| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
១០. ឯណិជង្ឃសុត្តំ
10. Eṇijaṅghasuttaṃ
៣០.
30.
‘‘ឯណិជង្ឃំ កិសំ វីរំ, អប្បាហារំ អលោលុបំ;
‘‘Eṇijaṅghaṃ kisaṃ vīraṃ, appāhāraṃ alolupaṃ;
សីហំ វេកចរំ នាគំ, កាមេសុ អនបេក្ខិនំ;
Sīhaṃ vekacaraṃ nāgaṃ, kāmesu anapekkhinaṃ;
ឧបសង្កម្ម បុច្ឆាម, កថំ ទុក្ខា បមុច្ចតី’’តិ។
Upasaṅkamma pucchāma, kathaṃ dukkhā pamuccatī’’ti.
‘‘បញ្ច កាមគុណា លោកេ, មនោឆដ្ឋា បវេទិតា;
‘‘Pañca kāmaguṇā loke, manochaṭṭhā paveditā;
ឯត្ថ ឆន្ទំ វិរាជេត្វា, ឯវំ ទុក្ខា បមុច្ចតី’’តិ។
Ettha chandaṃ virājetvā, evaṃ dukkhā pamuccatī’’ti.
សត្តិវគ្គោ តតិយោ។
Sattivaggo tatiyo.
តស្សុទ្ទានំ –
Tassuddānaṃ –
សត្តិយា ផុសតិ ចេវ, ជដា មនោនិវារណា;
Sattiyā phusati ceva, jaṭā manonivāraṇā;
អរហន្តេន បជ្ជោតោ, សរា មហទ្ធនេន ច;
Arahantena pajjoto, sarā mahaddhanena ca;
ចតុចក្កេន នវមំ, ឯណិជង្ឃេន តេ ទសាតិ។
Catucakkena navamaṃ, eṇijaṅghena te dasāti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១០. ឯណិជង្ឃសុត្តវណ្ណនា • 10. Eṇijaṅghasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១០. ឯណិជង្ឃសុត្តវណ្ណនា • 10. Eṇijaṅghasuttavaṇṇanā
