| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
ಏಳಕಲೋಮಸಮುಟ್ಠಾನವಣ್ಣನಾ
Eḷakalomasamuṭṭhānavaṇṇanā
೨೬೩. ‘‘ಏಳಕಲೋಮಾ’’ತಿ ಇದಂ ಏಳಕಲೋಮಸಮುಟ್ಠಾನಂ ನಾಮ ಏಕಂ ಸಮುಟ್ಠಾನಸೀಸಂ। ಇತೋತಿ ಯಥಾವುತ್ತತೋ। ಪಾಳಿನ್ತಿ ಮಾತಿಕಾಪಾಳಿಂ। ವಿರಜ್ಝಿತ್ವಾತಿ ಪುಬ್ಬಾಪರತೋ ವಿರಾಧೇತ್ವಾ। ಯಥಾತಿ ಯೇನಾಕಾರೇನ । ಪನಸದ್ದೋ ಅನುಗ್ಗಹತ್ಥೋ। ಕಿಞ್ಚಾಪಿ ಲಿಖನ್ತಿ, ಪನ ತಥಾಪೀತಿ ಯೋಜನಾ। ಏವನ್ತಿ ತಥಾಕಾರೇನ। ಅತ್ಥಾನುಕ್ಕಮೋತಿ ಅತ್ಥಸ್ಸ ಅನುಕ್ಕಮೋ।
263.‘‘Eḷakalomā’’ti idaṃ eḷakalomasamuṭṭhānaṃ nāma ekaṃ samuṭṭhānasīsaṃ. Itoti yathāvuttato. Pāḷinti mātikāpāḷiṃ. Virajjhitvāti pubbāparato virādhetvā. Yathāti yenākārena . Panasaddo anuggahattho. Kiñcāpi likhanti, pana tathāpīti yojanā. Evanti tathākārena. Atthānukkamoti atthassa anukkamo.
‘‘ಅಭಿಕ್ಖುಕಾವಾ ಸೇನ ಚಾ’’ತಿ ಏತಂ ವಚನಂ ವುತ್ತನ್ತಿ ಸಮ್ಬನ್ಧೋ। ‘‘ಅಭಿಕ್ಖುಕೇ ಆವಾಸೇ ವಸ್ಸಂ ವಸೇಯ್ಯಾ’’ತಿ (ಪಾಚಿ॰ ೧೦೪೭) ಇದಂ ವಚನಂ ಸನ್ಧಾಯಾತಿ ಸಮ್ಬನ್ಧೋ। ‘‘ಭಿಕ್ಖುನೀ’’ತಿಆದಿನಾ ವುತ್ತಾನೀತಿ ಸಮ್ಬನ್ಧೋ। ಆದಿಸದ್ದೇನ ‘‘ಸಿಕ್ಖಮಾನಾ ಚ ಸಾಮಣೇರೀ ಗಿಹಿನಿಯಾ’’ತಿ ಪಾಠಂ ಸಙ್ಗಣ್ಹಾತಿ।
‘‘Abhikkhukāvā sena cā’’ti etaṃ vacanaṃ vuttanti sambandho. ‘‘Abhikkhuke āvāse vassaṃ vaseyyā’’ti (pāci. 1047) idaṃ vacanaṃ sandhāyāti sambandho. ‘‘Bhikkhunī’’tiādinā vuttānīti sambandho. Ādisaddena ‘‘sikkhamānā ca sāmaṇerī gihiniyā’’ti pāṭhaṃ saṅgaṇhāti.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi / ೬. ಏಳಕಲೋಮಸಮುಟ್ಠಾನಂ • 6. Eḷakalomasamuṭṭhānaṃ
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ಏಳಕಲೋಮಸಮುಟ್ಠಾನವಣ್ಣನಾ • Eḷakalomasamuṭṭhānavaṇṇanā
