| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៥. ឯកញ្ជលិកត្ថេរអបទានំ
5. Ekañjalikattheraapadānaṃ
១៩.
19.
‘‘ឧទុម្ពរេ វសន្តស្ស, និយតេ បណ្ណសន្ថរេ;
‘‘Udumbare vasantassa, niyate paṇṇasanthare;
វុត្ថោកាសោ មយា ទិន្នោ, សមណស្ស មហេសិនោ។
Vutthokāso mayā dinno, samaṇassa mahesino.
២០.
20.
‘‘តិស្សស្ស ទ្វិបទិន្ទស្ស, លោកនាថស្ស តាទិនោ;
‘‘Tissassa dvipadindassa, lokanāthassa tādino;
អញ្ជលិំ បគ្គហេត្វាន, សន្ថរិំ បុប្ផសន្ថរំ។
Añjaliṃ paggahetvāna, santhariṃ pupphasantharaṃ.
២១.
21.
‘‘ទ្វេនវុតេ ឥតោ កប្បេ, យំ ករិំ បុប្ផសន្ថរំ;
‘‘Dvenavute ito kappe, yaṃ kariṃ pupphasantharaṃ;
ទុគ្គតិំ នាភិជានាមិ, សន្ថរស្ស ឥទំ ផលំ។
Duggatiṃ nābhijānāmi, santharassa idaṃ phalaṃ.
២២.
22.
‘‘ឥតោ ចុទ្ទសកប្បម្ហិ, អហោសិំ មនុជាធិបោ;
‘‘Ito cuddasakappamhi, ahosiṃ manujādhipo;
ឯកអញ្ជលិកោ នាម, ចក្កវត្តី មហព្ពលោ។
Ekaañjaliko nāma, cakkavattī mahabbalo.
២៣.
23.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ឯកញ្ជលិកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā ekañjaliko thero imā gāthāyo abhāsitthāti.
ឯកញ្ជលិកត្ថេរស្សាបទានំ បញ្ចមំ។
Ekañjalikattherassāpadānaṃ pañcamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. សុវណ្ណពិព្ពោហនិយត្ថេរអបទានាទិវណ្ណនា • 1-10. Suvaṇṇabibbohaniyattheraapadānādivaṇṇanā
