| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൫. ഏകന്തദുക്ഖസുത്തം
5. Ekantadukkhasuttaṃ
൧൧൮. സാവത്ഥിയം വിഹരതി…പേ॰… ‘‘പഥവീധാതു ചേ 1 ഹിദം, ഭിക്ഖവേ, ഏകന്തദുക്ഖാ അഭവിസ്സ ദുക്ഖാനുപതിതാ ദുക്ഖാവക്കന്താ അനവക്കന്താ സുഖേന, നയിദം സത്താ പഥവീധാതുയാ സാരജ്ജേയ്യും. യസ്മാ ച ഖോ, ഭിക്ഖവേ, പഥവീധാതു സുഖാ സുഖാനുപതിതാ സുഖാവക്കന്താ അനവക്കന്താ ദുക്ഖേന, തസ്മാ സത്താ പഥവീധാതുയാ സാരജ്ജന്തി’’.
118. Sāvatthiyaṃ viharati…pe… ‘‘pathavīdhātu ce 2 hidaṃ, bhikkhave, ekantadukkhā abhavissa dukkhānupatitā dukkhāvakkantā anavakkantā sukhena, nayidaṃ sattā pathavīdhātuyā sārajjeyyuṃ. Yasmā ca kho, bhikkhave, pathavīdhātu sukhā sukhānupatitā sukhāvakkantā anavakkantā dukkhena, tasmā sattā pathavīdhātuyā sārajjanti’’.
‘‘ആപോധാതു ചേ ഹിദം, ഭിക്ഖവേ…പേ॰… തേജോധാതു ചേ ഹിദം, ഭിക്ഖവേ… വായോധാതു ചേ ഹിദം, ഭിക്ഖവേ, ഏകന്തദുക്ഖാ അഭവിസ്സ ദുക്ഖാനുപതിതാ ദുക്ഖാവക്കന്താ അനവക്കന്താ സുഖേന, നയിദം സത്താ വായോധാതുയാ സാരജ്ജേയ്യും. യസ്മാ ച ഖോ, ഭിക്ഖവേ, വായോധാതു സുഖാ സുഖാനുപതിതാ സുഖാവക്കന്താ അനവക്കന്താ ദുക്ഖേന, തസ്മാ സത്താ വായോധാതുയാ സാരജ്ജന്തി.
‘‘Āpodhātu ce hidaṃ, bhikkhave…pe… tejodhātu ce hidaṃ, bhikkhave… vāyodhātu ce hidaṃ, bhikkhave, ekantadukkhā abhavissa dukkhānupatitā dukkhāvakkantā anavakkantā sukhena, nayidaṃ sattā vāyodhātuyā sārajjeyyuṃ. Yasmā ca kho, bhikkhave, vāyodhātu sukhā sukhānupatitā sukhāvakkantā anavakkantā dukkhena, tasmā sattā vāyodhātuyā sārajjanti.
‘‘പഥവീധാതു ചേ ഹിദം, ഭിക്ഖവേ, ഏകന്തസുഖാ അഭവിസ്സ സുഖാനുപതിതാ സുഖാവക്കന്താ അനവക്കന്താ ദുക്ഖേന, നയിദം സത്താ പഥവീധാതുയാ നിബ്ബിന്ദേയ്യും. യസ്മാ ച ഖോ, ഭിക്ഖവേ, പഥവീധാതു ദുക്ഖാ ദുക്ഖാനുപതിതാ ദുക്ഖാവക്കന്താ അനവക്കന്താ സുഖേന, തസ്മാ സത്താ പഥവീധാതുയാ നിബ്ബിന്ദന്തി.
‘‘Pathavīdhātu ce hidaṃ, bhikkhave, ekantasukhā abhavissa sukhānupatitā sukhāvakkantā anavakkantā dukkhena, nayidaṃ sattā pathavīdhātuyā nibbindeyyuṃ. Yasmā ca kho, bhikkhave, pathavīdhātu dukkhā dukkhānupatitā dukkhāvakkantā anavakkantā sukhena, tasmā sattā pathavīdhātuyā nibbindanti.
‘‘ആപോധാതു ചേ ഹിദം, ഭിക്ഖവേ…പേ॰… തേജോധാതു ചേ ഹിദം, ഭിക്ഖവേ… വായോധാതു ചേ ഹിദം, ഭിക്ഖവേ, ഏകന്തസുഖാ അഭവിസ്സ സുഖാനുപതിതാ സുഖാവക്കന്താ അനവക്കന്താ ദുക്ഖേന, നയിദം സത്താ വായോധാതുയാ നിബ്ബിന്ദേയ്യും. യസ്മാ ച ഖോ, ഭിക്ഖവേ, വായോധാതു ദുക്ഖാ ദുക്ഖാനുപതിതാ ദുക്ഖാവക്കന്താ അനവക്കന്താ സുഖേന, തസ്മാ സത്താ വായോധാതുയാ നിബ്ബിന്ദന്തീ’’തി. പഞ്ചമം.
‘‘Āpodhātu ce hidaṃ, bhikkhave…pe… tejodhātu ce hidaṃ, bhikkhave… vāyodhātu ce hidaṃ, bhikkhave, ekantasukhā abhavissa sukhānupatitā sukhāvakkantā anavakkantā dukkhena, nayidaṃ sattā vāyodhātuyā nibbindeyyuṃ. Yasmā ca kho, bhikkhave, vāyodhātu dukkhā dukkhānupatitā dukkhāvakkantā anavakkantā sukhena, tasmā sattā vāyodhātuyā nibbindantī’’ti. Pañcamaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൫. ഏകന്തദുക്ഖസുത്തവണ്ണനാ • 5. Ekantadukkhasuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൫. ഏകന്തദുക്ഖസുത്തവണ്ണനാ • 5. Ekantadukkhasuttavaṇṇanā
