| Library / Tipiṭaka / তিপিটক • Tipiṭaka / সুত্তনিপাতপাল়ি • Suttanipātapāḷi |
৩. দুট্ঠট্ঠকসুত্তং
3. Duṭṭhaṭṭhakasuttaṃ
৭৮৬.
786.
ৰদন্তি ৰে দুট্ঠমনাপি একে, অথোপি ৰে সচ্চমনা ৰদন্তি।
Vadanti ve duṭṭhamanāpi eke, athopi ve saccamanā vadanti;
ৰাদঞ্চ জাতং মুনি নো উপেতি, তস্মা মুনী নত্থি খিলো কুহিঞ্চি॥
Vādañca jātaṃ muni no upeti, tasmā munī natthi khilo kuhiñci.
৭৮৭.
787.
সকঞ্হি দিট্ঠিং কথমচ্চযেয্য, ছন্দানুনীতো রুচিযা নিৰিট্ঠো।
Sakañhi diṭṭhiṃ kathamaccayeyya, chandānunīto ruciyā niviṭṭho;
সযং সমত্তানি পকুব্বমানো, যথা হি জানেয্য তথা ৰদেয্য॥
Sayaṃ samattāni pakubbamāno, yathā hi jāneyya tathā vadeyya.
৭৮৮.
788.
অনরিযধম্মং কুসলা তমাহু, যো আতুমানং সযমেৰ পাৰ॥
Anariyadhammaṃ kusalā tamāhu, yo ātumānaṃ sayameva pāva.
৭৮৯.
789.
সন্তো চ ভিক্খু অভিনিব্বুতত্তো, ইতিহন্তি সীলেসু অকত্থমানো।
Santo ca bhikkhu abhinibbutatto, itihanti sīlesu akatthamāno;
তমরিযধম্মং কুসলা ৰদন্তি, যস্সুস্সদা নত্থি কুহিঞ্চি লোকে॥
Tamariyadhammaṃ kusalā vadanti, yassussadā natthi kuhiñci loke.
৭৯০.
790.
পকপ্পিতা সঙ্খতা যস্স ধম্মা, পুরক্খতা 5 সন্তি অৰীৰদাতা।
Pakappitā saṅkhatā yassa dhammā, purakkhatā 6 santi avīvadātā;
যদত্তনি পস্সতি আনিসংসং, তং নিস্সিতো কুপ্পপটিচ্চ সন্তিং॥
Yadattani passati ānisaṃsaṃ, taṃ nissito kuppapaṭicca santiṃ.
৭৯১.
791.
দিট্ঠীনিৰেসা ন হি স্ৰাতিৰত্তা, ধম্মেসু নিচ্ছেয্য সমুগ্গহীতং।
Diṭṭhīnivesā na hi svātivattā, dhammesu niccheyya samuggahītaṃ;
তস্মা নরো তেসু নিৰেসনেসু, নিরস্সতী আদিযতী চ ধম্মং॥
Tasmā naro tesu nivesanesu, nirassatī ādiyatī ca dhammaṃ.
৭৯২.
792.
ধোনস্স হি নত্থি কুহিঞ্চি লোকে, পকপ্পিতা দিট্ঠি ভৰাভৰেসু।
Dhonassa hi natthi kuhiñci loke, pakappitā diṭṭhi bhavābhavesu;
মাযঞ্চ মানঞ্চ পহায ধোনো, স কেন গচ্ছেয্য অনূপযো সো॥
Māyañca mānañca pahāya dhono, sa kena gaccheyya anūpayo so.
৭৯৩.
793.
উপযো হি ধম্মেসু উপেতি ৰাদং, অনূপযং কেন কথং ৰদেয্য।
Upayo hi dhammesu upeti vādaṃ, anūpayaṃ kena kathaṃ vadeyya;
অত্তা নিরত্তা 7 ন হি তস্স অত্থি, অধোসি সো দিট্ঠিমিধেৰ সব্বন্তি॥
Attā nirattā 8 na hi tassa atthi, adhosi so diṭṭhimidheva sabbanti.
দুট্ঠট্ঠকসুত্তং ততিযং নিট্ঠিতং।
Duṭṭhaṭṭhakasuttaṃ tatiyaṃ niṭṭhitaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / সুত্তনিপাত-অট্ঠকথা • Suttanipāta-aṭṭhakathā / ৩. দুট্ঠট্ঠকসুত্তৰণ্ণনা • 3. Duṭṭhaṭṭhakasuttavaṇṇanā
