| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
3. நந்த³த்தே²ரஅபதா³னங்
3. Nandattheraapadānaṃ
27.
27.
‘‘பது³முத்தரஸ்ஸ ப⁴க³வதோ, லோகஜெட்ட²ஸ்ஸ தாதி³னோ;
‘‘Padumuttarassa bhagavato, lokajeṭṭhassa tādino;
வத்த²ங் கோ²மங் மயா தி³ன்னங், ஸயம்பு⁴ஸ்ஸ மஹேஸினோ.
Vatthaṃ khomaṃ mayā dinnaṃ, sayambhussa mahesino.
28.
28.
‘‘தங் மே பு³த்³தோ⁴ வியாகாஸி, ஜலஜுத்தரனாமகோ;
‘‘Taṃ me buddho viyākāsi, jalajuttaranāmako;
‘இமினா வத்த²தா³னேன, ஹேமவண்ணோ ப⁴விஸ்ஸஸி.
‘Iminā vatthadānena, hemavaṇṇo bhavissasi.
29.
29.
‘‘‘த்³வே ஸம்பத்தீ அனுபொ⁴த்வா, குஸலமூலேஹி சோதி³தோ;
‘‘‘Dve sampattī anubhotvā, kusalamūlehi codito;
கோ³தமஸ்ஸ ப⁴க³வதோ, கனிட்டோ² த்வங் ப⁴விஸ்ஸஸி.
Gotamassa bhagavato, kaniṭṭho tvaṃ bhavissasi.
30.
30.
‘‘‘ராக³ரத்தோ ஸுக²ஸீலோ, காமேஸு கே³த⁴மாயுதோ;
‘‘‘Rāgaratto sukhasīlo, kāmesu gedhamāyuto;
பு³த்³தே⁴ன சோதி³தோ ஸந்தோ, ததா³ 1 த்வங் பப்³ப³ஜிஸ்ஸஸி.
Buddhena codito santo, tadā 2 tvaṃ pabbajissasi.
31.
31.
‘‘‘பப்³ப³ஜித்வான த்வங் தத்த², குஸலமூலேன சோதி³தோ;
‘‘‘Pabbajitvāna tvaṃ tattha, kusalamūlena codito;
ஸப்³பா³ஸவே பரிஞ்ஞாய, நிப்³பா³யிஸ்ஸஸினாஸவோ’.
Sabbāsave pariññāya, nibbāyissasināsavo’.
32.
32.
ஸட்டி² கப்பஸஹஸ்ஸம்ஹி, உபசேலா சதுஜ்ஜனா.
Saṭṭhi kappasahassamhi, upacelā catujjanā.
33.
33.
‘‘பஞ்ச கப்பஸஹஸ்ஸம்ஹி, சேளாவ சதுரோ ஜனா;
‘‘Pañca kappasahassamhi, ceḷāva caturo janā;
ஸத்தரதனஸம்பன்னா, சதுதீ³பம்ஹி இஸ்ஸரா.
Sattaratanasampannā, catudīpamhi issarā.
34.
34.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் ஆயஸ்மா நந்தோ³ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā nando thero imā gāthāyo abhāsitthāti.
நந்த³த்தே²ரஸ்ஸாபதா³னங் ததியங்.
Nandattherassāpadānaṃ tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 3. நந்த³த்தே²ரஅபதா³னவண்ணனா • 3. Nandattheraapadānavaṇṇanā
