| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
១០. ឯកវន្ទនិយត្ថេរអបទានំ
10. Ekavandaniyattheraapadānaṃ
៤៨.
48.
‘‘ឧសភំ បវរំ វីរំ, វេស្សភុំ វិជិតាវិនំ;
‘‘Usabhaṃ pavaraṃ vīraṃ, vessabhuṃ vijitāvinaṃ;
បសន្នចិត្តោ សុមនោ, ពុទ្ធសេដ្ឋមវន្ទហំ។
Pasannacitto sumano, buddhaseṭṭhamavandahaṃ.
៤៩.
49.
‘‘ឯកត្តិំសេ ឥតោ កប្បេ, យំ កម្មមករិំ តទា;
‘‘Ekattiṃse ito kappe, yaṃ kammamakariṃ tadā;
ទុគ្គតិំ នាភិជានាមិ, វន្ទនាយ ឥទំ ផលំ។
Duggatiṃ nābhijānāmi, vandanāya idaṃ phalaṃ.
៥០.
50.
‘‘ចតុវីសតិកប្បម្ហិ, វិកតានន្ទនាមកោ;
‘‘Catuvīsatikappamhi, vikatānandanāmako;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៥១.
51.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ឯកវន្ទនិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā ekavandaniyo thero imā gāthāyo abhāsitthāti.
ឯកវន្ទនិយត្ថេរស្សាបទានំ ទសមំ។
Ekavandaniyattherassāpadānaṃ dasamaṃ.
អាលម្ពណទាយកវគ្គោ តេវីសតិមោ។
Ālambaṇadāyakavaggo tevīsatimo.
តស្សុទ្ទានំ –
Tassuddānaṃ –
អាលម្ពណញ្ច អជិនំ, មំសទារក្ខទាយកោ;
Ālambaṇañca ajinaṃ, maṃsadārakkhadāyako;
បញ្ចបញ្ញាស គាថាយោ, គណិតា អត្ថទស្សិភិ។
Pañcapaññāsa gāthāyo, gaṇitā atthadassibhi.
Footnotes:
