| Library / Tipiṭaka / តិបិដក • Tipiṭaka / កថាវត្ថុបាឡិ • Kathāvatthupāḷi |
២៣. តេវីសតិមវគ្គោ
23. Tevīsatimavaggo
(២១៨) ១. ឯកាធិប្បាយកថា
(218) 1. Ekādhippāyakathā
៩០៨. ឯកាធិប្បាយេន មេថុនោ ធម្មោ បដិសេវិតព្ពោតិ? អាមន្តា។ ឯកាធិប្បាយេន អស្សមណេន ហោតព្ពំ, អភិក្ខុនា ហោតព្ពំ, ឆិន្នមូលេន ហោតព្ពំ បារាជិកេន ហោតព្ពន្តិ? ន ហេវំ វត្តព្ពេ…បេ.… ឯកាធិប្បាយេន មេថុនោ ធម្មោ បដិសេវិតព្ពោតិ? អាមន្តា។ ឯកាធិប្បាយេន បាណោ ហន្តព្ពោ, អទិន្នំ អាទិយិតព្ពំ, មុសា ភណិតព្ពា, បិសុណំ ភណិតព្ពំ, ផរុសំ ភណិតព្ពំ, សម្ផំ បលបិតព្ពំ, សន្ធិ ឆេទិតព្ពោ, និល្លោបំ ហាតព្ពំ, ឯកាគារិកំ កាតព្ពំ, បរិបន្ថេ ឋាតព្ពំ, បរទារោ គន្តព្ពោ, គាមឃាតកោ កាតព្ពោ, និគមឃាតកោ កាតព្ពោតិ? ន ហេវំ វត្តព្ពេ…បេ.…។
908. Ekādhippāyena methuno dhammo paṭisevitabboti? Āmantā. Ekādhippāyena assamaṇena hotabbaṃ, abhikkhunā hotabbaṃ, chinnamūlena hotabbaṃ pārājikena hotabbanti? Na hevaṃ vattabbe…pe… ekādhippāyena methuno dhammo paṭisevitabboti? Āmantā. Ekādhippāyena pāṇo hantabbo, adinnaṃ ādiyitabbaṃ, musā bhaṇitabbā, pisuṇaṃ bhaṇitabbaṃ, pharusaṃ bhaṇitabbaṃ, samphaṃ palapitabbaṃ, sandhi cheditabbo, nillopaṃ hātabbaṃ, ekāgārikaṃ kātabbaṃ, paripanthe ṭhātabbaṃ, paradāro gantabbo, gāmaghātako kātabbo, nigamaghātako kātabboti? Na hevaṃ vattabbe…pe….
ឯកាធិប្បាយកថា និដ្ឋិតា។
Ekādhippāyakathā niṭṭhitā.
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ១. ឯកាធិប្បាយកថាវណ្ណនា • 1. Ekādhippāyakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ១. ឯកាធិប្បាយកថាវណ្ណនា • 1. Ekādhippāyakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ១. ឯកាធិប្បាយកថាវណ្ណនា • 1. Ekādhippāyakathāvaṇṇanā
