| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๖. โปตฺถกทายกเตฺถรอปทานํ
6. Potthakadāyakattheraapadānaṃ
๒๔.
24.
‘‘สตฺถารํ ธมฺมมารพฺภ, สงฺฆญฺจาปิ มเหสินํ;
‘‘Satthāraṃ dhammamārabbha, saṅghañcāpi mahesinaṃ;
โปตฺถทานํ มยา ทินฺนํ, ทกฺขิเณเยฺย อนุตฺตเรฯ
Potthadānaṃ mayā dinnaṃ, dakkhiṇeyye anuttare.
๒๕.
25.
‘‘เอกนวุติโต กเปฺป, ยํ กมฺมมกริํ ตทา;
‘‘Ekanavutito kappe, yaṃ kammamakariṃ tadā;
ทุคฺคติํ นาภิชานามิ, โปตฺถทานสฺสิทํ ผลํฯ
Duggatiṃ nābhijānāmi, potthadānassidaṃ phalaṃ.
๒๖.
26.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา โปตฺถกทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā potthakadāyako thero imā gāthāyo abhāsitthāti.
โปตฺถกทายกเตฺถรสฺสาปทานํ ฉฎฺฐํฯ
Potthakadāyakattherassāpadānaṃ chaṭṭhaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๑๐. สุวณฺณพิโพฺพหนิยเตฺถรอปทานาทิวณฺณนา • 1-10. Suvaṇṇabibbohaniyattheraapadānādivaṇṇanā
