| Library / Tipiṭaka / තිපිටක • Tipiṭaka / පාචිත්යාදියොජනාපාළි • Pācityādiyojanāpāḷi |
12. ද්වාදසමනිස්සග්ගියපාචිත්තියසික්ඛාපදං
12. Dvādasamanissaggiyapācittiyasikkhāpadaṃ
789. ද්වාදසමෙ ලහුපාවුරණං නාම උණ්හකාලෙ පාවුරණවත්ථන්ති දස්සෙන්තො ආහ ‘‘උණ්හකාලෙ පාවුරණ’’න්ති. උණ්හකාලෙ හි මනුස්සා සුඛුමපාවුරණං පාරුපන්තීති. ද්වාදසමං.
789. Dvādasame lahupāvuraṇaṃ nāma uṇhakāle pāvuraṇavatthanti dassento āha ‘‘uṇhakāle pāvuraṇa’’nti. Uṇhakāle hi manussā sukhumapāvuraṇaṃ pārupantīti. Dvādasamaṃ.
නිස්සග්ගියානං තිංසභාවං දස්සෙන්තො ආහ ‘‘මහාවිභඞ්ගෙ’’තිආදි. චීවරවග්ගතො අපනෙත්වාති සම්බන්ධො. අඤ්ඤදත්ථිකානීති අඤ්ඤදත්ථිකපදෙන වුත්තානි සික්ඛාපදානි. ඉතීති එවං. එකතොපඤ්ඤත්තානීති එකස්සෙව පඤ්ඤත්තානි, උභතොපඤ්ඤත්තානීති උභයෙසං පඤ්ඤත්තානි. එත්ථාති ‘‘උද්දිට්ඨා ඛො’’තිආදිවචනෙති.
Nissaggiyānaṃ tiṃsabhāvaṃ dassento āha ‘‘mahāvibhaṅge’’tiādi. Cīvaravaggato apanetvāti sambandho. Aññadatthikānīti aññadatthikapadena vuttāni sikkhāpadāni. Itīti evaṃ. Ekatopaññattānīti ekasseva paññattāni, ubhatopaññattānīti ubhayesaṃ paññattāni. Etthāti ‘‘uddiṭṭhā kho’’tiādivacaneti.
ඉති සමන්තපාසාදිකාය විනයසංවණ්ණනාය
Iti samantapāsādikāya vinayasaṃvaṇṇanāya
භික්ඛුනිවිභඞ්ගෙ
Bhikkhunivibhaṅge
තිංසකවණ්ණනාය යොජනා සමත්තා.
Tiṃsakavaṇṇanāya yojanā samattā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්ඛුනීවිභඞ්ග • Bhikkhunīvibhaṅga / 12. ද්වාදසමසික්ඛාපදං • 12. Dvādasamasikkhāpadaṃ
අට්ඨකථා • Aṭṭhakathā / විනයපිටක (අට්ඨකථා) • Vinayapiṭaka (aṭṭhakathā) / භික්ඛුනීවිභඞ්ග-අට්ඨකථා • Bhikkhunīvibhaṅga-aṭṭhakathā / ද්වාදසමනිස්සග්ගියපාචිත්තියසික්ඛාපදවණ්ණනා • Dvādasamanissaggiyapācittiyasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 2. දුතියනිස්සග්ගියාදිපාචිත්තියසික්ඛාපදවණ්ණනා • 2. Dutiyanissaggiyādipācittiyasikkhāpadavaṇṇanā
