| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೦. ಏಕವನ್ದನಿಯತ್ಥೇರಅಪದಾನಂ
10. Ekavandaniyattheraapadānaṃ
೪೮.
48.
‘‘ಉಸಭಂ ಪವರಂ ವೀರಂ, ವೇಸ್ಸಭುಂ ವಿಜಿತಾವಿನಂ।
‘‘Usabhaṃ pavaraṃ vīraṃ, vessabhuṃ vijitāvinaṃ;
ಪಸನ್ನಚಿತ್ತೋ ಸುಮನೋ, ಬುದ್ಧಸೇಟ್ಠಮವನ್ದಹಂ॥
Pasannacitto sumano, buddhaseṭṭhamavandahaṃ.
೪೯.
49.
‘‘ಏಕತ್ತಿಂಸೇ ಇತೋ ಕಪ್ಪೇ, ಯಂ ಕಮ್ಮಮಕರಿಂ ತದಾ।
‘‘Ekattiṃse ito kappe, yaṃ kammamakariṃ tadā;
ದುಗ್ಗತಿಂ ನಾಭಿಜಾನಾಮಿ, ವನ್ದನಾಯ ಇದಂ ಫಲಂ॥
Duggatiṃ nābhijānāmi, vandanāya idaṃ phalaṃ.
೫೦.
50.
‘‘ಚತುವೀಸತಿಕಪ್ಪಮ್ಹಿ, ವಿಕತಾನನ್ದನಾಮಕೋ।
‘‘Catuvīsatikappamhi, vikatānandanāmako;
ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ॥
Sattaratanasampanno, cakkavattī mahabbalo.
೫೧.
51.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಏಕವನ್ದನಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā ekavandaniyo thero imā gāthāyo abhāsitthāti.
ಏಕವನ್ದನಿಯತ್ಥೇರಸ್ಸಾಪದಾನಂ ದಸಮಂ।
Ekavandaniyattherassāpadānaṃ dasamaṃ.
ಆಲಮ್ಬಣದಾಯಕವಗ್ಗೋ ತೇವೀಸತಿಮೋ।
Ālambaṇadāyakavaggo tevīsatimo.
ತಸ್ಸುದ್ದಾನಂ –
Tassuddānaṃ –
ಆಲಮ್ಬಣಞ್ಚ ಅಜಿನಂ, ಮಂಸದಾರಕ್ಖದಾಯಕೋ।
Ālambaṇañca ajinaṃ, maṃsadārakkhadāyako;
ಪಞ್ಚಪಞ್ಞಾಸ ಗಾಥಾಯೋ, ಗಣಿತಾ ಅತ್ಥದಸ್ಸಿಭಿ॥
Pañcapaññāsa gāthāyo, gaṇitā atthadassibhi.
Footnotes:
