| Library / Tipiṭaka / តិបិដក • Tipiṭaka / បញ្ចបករណ-អនុដីកា • Pañcapakaraṇa-anuṭīkā |
២៣. តេវីសតិមវគ្គោ
23. Tevīsatimavaggo
១. ឯកាធិប្បាយកថាវណ្ណនា
1. Ekādhippāyakathāvaṇṇanā
៩០៨. ឯក-សទ្ទោ អញ្ញត្ថោបិ ហោតិ ‘‘ឥត្ថេកេ អភិវទន្តី’’តិអាទីសុ វិយ, អញ្ញត្តញ្ចេត្ថ រាគាធិប្បាយតោ វេទិតព្ពំ, បុថុជ្ជនស្ស បន សឆន្ទរាគបរិភោគភាវតោ អាហ ‘‘រាគាធិប្បាយតោ អញ្ញាធិប្បាយោវាតិ វុត្តំ ហោតី’’តិ។ កោ បន សោ អញ្ញាធិប្បាយោតិ? ករុណាធិប្បាយោ។ តេន វុត្តំ ‘‘ករុណាធិប្បាយេន ឯកាធិប្បាយោ’’តិ។ អយញ្ច នយោ ឥត្ថិយា ជីវិតរក្ខណត្ថំ ការុញ្ញេន មនោរថំ បូរេន្តស្ស ពោធិសត្តស្ស សំវរវិនាសោ ន ហោតីតិ ឯវំវាទិនំ បរវាទិំ សន្ធាយ វុត្តោ, បណិធានាធិប្បាយវាទិនំ បន សន្ធាយ ‘‘ឯកោ អធិប្បាយោតិ ឯត្ថា’’តិអាទិ វុត្តំ។ បុត្តមុខទស្សនាធិប្បាយោបិ ឯត្ថេវ សង្គហំ គតោតិ ទដ្ឋព្ពំ។ ឯកតោភាវេតិ សហភាវេ។
908. Eka-saddo aññatthopi hoti ‘‘ittheke abhivadantī’’tiādīsu viya, aññattañcettha rāgādhippāyato veditabbaṃ, puthujjanassa pana sachandarāgaparibhogabhāvato āha ‘‘rāgādhippāyato aññādhippāyovāti vuttaṃ hotī’’ti. Ko pana so aññādhippāyoti? Karuṇādhippāyo. Tena vuttaṃ ‘‘karuṇādhippāyena ekādhippāyo’’ti. Ayañca nayo itthiyā jīvitarakkhaṇatthaṃ kāruññena manorathaṃ pūrentassa bodhisattassa saṃvaravināso na hotīti evaṃvādinaṃ paravādiṃ sandhāya vutto, paṇidhānādhippāyavādinaṃ pana sandhāya ‘‘eko adhippāyoti etthā’’tiādi vuttaṃ. Puttamukhadassanādhippāyopi ettheva saṅgahaṃ gatoti daṭṭhabbaṃ. Ekatobhāveti sahabhāve.
ឯកាធិប្បាយកថាវណ្ណនា និដ្ឋិតា។
Ekādhippāyakathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (២១៨) ១. ឯកាធិប្បាយកថា • (218) 1. Ekādhippāyakathā
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ១. ឯកាធិប្បាយកថាវណ្ណនា • 1. Ekādhippāyakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ១. ឯកាធិប្បាយកថាវណ្ណនា • 1. Ekādhippāyakathāvaṇṇanā
