| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၂-၄. ဧတံမမသုတ္တာဒိဝဏ္ဏနာ
2-4. Etaṃmamasuttādivaṇṇanā
၂၀၇-၂၀၉. ဒိဋ္ဌန္တိအာဒီသု ဒိဋ္ဌံ ရူပာယတနံ။ သုတံ သဒ္ဒာယတနံ။ မုတံ ဂန္ဓာယတနံ ရသာယတနံ ဖောဋ္ဌဗ္ဗာယတနံ။ တဉ္ဟိ ပတ္ဝာ ဂဟေတဗ္ဗတော မုတန္တိ စ ဝုတ္တံ။ အဝသေသာနိ သတ္တာယတနာနိ ဝိညာတံ နာမ။ ပတ္တန္တိ ပရိယေသိတ္ဝာ ဝာ အပရိယေသိတ္ဝာ ဝာ ပတ္တံ။ ပရိယေသိတန္တိ ပတ္တံ ဝာ အပတ္တံ ဝာ ပရိယေသိတံ။ အနုဝိစရိတံ မနသာတိ စိတ္တေန အနုသဉ္စရိတံ။ လောကသ္မိဉ္ဟိ ပရိယေသိတ္ဝာ ပတ္တမ္ပိ အတ္ထိ, ပရိယေသိတ္ဝာ နောပတ္တမ္ပိ, အပရိယေသိတ္ဝာ ပတ္တမ္ပိ, အပရိယေသိတ္ဝာ နောပတ္တမ္ပိ။ တတ္ထ ပရိယေသိတ္ဝာ ပတ္တံ ပတ္တံ နာမ, ပရိယေသိတ္ဝာ နောပတ္တံ ပရိယေသိတံ နာမ ။ အပရိယေသိတ္ဝာ ပတ္တဉ္စ အပရိယေသိတ္ဝာ နောပတ္တဉ္စ မနသာနုဝိစရိတံ နာမ။ အထ ဝာ ပရိယေသိတ္ဝာ ပတ္တမ္ပိ အပရိယေသိတ္ဝာ ပတ္တမ္ပိ ပတ္တဋ္ဌေန ပတ္တံ နာမ, ပရိယေသိတ္ဝာ နောပတ္တမေဝ ပရိယေသိတံ နာမ, အပရိယေသိတ္ဝာ နောပတ္တံ မနသာနုဝိစရိတံ နာမ။ သဗ္ဗံ ဝာ ဧတံ မနသာ အနုဝိစရိတမေဝ။
207-209.Diṭṭhantiādīsu diṭṭhaṃ rūpāyatanaṃ. Sutaṃ saddāyatanaṃ. Mutaṃ gandhāyatanaṃ rasāyatanaṃ phoṭṭhabbāyatanaṃ. Tañhi patvā gahetabbato mutanti ca vuttaṃ. Avasesāni sattāyatanāni viññātaṃ nāma. Pattanti pariyesitvā vā apariyesitvā vā pattaṃ. Pariyesitanti pattaṃ vā apattaṃ vā pariyesitaṃ. Anuvicaritaṃ manasāti cittena anusañcaritaṃ. Lokasmiñhi pariyesitvā pattampi atthi, pariyesitvā nopattampi, apariyesitvā pattampi, apariyesitvā nopattampi. Tattha pariyesitvā pattaṃ pattaṃ nāma, pariyesitvā nopattaṃ pariyesitaṃ nāma . Apariyesitvā pattañca apariyesitvā nopattañca manasānuvicaritaṃ nāma. Atha vā pariyesitvā pattampi apariyesitvā pattampi pattaṭṭhena pattaṃ nāma, pariyesitvā nopattameva pariyesitaṃ nāma, apariyesitvā nopattaṃ manasānuvicaritaṃ nāma. Sabbaṃ vā etaṃ manasā anuvicaritameva.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၂. ဧတံမမသုတ္တံ • 2. Etaṃmamasuttaṃ
၃. သောအတ္တာသုတ္တံ • 3. Soattāsuttaṃ
၄. နောစမေသိယာသုတ္တံ • 4. Nocamesiyāsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂-၄. ဧတံမမသုတ္တာဒိဝဏ္ဏနာ • 2-4. Etaṃmamasuttādivaṇṇanā
