| Library / Tipiṭaka / តិបិដក • Tipiṭaka / បរិវារបាឡិ • Parivārapāḷi |
៦. ឯឡកលោមសមុដ្ឋានំ
6. Eḷakalomasamuṭṭhānaṃ
២៦៣.
263.
ឯឡកលោមា ទ្វេ សេយ្យា, អាហច្ច បិណ្ឌភោជនំ;
Eḷakalomā dve seyyā, āhacca piṇḍabhojanaṃ;
គណវិកាលសន្និធិ, ទន្តបោនេន ចេលកា។
Gaṇavikālasannidhi, dantaponena celakā.
ទុព្ពណ្ណេ ទ្វេ ទេសនិកា, លសុណុបតិដ្ឋេ នច្ចនា។
Dubbaṇṇe dve desanikā, lasuṇupatiṭṭhe naccanā.
ន្ហានមត្ថរណំ សេយ្យា, អន្តោរដ្ឋេ តថា ពហិ;
Nhānamattharaṇaṃ seyyā, antoraṭṭhe tathā bahi;
អន្តោវស្សំ ចិត្តាគារំ, អាសន្ទិ សុត្តកន្តនា។
Antovassaṃ cittāgāraṃ, āsandi suttakantanā.
វេយ្យាវច្ចំ សហត្ថា ច, អភិក្ខុកាវាសេន ច;
Veyyāvaccaṃ sahatthā ca, abhikkhukāvāsena ca;
ឆត្តំ យានញ្ច សង្ឃាណិំ, អលង្ការំ គន្ធវាសិតំ។
Chattaṃ yānañca saṅghāṇiṃ, alaṅkāraṃ gandhavāsitaṃ.
ភិក្ខុនី សិក្ខមានា ច, សាមណេរី គិហិនិយា;
Bhikkhunī sikkhamānā ca, sāmaṇerī gihiniyā;
អសំកច្ចិកា អាបត្តិ, ចត្តារីសា ចតុត្តរិ។
Asaṃkaccikā āpatti, cattārīsā catuttari.
កាយេន ន វាចាចិត្តេន, កាយចិត្តេន ន វាចតោ;
Kāyena na vācācittena, kāyacittena na vācato;
ទ្វិសមុដ្ឋានិកា សព្ពេ, សមា ឯឡកលោមិកាតិ។
Dvisamuṭṭhānikā sabbe, samā eḷakalomikāti.
ឯឡកលោមសមុដ្ឋានំ និដ្ឋិតំ។
Eḷakalomasamuṭṭhānaṃ niṭṭhitaṃ.
Footnotes:
Related texts:
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / ឯឡកលោមសមុដ្ឋានវណ្ណនា • Eḷakalomasamuṭṭhānavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ឯឡកលោមសមុដ្ឋានវណ្ណនា • Eḷakalomasamuṭṭhānavaṇṇanā
