਤਿ વੁਟ੍ਠਾਪਿਤਂ ਪવਤ੍ਤਿਨਿਂ ਯਾਯ ਉਪਸਮ੍ਪਾਦਿਤਾ, ਤਂ ਉਪਜ੍ਝਾਯਿਨਿਨ੍ਤਿ ਅਤ੍ਥੋ। ਨਾਨੁਬਨ੍ਧੇਯ੍ਯਾਤਿ ਚੁਣ੍ਣੇਨ ਮਤ੍ਤਿਕਾਯ ਦਨ੍ਤਕਟ੍ਠੇਨ ਮੁਖੋਦਕੇਨਾਤਿ ਏવਂ ਤੇਨ ਤੇਨ ਕਰਣੀਯੇਨ ਨ ਉਪਟ੍ਠਹੇਯ੍ਯ। ਪਾਚਿਤ੍ਤਿਯਨ੍ਤਿ ਨਾਨੁਬਨ੍ਧਿਸ੍ਸਨ੍ਤਿ ਧੁਰੇ ਨਿਕ੍ਖਿਤ੍ਤਮਤ੍ਤੇ ਪਾਚਿਤ੍ਤਿਯਂ।
Navame vuṭṭhāpitaṃ pavattininti vuṭṭhāpitaṃ pavattiniṃ yāya upasampāditā, taṃ upajjhāyininti attho. Nānubandheyyāti cuṇṇena mattikāya dantakaṭṭhena mukhodakenāti evaṃ tena tena karaṇīyena na upaṭṭhaheyya. Pācittiyanti nānubandhissanti dhure nikkhittamatte pācittiyaṃ.
ਸਾવਤ੍ਥਿਯਂ ਸਮ੍ਬਹੁਲਾ ਭਿਕ੍ਖੁਨਿਯੋ ਆਰਬ੍ਭ ਨਾਨੁਬਨ੍ਧਨવਤ੍ਥੁਸ੍ਮਿਂ ਪਞ੍ਞਤ੍ਤਂ। ਬਾਲਂ ਪਨ ਅਲਜ੍ਜਿਨਿਂ વਾ ਅਨਨੁਬਨ੍ਧਨ੍ਤਿਯਾ, ਗਿਲਾਨਾਯ, ਆਪਦਾਸੁ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। વੁਟ੍ਠਾਪਿਤਪ੍ਪવਤ੍ਤਿਨਿਤਾ, ਦ੍વੇ વਸ੍ਸਾਨਿ ਅਨਨੁਬਨ੍ਧਨੇ ਧੁਰਨਿਕ੍ਖੇਪੋ, ਅਨੁਞ੍ਞਾਤਕਾਰਣਾਭਾવੋਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਪਠਮਪਾਰਾਜਿਕਸਦਿਸਾਨਿ, ਇਦਂ ਪਨ ਅਕਿਰਿਯਂ, ਦੁਕ੍ਖવੇਦਨਨ੍ਤਿ।
Sāvatthiyaṃ sambahulā bhikkhuniyo ārabbha nānubandhanavatthusmiṃ paññattaṃ. Bālaṃ pana alajjiniṃ vā ananubandhantiyā, gilānāya, āpadāsu, ummattikādīnañca anāpatti. Vuṭṭhāpitappavattinitā, dve vassāni ananubandhane dhuranikkhepo, anuññātakāraṇābhāvoti imānettha tīṇi aṅgāni. Samuṭṭhānādīni paṭhamapārājikasadisāni, idaṃ pana akiriyaṃ, dukkhavedananti.
ਨਾਨੁਬਨ੍ਧਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Nānubandhanasikkhāpadavaṇṇanā niṭṭhitā.
੧੦. ਦੁਤਿਯਸਹਜੀવਿਨਿਸਿਕ੍ਖਾਪਦવਣ੍ਣਨਾ
10. Dutiyasahajīvinisikkhāpadavaṇṇanā
ਦਸਮੇ ਨੇવ વੂਪਕਾਸੇਯ੍ਯਾਤਿ ਨ ਗਹੇਤ੍વਾ ਗਚ੍ਛੇਯ੍ਯ। ਨ વੂਪਕਾਸਾਪੇਯ੍ਯਾਤਿ ‘‘ਇਮਂ, ਅਯ੍ਯੇ, ਗਹੇਤ੍વਾ ਗਚ੍ਛਾਹੀ’’ਤਿ ਅਞ੍ਞਂ ਨ ਆਣਾਪੇਯ੍ਯ। ਪਾਚਿਤ੍ਤਿਯਨ੍ਤਿ ਧੁਰੇ ਨਿਕ੍ਖਿਤ੍ਤਮਤ੍ਤੇ ਪਾਚਿਤ੍ਤਿਯਂ।
Dasame neva vūpakāseyyāti na gahetvā gaccheyya. Na vūpakāsāpeyyāti ‘‘imaṃ, ayye, gahetvā gacchāhī’’ti aññaṃ na āṇāpeyya. Pācittiyanti dhure nikkhittamatte pācittiyaṃ.
ਸਾવਤ੍ਥਿਯਂ ਥੁਲ੍ਲਨਨ੍ਦਂ ਆਰਬ੍ਭ ਸਹਜੀવਿਨਿਯਾ ਅવੂਪਕਾਸਨવਤ੍ਥੁਸ੍ਮਿਂ ਪਞ੍ਞਤ੍ਤਂ। ਸਤਿ ਪਨ ਅਨ੍ਤਰਾਯੇ, ਪਰਿਯੇਸਿਤ੍વਾ ਦੁਤਿਯਿਕਂ ਅਲਭਨ੍ਤਿਯਾ, ਗਿਲਾਨਾਯ , ਆਪਦਾਸੁ, ਉਮ੍ਮਤ੍ਤਿਕਾਦੀਨਞ੍ਚ ਅਨਾਪਤ੍ਤਿ। ਸਹਜੀવਿਨਿਤਾ, વੂਪਕਾਸવੂਪਕਾਸਾਪਨੇ ਧੁਰਨਿਕ੍ਖੇਪੋ, ਅਨੁਞ੍ਞਾਤਕਾਰਣਾਭਾવੋਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ। ਸਮੁਟ੍ਠਾਨਾਦੀਨਿ ਸਮਨੁਭਾਸਨਸਦਿਸਾਨੀਤਿ।
Sāvatthiyaṃ thullanandaṃ ārabbha sahajīviniyā avūpakāsanavatthusmiṃ paññattaṃ. Sati pana antarāye, pariyesitvā dutiyikaṃ alabhantiyā, gilānāya , āpadāsu, ummattikādīnañca anāpatti. Sahajīvinitā, vūpakāsavūpakāsāpane dhuranikkhepo, anuññātakāraṇābhāvoti imānettha tīṇi aṅgāni. Samuṭṭhānādīni samanubhāsanasadisānīti.
ਦੁਤਿਯਸਹਜੀવਿਨਿਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Dutiyasahajīvinisikkhāpadavaṇṇanā niṭṭhitā.
ਗਬ੍ਭਿਨੀવਗ੍ਗੋ ਸਤ੍ਤਮੋ।
Gabbhinīvaggo sattamo.
