| Library / Tipiṭaka / തിപിടക • Tipiṭaka / പഞ്ചപകരണ-മൂലടീകാ • Pañcapakaraṇa-mūlaṭīkā |
൧൧. ഏകാദസമനയോ സങ്ഗഹിതേനസമ്പയുത്തവിപ്പയുത്തപദവണ്ണനാ
11. Ekādasamanayo saṅgahitenasampayuttavippayuttapadavaṇṇanā
൪൦൯. ഏകാദസമനയവണ്ണനായം ‘‘തേ ച സേസേഹി തീഹി ഖന്ധേഹി ഏകേന മനായതനേന സത്തഹി വിഞ്ഞാണധാതൂഹീ’’തി ഏതേസം പദാനം ‘‘സമ്പയുത്താ നാമാ’’തി ഏതേന സഹ സമ്ബന്ധോ. ‘‘കേഹിചീ’’തി ഏതസ്സ പനത്ഥം ദസ്സേതും ‘‘സങ്ഖാരക്ഖന്ധേ ധമ്മായതനധമ്മധാതൂസു ച ഠപേത്വാ തണ്ഹ’’ന്തി ഏതേന ‘‘തേ ചാ’’തി വുത്തേ സമുദയസച്ചേന ഖന്ധാദിസങ്ഗഹേന സങ്ഗഹിതധമ്മേ വിസേസേത്വാ തേസം ഏവ വിസേസിതാനം അത്തവജ്ജേഹി സേസേഹി സങ്ഖാരക്ഖന്ധേ തണ്ഹായ ധമ്മായതനധമ്മധാതൂസു ച തണ്ഹായ വേദനാസഞ്ഞാക്ഖന്ധേഹി സമ്പയോഗാരഹേഹി സമ്പയുത്തതം സന്ധായാഹ ‘‘സേസേഹി സമ്പയുത്തത്താ കേഹിചി സമ്പയുത്താ നാമാ’’തി.
409. Ekādasamanayavaṇṇanāyaṃ ‘‘te ca sesehi tīhi khandhehi ekena manāyatanena sattahi viññāṇadhātūhī’’ti etesaṃ padānaṃ ‘‘sampayuttā nāmā’’ti etena saha sambandho. ‘‘Kehicī’’ti etassa panatthaṃ dassetuṃ ‘‘saṅkhārakkhandhe dhammāyatanadhammadhātūsu ca ṭhapetvā taṇha’’nti etena ‘‘te cā’’ti vutte samudayasaccena khandhādisaṅgahena saṅgahitadhamme visesetvā tesaṃ eva visesitānaṃ attavajjehi sesehi saṅkhārakkhandhe taṇhāya dhammāyatanadhammadhātūsu ca taṇhāya vedanāsaññākkhandhehi sampayogārahehi sampayuttataṃ sandhāyāha ‘‘sesehi sampayuttattā kehici sampayuttā nāmā’’ti.
ഏകാദസമനയസങ്ഗഹിതേനസമ്പയുത്തവിപ്പയുത്തപദവണ്ണനാ നിട്ഠിതാ.
Ekādasamanayasaṅgahitenasampayuttavippayuttapadavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / ധാതുകഥാപാളി • Dhātukathāpāḷi / ൧൧. സങ്ഗഹിതേനസമ്പയുത്തവിപ്പയുത്തപദനിദ്ദേസോ • 11. Saṅgahitenasampayuttavippayuttapadaniddeso
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧൧. ഏകാദസമനയോ സങ്ഗഹിതേനസമ്പയുത്തവിപ്പയുത്തപദവണ്ണനാ • 11. Ekādasamanayo saṅgahitenasampayuttavippayuttapadavaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൧൧. ഏകാദസമനയോ സങ്ഗഹിതേനസമ്പയുത്തവിപ്പയുത്തപദവണ്ണനാ • 11. Ekādasamanayo saṅgahitenasampayuttavippayuttapadavaṇṇanā
