| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
2. ஏகத்த²ம்பி⁴கத்தே²ரஅபதா³னங்
2. Ekatthambhikattheraapadānaṃ
13.
13.
‘‘ஸித்³த⁴த்த²ஸ்ஸ ப⁴க³வதோ, மஹாபூக³க³ணோ அஹு;
‘‘Siddhatthassa bhagavato, mahāpūgagaṇo ahu;
ஸரணங் க³தா ச தே பு³த்³த⁴ங், ஸத்³த³ஹந்தி ததா²க³தங்.
Saraṇaṃ gatā ca te buddhaṃ, saddahanti tathāgataṃ.
14.
14.
‘‘ஸப்³பே³ ஸங்க³ம்ம மந்தெத்வா, மாளங் குப்³ப³ந்தி ஸத்து²னோ;
‘‘Sabbe saṅgamma mantetvā, māḷaṃ kubbanti satthuno;
ஏகத்த²ம்ப⁴ங் அலப⁴ந்தா, விசினந்தி ப்³ரஹாவனே.
Ekatthambhaṃ alabhantā, vicinanti brahāvane.
15.
15.
‘‘தேஹங் அரஞ்ஞே தி³ஸ்வான, உபக³ம்ம க³ணங் ததா³;
‘‘Tehaṃ araññe disvāna, upagamma gaṇaṃ tadā;
அஞ்ஜலிங் பக்³க³ஹெத்வான, பரிபுச்சி²ங் க³ணங் அஹங்.
Añjaliṃ paggahetvāna, paripucchiṃ gaṇaṃ ahaṃ.
16.
16.
‘‘தே மே புட்டா² வியாகங்ஸு, ஸீலவந்தோ உபாஸகா;
‘‘Te me puṭṭhā viyākaṃsu, sīlavanto upāsakā;
மாளங் மயங் கத்துகாமா, ஏகத்த²ம்போ⁴ ந லப்³ப⁴தி.
Māḷaṃ mayaṃ kattukāmā, ekatthambho na labbhati.
17.
17.
‘‘ஏகத்த²ம்ப⁴ங் மமங் தே³த², அஹங் த³ஸ்ஸாமி ஸத்து²னோ;
‘‘Ekatthambhaṃ mamaṃ detha, ahaṃ dassāmi satthuno;
ஆஹரிஸ்ஸாமஹங் த²ம்ப⁴ங், அப்பொஸ்ஸுக்கா ப⁴வந்து தே 1.
Āharissāmahaṃ thambhaṃ, appossukkā bhavantu te 2.
18.
18.
‘‘தே மே த²ம்ப⁴ங் பவெச்சி²ங்ஸு, பஸன்னா துட்ட²மானஸா;
‘‘Te me thambhaṃ pavecchiṃsu, pasannā tuṭṭhamānasā;
ததோ படினிவத்தித்வா, அக³மங்ஸு ஸகங் க⁴ரங்.
Tato paṭinivattitvā, agamaṃsu sakaṃ gharaṃ.
19.
19.
‘‘அசிரங் க³தே பூக³க³ணே, த²ம்ப⁴ங் அஹாஸஹங் ததா³;
‘‘Aciraṃ gate pūgagaṇe, thambhaṃ ahāsahaṃ tadā;
ஹட்டோ² ஹட்டே²ன சித்தேன, பட²மங் உஸ்ஸபேஸஹங்.
Haṭṭho haṭṭhena cittena, paṭhamaṃ ussapesahaṃ.
20.
20.
‘‘தேன சித்தப்பஸாதே³ன, விமானங் உபபஜ்ஜஹங்;
‘‘Tena cittappasādena, vimānaṃ upapajjahaṃ;
உப்³பி³த்³த⁴ங் ப⁴வனங் மய்ஹங், ஸத்தபூ⁴மங் 3 ஸமுக்³க³தங்.
Ubbiddhaṃ bhavanaṃ mayhaṃ, sattabhūmaṃ 4 samuggataṃ.
21.
21.
‘‘வஜ்ஜமானாஸு பே⁴ரீஸு, பரிசாரேமஹங் ஸதா³;
‘‘Vajjamānāsu bherīsu, paricāremahaṃ sadā;
பஞ்சபஞ்ஞாஸகப்பம்ஹி, ராஜா ஆஸிங் யஸோத⁴ரோ.
Pañcapaññāsakappamhi, rājā āsiṃ yasodharo.
22.
22.
‘‘தத்தா²பி ப⁴வனங் மய்ஹங், ஸத்தபூ⁴மங் ஸமுக்³க³தங்;
‘‘Tatthāpi bhavanaṃ mayhaṃ, sattabhūmaṃ samuggataṃ;
கூடாகா³ரவரூபேதங், ஏகத்த²ம்ப⁴ங் மனோரமங்.
Kūṭāgāravarūpetaṃ, ekatthambhaṃ manoramaṃ.
23.
23.
‘‘ஏகவீஸதிகப்பம்ஹி, உதே³னோ நாம க²த்தியோ;
‘‘Ekavīsatikappamhi, udeno nāma khattiyo;
தத்ராபி ப⁴வனங் மய்ஹங், ஸத்தபூ⁴மங் ஸமுக்³க³தங்.
Tatrāpi bhavanaṃ mayhaṃ, sattabhūmaṃ samuggataṃ.
24.
24.
‘‘யங் யங் யோனுபபஜ்ஜாமி, தே³வத்தங் அத² மானுஸங்;
‘‘Yaṃ yaṃ yonupapajjāmi, devattaṃ atha mānusaṃ;
அனுபோ⁴மி ஸுக²ங் ஸப்³ப³ங் 5, ஏகத்த²ம்ப⁴ஸ்ஸித³ங் ப²லங்.
Anubhomi sukhaṃ sabbaṃ 6, ekatthambhassidaṃ phalaṃ.
25.
25.
‘‘சதுன்னவுதிதோ கப்பே, யங் த²ம்ப⁴மத³த³ங் ததா³;
‘‘Catunnavutito kappe, yaṃ thambhamadadaṃ tadā;
து³க்³க³திங் நாபி⁴ஜானாமி, ஏகத்த²ம்ப⁴ஸ்ஸித³ங் ப²லங்.
Duggatiṃ nābhijānāmi, ekatthambhassidaṃ phalaṃ.
26.
26.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஏகத்த²ம்பி⁴கோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā ekatthambhiko thero imā gāthāyo abhāsitthāti.
ஏகத்த²ம்பி⁴கத்தே²ரஸ்ஸாபதா³னங் து³தியங்.
Ekatthambhikattherassāpadānaṃ dutiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 2. ஏகத்த²ம்பி⁴கத்தே²ரஅபதா³னவண்ணனா • 2. Ekatthambhikattheraapadānavaṇṇanā
