| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৪. দুট্ঠুল্লসিক্খাপদং
4. Duṭṭhullasikkhāpadaṃ
৩৯৯. চতুত্থে অত্থুদ্ধারৰসেন দস্সিতানি দুট্ঠুল্লসদ্দত্থভাৰেন সদিসত্তাতি অধিপ্পাযো। ‘‘ধুর’’ন্তি এত্থ লক্খণৰন্তত্তা ভুম্মত্থে উপযোগৰচনন্তি আহ ‘‘ধুরে’’তি। ধুরে নিক্খিত্তমত্তে সতীতি যোজনা।
399. Catutthe atthuddhāravasena dassitāni duṭṭhullasaddatthabhāvena sadisattāti adhippāyo. ‘‘Dhura’’nti ettha lakkhaṇavantattā bhummatthe upayogavacananti āha ‘‘dhure’’ti. Dhure nikkhittamatte satīti yojanā.
এৰং ধুরং নিক্খিপিত্ৰাতি ‘‘অঞ্ঞস্স নারোচেস্সামী’’তি এৰং ধুরং নিক্খিপিত্ৰা। অঞ্ঞস্সাতি ৰত্থু, পুগ্গলতো অঞ্ঞস্স দুতিযস্স। সোপীতি দুতিযোপি। অঞ্ঞস্সাতি ততিযস্স। যাৰ কোটি ন ছিজ্জতি, তাৰ আপজ্জতিযেৰাতি যোজনা। তস্সেৰাতি আপত্তিং আপন্নপুগ্গলস্স। ৰত্থুপুগ্গলোযেৰাতি আপত্তিং আপন্নপুগ্গলোযেৰ। অযন্তি পঠমভিক্খু। অঞ্ঞস্সাতি দুতিযস্স। সোতি দুতিযো আরোচেতীতি সম্বন্ধো। যেনাতি পঠমভিক্খুনা। অস্সাতি দুতিযস্স। তস্সেৰাতি পঠমভিক্খুস্সেৰ। ৰত্থুপুগ্গলং উপনিধায ‘‘ততিযেন পুগ্গলেন দুতিযস্সা’’তি ৰুত্তং।
Evaṃdhuraṃ nikkhipitvāti ‘‘aññassa nārocessāmī’’ti evaṃ dhuraṃ nikkhipitvā. Aññassāti vatthu, puggalato aññassa dutiyassa. Sopīti dutiyopi. Aññassāti tatiyassa. Yāva koṭi na chijjati, tāva āpajjatiyevāti yojanā. Tassevāti āpattiṃ āpannapuggalassa. Vatthupuggaloyevāti āpattiṃ āpannapuggaloyeva. Ayanti paṭhamabhikkhu. Aññassāti dutiyassa. Soti dutiyo ārocetīti sambandho. Yenāti paṭhamabhikkhunā. Assāti dutiyassa. Tassevāti paṭhamabhikkhusseva. Vatthupuggalaṃ upanidhāya ‘‘tatiyena puggalena dutiyassā’’ti vuttaṃ.
৪০০. পঞ্চাপত্তিক্খন্ধেতি থুল্লচ্চযাদিকে পঞ্চ আপত্তিক্খন্ধে। অজ্ঝাচারো নামাতি অধিভৰিত্ৰা ৰীতিক্কমিত্ৰা আচরিতব্বত্তা অজ্ঝাচারো নামাতি। চতুত্থং।
400.Pañcāpattikkhandheti thullaccayādike pañca āpattikkhandhe. Ajjhācāro nāmāti adhibhavitvā vītikkamitvā ācaritabbattā ajjhācāro nāmāti. Catutthaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৭. সপ্পাণকৰগ্গো • 7. Sappāṇakavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৪. দুট্ঠুল্লসিক্খাপদৰণ্ণনা • 4. Duṭṭhullasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৪. দুট্ঠুল্লসিক্খাপদৰণ্ণনা • 4. Duṭṭhullasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৪. দুট্ঠুল্লসিক্খাপদৰণ্ণনা • 4. Duṭṭhullasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৪. দুট্ঠুল্লসিক্খাপদৰণ্ণনা • 4. Duṭṭhullasikkhāpadavaṇṇanā
