| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. එකපුප්ඵියත්ථෙරඅපදානං
4. Ekapupphiyattheraapadānaṃ
16.
16.
‘‘දක්ඛිණම්හි දුවාරම්හි, පිසාචො ආසහං තදා;
‘‘Dakkhiṇamhi duvāramhi, pisāco āsahaṃ tadā;
අද්දසං විරජං බුද්ධං, පීතරංසිංව භාණුමං.
Addasaṃ virajaṃ buddhaṃ, pītaraṃsiṃva bhāṇumaṃ.
17.
17.
‘‘විපස්සිස්ස නරග්ගස්ස, සබ්බලොකහිතෙසිනො;
‘‘Vipassissa naraggassa, sabbalokahitesino;
එකපුප්ඵං මයා දින්නං, ද්විපදින්දස්ස තාදිනො.
Ekapupphaṃ mayā dinnaṃ, dvipadindassa tādino.
18.
18.
‘‘එකනවුතිතො කප්පෙ, යං පුප්ඵමදදිං තදා;
‘‘Ekanavutito kappe, yaṃ pupphamadadiṃ tadā;
දුග්ගතිං නාභිජානාමි, බුද්ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
19.
19.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා එකපුප්ඵියො ථෙරො ඉමා ගාථායො අභාසිත්ථාති.
Itthaṃ sudaṃ āyasmā ekapupphiyo thero imā gāthāyo abhāsitthāti.
එකපුප්ඵියත්ථෙරස්සාපදානං චතුත්ථං.
Ekapupphiyattherassāpadānaṃ catutthaṃ.
