| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. เอกวนฺทนิยเตฺถรอปทานํ
10. Ekavandaniyattheraapadānaṃ
๔๘.
48.
‘‘อุสภํ ปวรํ วีรํ, เวสฺสภุํ วิชิตาวินํ;
‘‘Usabhaṃ pavaraṃ vīraṃ, vessabhuṃ vijitāvinaṃ;
ปสนฺนจิโตฺต สุมโน, พุทฺธเสฎฺฐมวนฺทหํฯ
Pasannacitto sumano, buddhaseṭṭhamavandahaṃ.
๔๙.
49.
‘‘เอกตฺติํเส อิโต กเปฺป, ยํ กมฺมมกริํ ตทา;
‘‘Ekattiṃse ito kappe, yaṃ kammamakariṃ tadā;
ทุคฺคติํ นาภิชานามิ, วนฺทนาย อิทํ ผลํฯ
Duggatiṃ nābhijānāmi, vandanāya idaṃ phalaṃ.
๕๐.
50.
‘‘จตุวีสติกปฺปมฺหิ, วิกตานนฺทนามโก;
‘‘Catuvīsatikappamhi, vikatānandanāmako;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๕๑.
51.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา เอกวนฺทนิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā ekavandaniyo thero imā gāthāyo abhāsitthāti.
เอกวนฺทนิยเตฺถรสฺสาปทานํ ทสมํฯ
Ekavandaniyattherassāpadānaṃ dasamaṃ.
อาลมฺพณทายกวโคฺค เตวีสติโมฯ
Ālambaṇadāyakavaggo tevīsatimo.
ตสฺสุทฺทานํ –
Tassuddānaṃ –
อาลมฺพณญฺจ อชินํ, มํสทารกฺขทายโก;
Ālambaṇañca ajinaṃ, maṃsadārakkhadāyako;
ปญฺจปญฺญาส คาถาโย, คณิตา อตฺถทสฺสิภิฯ
Pañcapaññāsa gāthāyo, gaṇitā atthadassibhi.
Footnotes:
