| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៩. ឯកញ្ជលិកត្ថេរអបទានំ
9. Ekañjalikattheraapadānaṃ
១៨០.
180.
‘‘សុវណ្ណវណ្ណំ សម្ពុទ្ធំ, គច្ឆន្តំ អន្តរាបណេ;
‘‘Suvaṇṇavaṇṇaṃ sambuddhaṃ, gacchantaṃ antarāpaṇe;
វិបស្សិំ សត្ថវាហគ្គំ, នរវរំ វិនាយកំ។
Vipassiṃ satthavāhaggaṃ, naravaraṃ vināyakaṃ.
១៨១.
181.
‘‘អទន្តទមនំ តាទិំ, មហាវាទិំ មហាមតិំ;
‘‘Adantadamanaṃ tādiṃ, mahāvādiṃ mahāmatiṃ;
ទិស្វា បសន្នោ សុមនោ, ឯកញ្ជលិមកាសហំ។
Disvā pasanno sumano, ekañjalimakāsahaṃ.
១៨២.
182.
ទុគ្គតិំ នាភិជានាមិ, អញ្ជលិស្ស ឥទំ ផលំ។
Duggatiṃ nābhijānāmi, añjalissa idaṃ phalaṃ.
១៨៣.
183.
‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;
‘‘Paṭisambhidā catasso, vimokkhāpi ca aṭṭhime;
ឆឡភិញ្ញា សច្ឆិកតា, កតំ ពុទ្ធស្ស សាសនំ’’។
Chaḷabhiññā sacchikatā, kataṃ buddhassa sāsanaṃ’’.
ឥត្ថំ សុទំ អាយស្មា ឯកញ្ជលិកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā ekañjaliko thero imā gāthāyo abhāsitthāti.
ឯកញ្ជលិកត្ថេរស្សាបទានំ នវមំ។
Ekañjalikattherassāpadānaṃ navamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៩. ឯកញ្ជលិកត្ថេរអបទានវណ្ណនា • 9. Ekañjalikattheraapadānavaṇṇanā
