| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๕. เอกญฺชลิกเตฺถรอปทานํ
5. Ekañjalikattheraapadānaṃ
๑๙.
19.
‘‘อุทุมฺพเร วสนฺตสฺส, นิยเต ปณฺณสนฺถเร;
‘‘Udumbare vasantassa, niyate paṇṇasanthare;
วุโตฺถกาโส มยา ทิโนฺน, สมณสฺส มเหสิโนฯ
Vutthokāso mayā dinno, samaṇassa mahesino.
๒๐.
20.
‘‘ติสฺสสฺส ทฺวิปทินฺทสฺส, โลกนาถสฺส ตาทิโน;
‘‘Tissassa dvipadindassa, lokanāthassa tādino;
อญฺชลิํ ปคฺคเหตฺวาน, สนฺถริํ ปุปฺผสนฺถรํฯ
Añjaliṃ paggahetvāna, santhariṃ pupphasantharaṃ.
๒๑.
21.
‘‘เทฺวนวุเต อิโต กเปฺป, ยํ กริํ ปุปฺผสนฺถรํ;
‘‘Dvenavute ito kappe, yaṃ kariṃ pupphasantharaṃ;
ทุคฺคติํ นาภิชานามิ, สนฺถรสฺส อิทํ ผลํฯ
Duggatiṃ nābhijānāmi, santharassa idaṃ phalaṃ.
๒๒.
22.
‘‘อิโต จุทฺทสกปฺปมฺหิ, อโหสิํ มนุชาธิโป;
‘‘Ito cuddasakappamhi, ahosiṃ manujādhipo;
เอกอญฺชลิโก นาม, จกฺกวตฺตี มหพฺพโลฯ
Ekaañjaliko nāma, cakkavattī mahabbalo.
๒๓.
23.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา เอกญฺชลิโก เถโร อิมา คาถาโย อภาสิตฺถาติฯ
Itthaṃ sudaṃ āyasmā ekañjaliko thero imā gāthāyo abhāsitthāti.
เอกญฺชลิกเตฺถรสฺสาปทานํ ปญฺจมํฯ
Ekañjalikattherassāpadānaṃ pañcamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๑๐. สุวณฺณพิโพฺพหนิยเตฺถรอปทานาทิวณฺณนา • 1-10. Suvaṇṇabibbohaniyattheraapadānādivaṇṇanā
