| Library / Tipiṭaka / తిపిటక • Tipiṭaka / పరివారపాళి • Parivārapāḷi |
౬. ఏళకలోమసముట్ఠానం
6. Eḷakalomasamuṭṭhānaṃ
౨౬౩.
263.
ఏళకలోమా ద్వే సేయ్యా, ఆహచ్చ పిణ్డభోజనం;
Eḷakalomā dve seyyā, āhacca piṇḍabhojanaṃ;
గణవికాలసన్నిధి, దన్తపోనేన చేలకా.
Gaṇavikālasannidhi, dantaponena celakā.
దుబ్బణ్ణే ద్వే దేసనికా, లసుణుపతిట్ఠే నచ్చనా.
Dubbaṇṇe dve desanikā, lasuṇupatiṭṭhe naccanā.
న్హానమత్థరణం సేయ్యా, అన్తోరట్ఠే తథా బహి;
Nhānamattharaṇaṃ seyyā, antoraṭṭhe tathā bahi;
అన్తోవస్సం చిత్తాగారం, ఆసన్ది సుత్తకన్తనా.
Antovassaṃ cittāgāraṃ, āsandi suttakantanā.
వేయ్యావచ్చం సహత్థా చ, అభిక్ఖుకావాసేన చ;
Veyyāvaccaṃ sahatthā ca, abhikkhukāvāsena ca;
ఛత్తం యానఞ్చ సఙ్ఘాణిం, అలఙ్కారం గన్ధవాసితం.
Chattaṃ yānañca saṅghāṇiṃ, alaṅkāraṃ gandhavāsitaṃ.
భిక్ఖునీ సిక్ఖమానా చ, సామణేరీ గిహినియా;
Bhikkhunī sikkhamānā ca, sāmaṇerī gihiniyā;
అసంకచ్చికా ఆపత్తి, చత్తారీసా చతుత్తరి.
Asaṃkaccikā āpatti, cattārīsā catuttari.
కాయేన న వాచాచిత్తేన, కాయచిత్తేన న వాచతో;
Kāyena na vācācittena, kāyacittena na vācato;
ద్విసముట్ఠానికా సబ్బే, సమా ఏళకలోమికాతి.
Dvisamuṭṭhānikā sabbe, samā eḷakalomikāti.
ఏళకలోమసముట్ఠానం నిట్ఠితం.
Eḷakalomasamuṭṭhānaṃ niṭṭhitaṃ.
Footnotes:
Related texts:
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / పరివార-అట్ఠకథా • Parivāra-aṭṭhakathā / ఏళకలోమసముట్ఠానవణ్ణనా • Eḷakalomasamuṭṭhānavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ఏళకలోమసముట్ఠానవణ్ణనా • Eḷakalomasamuṭṭhānavaṇṇanā
