| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒๔. อุทกาสนวโคฺค
24. Udakāsanavaggo
๑. อุทกาสนทายกเตฺถรอปทานํ
1. Udakāsanadāyakattheraapadānaṃ
๑.
1.
‘‘อารามทฺวารา นิกฺขมฺม, ผลกํ สนฺถริํ อหํ;
‘‘Ārāmadvārā nikkhamma, phalakaṃ santhariṃ ahaṃ;
อุทกญฺจ อุปฎฺฐาสิํ, อุตฺตมตฺถสฺส ปตฺติยาฯ
Udakañca upaṭṭhāsiṃ, uttamatthassa pattiyā.
๒.
2.
‘‘เอกตฺติํเส อิโต กเปฺป, ยํ กมฺมมกริํ ตทา;
‘‘Ekattiṃse ito kappe, yaṃ kammamakariṃ tadā;
ทุคฺคติํ นาภิชานามิ, อาสเน โจทเก ผลํฯ
Duggatiṃ nābhijānāmi, āsane codake phalaṃ.
๓.
3.
‘‘อิโต ปนฺนรเส กเปฺป, อภิสามสมวฺหโย;
‘‘Ito pannarase kappe, abhisāmasamavhayo;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๔.
4.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา อุทกาสนทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā udakāsanadāyako thero imā gāthāyo abhāsitthāti.
อุทกาสนทายกเตฺถรสฺสาปทานํ ปฐมํฯ
Udakāsanadāyakattherassāpadānaṃ paṭhamaṃ.
